Спорт
Ѓоковиќ убедливо прв, Зверев го стигна Федерер
Новак Ѓоковиќ со значителна предност над конкурентите ја заврши годината на првото место на АТП листата. Брилијантниот втор дел од сезоната на Српскиот тенисер нема да му го расипе ниту синоќешниот пораз на завршниот Мастерс во Лондон.
Ѓоковиќ, на поло…

Новак Ѓоковиќ со значителна предност над конкурентите ја заврши годината на првото место на АТП листата. Брилијантниот втор дел од сезоната на Српскиот тенисер нема да му го расипе ниту синоќешниот пораз на завршниот Мастерс во Лондон.
Ѓоковиќ, на половина од сезоната се наоѓаше на 22.место на АТП листата,, но на крајот тој прв минува низ целта. Србинот, од крајот на јуни, освои две гренд-слем титули (Вимблдон и Ју-Ес Опен), победи на Мастерс турнирите во Синсинати и Шангај и играше финале на Мастерс турнирите во Париз и Лондон.
Србинот годината ја завршува со 9.045 бода, зад него е Рафаел Надал со 7.480. Шпанецот, поради повреда на коленот, не играше во Париз и Лондон. Трет е Роџер Федерер со 6.420 бода, а само 35 бода зад него е победникот во Лондон, Александар Зверев.
АТП листа, Топ 10:
1. Новак Ѓоковиќ (Србија) – 9.045
2. Рафаел Надал (Шпанија) – 7.480
3. Роџер Федерер (Швајцарија) – 6.385
4. Александар Зверев (Германија) – 6.385
5. Хуан Мартин дел Потро (Аргентина) – 5.300
6. Кевин Андерсон (Јужна Африка) – 4.710
7. Марин Чилиќ (Хрватска) – 4.250
8. Доминик Тим (Австрија) 4.095
9. Кеи Нишикори (Јапонија) – 3.590
10. Џон Изнер (САД) – 3.155
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Само бод за Челзи во Карабаг, Пафос го шокира Виљареал
Со две изненадувања започна вториот ден од 4.коло во Лигата на шампионите. Пафос дојде до историската прва победа во елитното натпреварување, на домашен терен триумфираше против Виљареал (1:0). Во Азербејџан, Карабаг успеа да освои бод против Челзи (2:2).
Триумфот на Пафос против „жолтата подморница“ беше прв во оваа сезона и прв во историјата во елитното натпреварување. Ова беше трет натпревар за Пафос, од четири, во кој не прими гол(Олимпијакос, Каират, Виљареал).
Доживеаја само пораз од Баерн (1:5).
Стрелец на единствениот гол на натпреварот беше Холанѓанецот Дерик Лукасен во 47-та минута кога авторитативно скокна на првата статива и ја затресе мрежата на гостите.
Резултатите на Карабаг во Лигата на шампионите веќе не се изненадување. На домашен терен шампионот на Азербејџан одигра 2:2 со Челзи.
Менаџерот на Челзи, Енцо Мареска ротираше во тимот и тоа скапо го плати. Млафиот Холанѓанец Хато им подари два гола на противниците.
Естевао постигна убав гол во 16-та минута, но до 39-та Карабаг направи пресврт. Леандро Андраде изедначи во 29-та по киксот на Хато, а десет минути подоцна 19-годишниот Холанѓанец направви пенал. Стрелец од белата точка беше репрезентативецот на Црна Гора, Јанковиќ.
Бод на Челзи му обезбеди Гарначо во 53-та минута.
Спорт
Бекер: Очигледно е кој е „ГОАТ“
Поранешниот германски тенисер Борис Бекер зборуваше за трката за најдобар играч на сите времиња, во која главните улоги ги играат Новак Ѓоковиќ, Роџер Федерер и Рафаел Надал.
Бекер нема сомнение дека Новак Ѓоковиќ заслужува да биде наречен „ГОАТ“.
„Тој заслужува почит. Отсекогаш го заслужувал тоа. Ако игра уште една или две години, ќе стане најпопуларниот тенисер на сите времиња. Бидејќи колку подолго игра, луѓето ќе разберат што всушност е Новак“, рече Бекер и додаде:
„Новак Ѓоковиќ е најдобриот во историјата, тоа е очигледно.“
Бекер беше тренер на Новак Ѓоковиќ во еден период, од декември 2013 до истиот месец 2016 година.
Спорт
Лоши вести за ПСЖ и Мароко – Ашраф Хакими ќе отсуствува два месеци
Луис Дијаз го обележа синоешното дерби на „Паркот на принцовите“. Колумбиецот ги постигна двата гола за Баерн, во четврттата и 32-та минута, а во финишот на првиот дел со брутален старт го повреди Ашраф Хакими и доби црвен картон.
Десниот бек на ПСЖ, во солзи и со помош на лицата од медицинскиот тим на ПСЖ го напушти теренот, а нешто подоцна со помош на патерици замина од стадионот.

Актуелниот европски првак се уште не се огласил по повод повредата на Хакими, додека француските медиуми пишуваат дека Мароканецот ќе паузира најмалку два месеци.
Доколку шепкулациите се точни ова е лоша вест за тренерот на ПСЖ, Луис Енрике и селекторот на Мароко Валида Реграги.
Паузата од два месеци значи дека Хакими ќе го пропушти Африканскиот куп, кој започнува на 21 декември. Неиграњето на капитенот Хакими ќе биде голем удар за Мароканците кои имаат најголеми амбиции. Мароко последен пат го освоил Африканскиот куп во далечната 1976 година.

