Спорт
Косово со историски успех стана последниот противник на Македонија (видео)
Косово лесно се „справи“ со Азербејџан за да стигне до 4:0 победа и да обезбеди влегување во Лига Ц во Лигата на нации на УЕФА, и стана еден од потенцијалните противници на Македонија во борбата за пласман на Европското првенство во 2020 година.
На Кос…
Косово лесно се „справи“ со Азербејџан за да стигне до 4:0 победа и да обезбеди влегување во Лига Ц во Лигата на нации на УЕФА, и стана еден од потенцијалните противници на Македонија во борбата за пласман на Европското првенство во 2020 година.
На Косовците им беше потребно само реми во дуелот со Азербејџан за да го направат најголемиот успех во кратката историја на националниот тим и со овој резултат непоразени ја минуваат групата 3 од Лига Ц, каде што беа и Малта и Фарски Острови. Ова е историски успех за младата репрезентација, која ја предводи швајцарскиот стручњак Бернар Шаланд.
Косово, заедно со Македонија, Грузија и Белорусија ги освоија првите места во Лигата Д, што значи дека ако не успеат да се квалификуваат за Евро 2020 преку обичните квалификациски групи, една од четирите репрезентации сигурно ќе биде на првенството преку мини-турнир следната година.
Во отсуство на возбуди во Лига А, бидејќи Португалија веќе го обезбеди првото место и пласман во фајнал форот пред мечот со Полска, поинтересно беше во борбата за првите места во пониските лиги.
Шведска со 2:0 ја победи Русија за да го „грабне“ првото место во Лига Б и да обезбеди место во елитата, Србија го потврди првото место во 4. група во Лига Ц со доминантата 4:1 победа над Литванија, додека Шкотска до крајот се „тресеше“ за 3:2 победа над Израел и пласман во Лига Б.
ЛИГА НА НАЦИИ, 7.КОЛО
ЛИГА А, ГРУПА 3
Португалија – Полска 1:1
Табела: Португалија 8, Италија 5, Полска 3
ЛИГА Б, ГРУПА 2
Шведска – Русија 2:0
Табела: Шведска 7, Русија 7, Турција 3
ЛИГА Ц, ГРУПА 1
Шкотска – Израел 3:2
Табела: Шкотска 9, Израел 6, Албанија 3
ЛИГА Ц, ГРУПА 4
Црна Гора – Романија 0:1
Србија – Литванија 4:1
Табела: Србија 14, Романија 12, Црна Гора 7, Литванија 0
ЛИГА Д
Косово – Азербејџан 4:0
Малта – Фарски Острови 1:1
Табела: Косово 14, Азербејџан 9, Фарски Острови 5, Малта 3
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Комбинираниот Баерн падна во Штутгарт, „Вестфален“ му се поклони на Марко Ројс
Попладнево се одиграа четири натпревари во рамките на 32. коло во Бундес лигата. Во дербито Штитгарт го победи Баерн Минахен, а „Вестфален“ му се поклони на Марко Ројс, во текот на натпреварот во кој Борусија Дортмунд го декласира Аугсбург со 5:1.
Баерн со комбиниран состав му се спротивстави на Штутгарт. „Швабите“ ја искористија таа предост и предноста на домашниот терен и славеа со 3:1. Со оваа победа Штутгарт се изедначи со Баерн на второто место на табелата.
Избраниците на Себастијан Хенес поведоа со голот на Леонидас Стергиу во 29. минута.
Баерн израмни осум минути подоцна со голот на Хари Кејн од пенал.
Баварците можеа да направат целосен пресврт, имаа ситуација три на два во контранапад во 80. минута, но ударот на Александар Павловиќ беше изблокиран.
Веќе во 83. минута стигна казната, Силас испрати центаршут на втората статива, таму добро со глава реагираше Вујонг Јеонг и го матираше Мануел Нојер за 2:1.
Победата на домашниот тим ја потврди асистентот за вториот гол, Силас, кој погоди во третата минута од судиското надополнување.
Слично како Баерн и Борусија Дортмунд настапи со комбиниран состав, но тоа не беше пречка да го декласираат Аугсбург со 5:1.
Напаѓачот на Борусија, Јусуф Мукоко уште во четвртата минута му го отвори резултатот, а 15 минути подцна Мален зголеми на 2:0.
Намали Рубен Варгас во 32. минута, но само две минути подцна миленикот на навивачите Марко Ројс зголеми на 4:1.
Домашните го постигнаа петтиот гол кога Феликс Нмеча погоди во 64. минута.
Стоечки овации од цел Вестфален две минути подоцна доби клупската легенда Ројс – кој неодамна откри дека на крајот од сезоната ќе го напушти клубот.
Попладнево Волфсбург го победи Дармштад со 3:0, а Вердер и Борусија Менхенгладбах ремизираа 2:2.
Спорт
Ипсвич се врати во Премиер лигата
Ипсвич Таун по 22 години се врати во Премиер лигата. „Трактористите“ се апсолутни херои оваа сезона, од причина што минатата сезона се натпреваруваа во Лига 1 (трет ранг на англискиот фудбал). Покрај Ипсвич во Премиер лигата се врати и Лестер.
Ипсвич, во последното коло го победи Хадерсфилд со 2:0 на „Портман Роуд“ пред речиси 30.000 луѓе и го обезбеди второто место на табелата. Инаку, головите за Ипсвич ги постигнаа Вес Барнс во 27. минута и Омари Хачинсон во 48. минута.
Херој на „Трактористите“ пред сите е менаџерот Киран Мекена, млад стручњак кој своевремено работеше во штабовите на Жозе Мурињо и Оле Гунар Солскјаер во Манчестер Јунајтед. Во првата самостојна работа како тренер, овој 37-годишен стручњак од Лондон покажа дека му претстои светла иднина.
За третото место кое води од Чемпионшип во Премиер лигата оваа сезона ќе се борат Лидс Јунајтед, Саутемптон, Вест Бромвич Албион и Норич.
Од Чемпионшип испаднаа Бирмингем, Хадерсфилд и Ротерам.
Спорт
Тиаго Силва ги договорил условите со Флуминенсе
Фудбалерот на Челзи, Тиаго Силва ќе се врати во Флуминенсе, клуб во кој ја започна кариерата.
Силва неодамна објави дека ќе ги напушти „сините“ на крајот од сезоната, откако ќе му истече договорот.
Флуминенсе веќе усно се договорил со Силва.
Клубот има подготвено двегодишна соработка со Бразилецот, а истата треба да биде овековечена во следните неколку недели.
Силва за Челзи одигра 151 натпревар, постигна девет гола и забележа три асистенции.
Тој го освои и трофејот во Лигата на шампионите во 2021 година со клубот од Лондон. Го освои и Светското клупско првенство, како и Суперкупот на Европа.
Во исклучително богатата играчка кариера, Бразилецот пред Челзи настапуваше за Пари Сен Жермен, Милан, Флуминенсе, Хувентуд и Динамо Москва.