Спорт
Алонсо: Повеќе не можам да го трпам ова што се случува во Ф1
Фернандо Алонсо, двократен Формула 1 шампион, в недела ќе ја вози својата последна трка во овој спорт. Последната трка во својата Ф1 кариера, Шпанецот, ќе ја вози во Абу Даби, во болидот на Мекларен.
„Ова повеќе не е Формула 1 поради што сакав да стана…
Фернандо Алонсо, двократен Формула 1 шампион, в недела ќе ја вози својата последна трка во овој спорт. Последната трка во својата Ф1 кариера, Шпанецот, ќе ја вози во Абу Даби, во болидот на Мекларен.
„Ова повеќе не е Формула 1 поради што сакав да станам возач. Заминувам бидејќи повеќе не е интересно. Ова е лошо шоу. Повеќе се говори за она што се случува крај патеката и за радио пораките, отколку за трките“, рекол 37-годишниот Шпанец.
Најмногу му пречелот тоа што Формула 1 станал предвидлив спорт.
„Можам однапред да ви ги напишам првите 15 за наредната трка. Можеби би згрешил двајца или тројца возачи. Тешко ми е да прифатам колку е ова предвидливо. Повеќе задоволство и возбуда чувствувам во другите автомобилски серии“.
Алонсо исто така бил разочаран и од промените во правилата.
„Тие нови правила ја однесоа Ф1 во погрешна насока. Повеќе не се важни креативноста и тактиката. Сите имаат исти гуми, тежина, имаат идентична количина на гориво во резервоарите…Тоа им помогна само на возачите што имаат помалку талент“.
ФИА најави промени во правилата, во 2021 година, меѓутоа Алонсо смета дека е доцна за такво нешто, а самиот не верува дека повеќе ќе вози во Формула 1.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Баркли: Јокиќ е најдобриот странец на сите времиња во НБА
Легендата на НБА, Чарлс Баркли многу го почитува центарот на Денвер, Никола Јокиќ.
И додека се очекува српскиот кошаркар по третпат наскоро да биде прогласен за МВП во НБА караванот, Баркли го пофали Јокиќ како гостин во подкастот на Шенон Шарп.
Долго време се сметаше дека Германецот Дирк Новицки е најдобар странец во НБА, но Баркли мисли поинаку.
„До доаѓањето на Јокиќ, Дирк беше најдобриот странец во историјата на НБА“, вели Баркли.
Инаку, Новицки, кој доживеа ѕвездени моменти со Далас, има по една титула и едно МВП признание.
Спорт
Васкес ќе го продолжи договорот со Реал
Реал Мадрид речиси сигурно ќе го продолжи договорот со Лукас Васкез.
Реал ги прекина преговорите за нови договори до крајот на сезоната, бидејќи се очекува тимот да играа во финалето на Лигата на шампионите. Тимот оваа сезона ја освои титулата во Примера и игра во полуфиналето на Лигата на шампионите.
На многу играчи им истекуваат договори на крајот од сезоната и тренерот Карло Анчелоти треба да донесе одлука за составот за следната сезона, а како што пренесоа денеска шпанските медиуми, тренерот сака Васкез да остане уште една година.
Фудбалерот и управата сакаат соработката да продолжи, а Васкез се истакна со своите настапи во претходните недели.
Васкез ќе наполни 33 години во јули и е подготвен за 10-та сезона во Реал Мадрид, а двете страни се блиску до договор.
Се очекува Начо Фернандез и Лука Модриќ да го напуштат Сантијаго Бернабеу.
Спорт
Јунајтед три недели ќе биде без Мегваер
Фудбалерот на Манчестер Јунајтед, Хари Мегваер ќе отсуствува три недели поради повреда на мускулот.
Мегваер се повреди на тренинг, има шанса да игра во финалето на ФА Купот, а како што денеска објави „Скај Спортс“, се очекува да биде подготвен за Европското првенство.
Финалето на ФА Купот меѓу бранителот на титулата Манчестер Сити и Манчестер Јунајтед ќе се одигра на 25 мај во Лондон.
Европското првенство е закажано од 14 јуни до 14 јули во Германија.
Тренерот на Јунајтед, Ерик тен Хаг има големи проблеми во последната линија на тимот, бидејќи се повредени Рафаел Варан, Лисандро Мартинес и Виктор Линделоф.
Дефанзивецот Џони Еванс се врати на тренинзите но неизвесно е дали ќе биде во составот за натпреварот вечерашниот напревар Кристал Палас.