Црна хроника
Двајца Косовци тешко повредени во сообраќајка на патот Скопје – Блаце
Двајца косовски државјани се тешко повредени, а четворица се полесно повредени во сообраќајна несреќа што се случила во понеделникот во 15.30 часот на магистралниот пат Скопје- Граничен премин Блаце.
Во несреќата се судриле два автомобили „опел астра“ и „фолксваген голф“ со косовски регистерски ознаки. Еден сопатник од „опелот“ и возачот на голфот се тешко повредени и задржани во Клиничка болница „Систина“, каде и им биле констатирани тешки телесни повреди и истите биле во животна опасност. Останатите лица, кои биле во возилата, по укажаната медицинска помош во Ургентниот центар „Мајка Тереза“ , биле пуштени на домашно лекување. Увид на местото на настанот, по овластување на Јавен обвинител, извршила увидна екипа од СВР Скопје./крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Маж насилно изваден од својот дом и со убодни рани оставен кај Транспортниот центар во Скопје
Вчера во 07.40 часот во Полициската станица Аеродром, 34-годишниот К.Б. од Скопје пријавил дека на 24/25.04.2024 околу 01.30 часот, А.„Н“ со употреба на сила го извадил од неговиот дом и го внел во патничко возило кое го управувал К.„Н“, со уште едно лице совозач, извести МВР.
„Како што е пријавено, во возилото А.„Н“ му нанел неколку убодни рани со остар предмет и го однеле кај Транспортен центар во Скопје, каде што повторно му нанел повреда со остар предмет, по што физички го нападнале и го оставиле. Исто така, според пријавеното, тој не бил на преглед и не пријавил во полициска станица затоа што лицата му се заканиле“, соопшти МВР.
Се преземаат мерки за расчистување на случајот.
Црна хроника
Кривична против двајца штипјани, истепале полицаец
СВР Штип поднесе кривична пријава против 53-годишниот Д.Д. и 54-годишниот П.Д., двајцата од Штип, поради постоење основи на сомнение за сторено кривично дело „напад на службено лице при вршење работи на безбедноста“, извести МВР.
„На 22.02.2024, по претходна расправија околу сообраќајот, пријавените физички нападнале полициски службеник“, соопшти МВР.
Црна хроника
Тело на починат маж извадено од Вардар во Велес
Полициски службеници од СВР Велес, вчера во 8.30 часот, во водите на реката Вардар блиску до местото наречено „Јаниташ“, пронашле тело на починато машко лице.
Телото на починатиот било извадено од реката од полициски службеници од Одделот за специјални полициски операции при МВР, известуваат од СВР Велес.
Увид извршила увидна екипа од СВР Велес. По наредба на јавен обвинител, телото е дадено на обдукција.