Свет
Значително зголемен бројот на извештаи за сексуални напади во Шведска од 2013 година
Шведската агенција за кривична статистика „Бре“ посочува дека има зголемување на бројот на пријавени сексуални напади во Шведска, при што повеќе од шест отсто од жените велат дека биле жртви на сексуални злосторства изминатата година, пренесува „Спутник“.
Агенцијата објави дека бројот на жени на возраст од 18 до 84 години, кои доживеале некаков сексуален напад, се зголемил од 4,7 отсто од населението во 2016 година на 6,4 отсто во 2017 година.
Според агенцијата, помеѓу 2006 и 2012 година нивото беше релативно стабилно, но од 2013 година процентот на жени што тврдат дека биле изложени на сексуални престапи покажува јасен пораст.
Марија Содерстром, истражувач во „Бре“, го коментира извештајот велејќи:
„Важно е да се има предвид дека сексуалниот престап е категорија на криминал што опфаќа широк спектар кривични дела, од насилни сексуални коментари до многу тешки кривични дела, како што е силувањето“.
Шведскиот радиодифузер СВТ беше жестоко критикуван поради откривањето на потпалувачките статистики, кои докажуваат дека мажите родени во странство извршуваат околу 85 отсто од силувањата во земјата и претставуваат мнозинство во осудените за силување и обид за силување во последните пет години. Притоа, половина од мигрантите биле во земјата помалку од една година пред нападот.
Претходно, годинава, агенцијата обелодени дека вкупниот број пријавени случаи на силување се зголемил 10 отсто во споредба со 2016 година со пријавени над 7.000 случаи. Силувањето и другите сексуални злосторства беа главна тема во пресрет на мигрантската криза од 2015 година, при што некои тврдеа дека мигрантите и оние со мигрантско потекло се диспропоционално вклучени во сексуалните напади.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Непознат маж се обидел насилно да влезе во пилотската кабина на авионот на аеродромот Гардермоен во Осло
Непознат маж се обидел насилно да влезе во пилотската кабина на авионот на „Норвешка Ер“ на аеродромот Гардермоен во Осло, кој требало да полета на летот DI1990 за Сплит во 6.50 часот, а кога не успеал, се заклучил во тоалетот во задниот дел од авионот, објави хрватски Дневник.
Норвешката полиција подоцна го идентификуваше лицето како 23-годишен хрватски државјанин.
Мотивите за овој чин засега не се познати.
Авионот бил полн со патници кои главно патувале во централна Далмација на одмор. Повеќето од нив не забележале дека се случува нешто необично, дури ни оние што седеле напред.
„Авионот веќе полета и додека се движеше кон делот од пистата, наеднаш застана. Првото известување до пилотот било дека има технички проблеми и дека мора да застанат. Полицајците влегле во предниот дел и по краток разговор се упатиле назад каде што се заклучил. Во авионот имало тепачка, сите сакале да видат што се случува, па не било јасно дали полициските сили влегле во тоалетот или патникот сам се предал. Секако, тројца полицајци му ставиле лисици и преку пистата го одвеле до аеродромската зграда“, изјави еден од патниците кој со сопругата патувал за Водице, Хрватска.
Како што подоцна соопшти полицијата, патникот не бил во алкохолизирана состојба или под дејство на други опијати. Засега не е познато кои биле неговите крајни намери.
По завршувањето на сите формалности, новиот лет за Сплит пристигна околу 9 часот.
Компанијата им се извини на сите патници за доцнењето од два часа.
Свет
Седум бебиња загинаа во голем пожар во болница во источниот дел на Њу Делхи
Седум бебиња загинаа во голем пожар во болница во источниот дел на Њу Делхи, а пет се спасени и префрлени во друга болница, соопштија денеска локалните власти.
Сопственикот на болницата за бебиња во која избувна пожарот во саботата е во бегство, соопшти полицијата.
Како што пренесе Тајмс оф Индија, пожарот е ставен под контрола, а истрагата за причините за несреќата е во тек.
Свет
Вирусот на птичји грип е пронајден во говедско месо во САД
Вирусот на птичји грип е пронајден во говедско месо во САД, но официјални лица изјавија дека месото потекнува од една болна млечна крава и дека не било дозволено да се најде во продавниците во земјата, соопшти американското Министерство за земјоделство.
Надлежните прецизираат дека говедското месо останува погодно за консумирање.
Министерството соопшти дека вирусот бил откриен за време на тестирањето на 96 млечни крави кои биле извадени од производната линија бидејќи федералните инспектори забележале знаци на болеста при рутински прегледи на трупови во погоните за преработка на месо. Птичји грип е пронајден само кај една од овие крави.
Птичјиот грип е пронајден во стадата млечни говеда во девет држави, откриен е во млеко и предизвика уништување на милиони кокошки и мисирки. Сепак, неговото откритие во говедско месо е новост за епидемијата што започна во 2022 година.