Ракометната репрезентација на Македонија, во рамките на ЕХФ неделата, одигра два натпревари со Јапонија. Првиот го доби, тој се играше во Скопје зад затворени врати (29:27), а вториот одигран денеска, во Куманово им припадна на Јапонците со 31:32.

Македонија со овие два натпревари ги започна подготвките за Европското првенство, кое ќе се игра во јануари следната година.

Работите на теренот бргу се менуваа, Македонија водеше 6:4, потоа на осум минути до полувремето Јапонците беа во предност (10:13). Македонија одговори со серија 6:0, за водство 16:13, но Јапонците вратија со три гола за (16:16).

Македонија на стартот на второто полувреме два пати имаше предност од два гола, но Јапонците возврати за 19:19. Се играше речиис гол за гол еден период од вториот дел, а потоа на десет минути до крајот гостите стекнаа предност 25:28.

Македонија одговори, повотрно изедначи (29:29), но експресно Јапонците стекнаа два гола предност (30:32), а до крајот избраниците на Лазаров постигнаа само едне гол и не успеаја да го избегнат поразот.

„Добра подготовка за она што ни следува, а тоа е Европското првенство. Секогаш потенцирам дека треба да се навикнеме на брза игра. Ни недостигаа неколку играчи, што го искористивме да им дадеме шанса на играчи кои помалку играат. Денес буквално сите играат ракомет и тука имам мала замерка. Концепциски не бевме во можност да се обидеме да го одиграме она што сакаме да го играме на ЕП. Некогаш можеби е добро да загубиме, за потоа да влеземе мотивирани во подготоките за Европското првенсто“, рече по натпреварот селекторот на Македонија, Кирил Лазаров.

Foto/ macedoniahandball.com.mk

Фудбалерите на Борусија Менхенгладбах во девтотот коло ја забележаа првата победа сезонава во Бундес лигата. Борусија го „прегази“ Санкт Паули со 4:0.

Првата сезонаска победа во првенство во дресот на Борусија ја обележа напаѓачот на Босна и Херцеговина Харис Табаковиќ.

Првиот гол го постигна во 15-та, а вториот во 40-та минута за водство на Борусија од 2:0 на полувреме. Макино го зголеми резултатот на 3:0 во 75-та минута, додека Фрауло ги постави конечните 4:0 само пет минути подоцна.

Лајпциг ја продолжи успешната серија, Против Штутгарт славеа трет пат по ред, односно немаат пораз на четири од последните пет натпревари во лигата.

Лајпциг славеше победа со 3:1. Првиот гол за „биковите“ го постигна играчот на Шутугарт, Шабо во финишот на првиот дел.

Веднаш на почетокот од вториот дел од натпреварот, Диоманде го зголеми резултатот на 2:0, а Тиаго Томас намали на 2:1 во 65-та минута. Точка на натпреварот стави Ромуло во 91-та минута, кога ја искористи почетничката грешка на голманот на Штутгарт. од играта.

Резултати:

Хајденхајм – Ајнтрахт 1:1 (1:0)
(Жививадзе 32 – Кристенсен 55)

Мајнц – Вердер Бремен 1:1 (1:0)
(Видмер 36 – Фаза 86)

Лајпциг – Штутгарт 3:1 (1:0)
(Шабо 45аг, Диоманде 53, Ромуло 90+1 – Томас 65)

Сент Паули – Менхенгладбах 0:4 (0:2)
(Табаковиќ 15, 40, Макино 75, Фрауло 80).

Foto/ EPA

Атлетико Мадрид ја победи Севилја со 3:0 во 11-то коло, во Примера. „Јоганџиите“ ја забележаа третата победа во низа, четврта во последните пет натпревари во првенството, додека Севилја го забележа третиот пораз по ред и веќе има шест загубени натпревари од почетокот на сезоната. Мечот го обележа Антоан Гризман, клупската легенда го постигна 200-от гол во Примера.

Атлетико издоминира против Севилја, но отпорот на гостите од Андалузија го скриши во последните 30 минути.

Во првиот дел, Нико Гонзалес ја погоди стативата, потоа Аргентинецот пропушти уште две добри шанси. Голема шанса во овој дел од играта не реализира и Сорлот.

Севилја во првите дел се закани еднаш, преку Варгас, чии удар заврши над голот во 47-та минута. Инаку гостите најдобрата шанса ја имаа во 72-та минута кога ударот на Гудељ од 20 метри го одбрани Облак.

Атлетико првиот гол го постигна од пенал во 64-та минута, стрелец беше Хулијан Алварез. На пеналот му претходеше исклучително опасен старт на Нијансу врез Хименез.

Домаќинот ја дуплира предноста во 77-та минута. целата работа ја заврши Симеоне. Одзеде топка на 30 метри од голот на Влаходимос, ја претрча одбраната, а потоа му асистираше на Тијаго Алмада, на кого не му беше тешко да ја погоди празната мрежа.

Пет минути подцна Гризман не реализираше во ситуација „еден на еден“ против Влаходимос. Неговиот удар од 14 метри заврши над голот.

Францускиот ас сепак постигна гол, со десна нога во 90-та минута, негов 200-ти во дресот во Примера (во оваа бројка влегуваат и голвите постигнати за Реал Сосиедад и Барселона).

Атлетико сега има 22 бода, се наоѓа на четвртото место, Севилја е 11-та со 13 поени.

Foto/ EPA