Регион
Харадинај со писмо до Могерини: Царините се резултат на обидите да се поткопа суверенитетот на Косово
Косовскиот премиер, Рамуш Харадинај, упати писмо до шефицата на европската дипломатија, Федерика Могерини, во однос на зголемувањето на царините за 100 проценти за стока од централна Србија и Босна и Херцеговина, во кое тој вели дека Приштина е посветена на принципите за слободна трговија и дека бара заемно почитување, вистинска соработка и реципроцитет.
Како одговор на нејзиното вчерашно барање Приштина веднаш да се повлече од зголемувањето на царините за 100 проценти на производи од Србија и Босна и Херцеговина, Харадинај во писмото вели:
„Република Косово години наназад покажува многу трпение во соочувањето со сè поголемото непријателство. Давачките наметнати на 18 ноември се неизбежен резултат на ваквите акции“, пишува косовскиот премиер во писмото кое до Могерини го испратил преку шефицата на Канцеларијата на ЕУ во Приштина, Наталија Апостолова.
Агенцијата „Танјуг“, повикувајќи се на информациите од приштинските медиуми, пренесува дека Харадинај во писмо ја повикува меѓународната заедница да даде поддршка на почитувањето на меѓународните договори.
Одлуката за зголемување на царинската стапка за 100 отсто е, како што вели Харадинај, одговор на моменталната деструктивна акција на Србија и Босна и Херцеговина, кои се обидуваат да го поткопаат суверенитетот на Косово.
Инаку, писма со иста содржина Харадинај упатил до сите акредитирани амбасадори во Приштина.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Убиство и самоубиство во Бјеловар, Хрватска
Во Бјеловар, Хрватска во семејна куќа се пронајдени две починати и едно тешко повредено лице, кое е префрлено во болница. Најверојатно се работи за насилна смрт, а според неофицијални информации, мажот ја убил мајката на неговата жена, а се обидел да ја убие и сопругата која е тешко повредена.
Напаѓачот, според првичните инфрормации се самоубил.
Хрватската полиција засега не ги потврдува неофицијалните информации дека се работи за убиство и самоубиство.
Полицијата дојавата ја добила околу 10 часот, а на местото се врши увид.
Регион
Пленковиќ, хрватскиот премиер кој доби трет мандат најави прва седница за понеделник
Откако хрватскиот Сабор вчера ја поддржа 16. Влада на Република Хрватска, а третата предводена од лидерот на Хрватската демократска заедница (ХДЗ) Андреј Пленковиќ, тој во изјава за медиумите рече дека првата седница на новата Влада ќе биде во понеделник и најави продолжување на посветената работа во интерес на хрватскиот народ.
„Благодарам на мнозинството во хрватскиот Сабор што ни ја укажа довербата да станеме Влада на Република Хрватска по трет пат и ние, како што правевме претходните осум години, посветено ќе работиме во интерес на хрватскиот народ, сите наши сограѓани, економијата, врската меѓу татковината и иселениците Хрвати и да спроведеме програма врз основа на која ја добивме довербата на хрватските гласачи“, рече Пленковиќ откако Собранието гласаше за неговата трета Влада
Тој им се заблагодари на сите партнери кои ја поддржаа Владата.
Пратениците во хрватскиот Сабор вчера гласаа за доверба на новата влада на премиерот Андреј Пленковиќ.
За доверба на Владата гласаа 79 пратеници, против беа 61 пратеник, а еден беше воздржан.
Регион
Изгласана новата влада на Хрватска: Пленковиќ по трет пат стана премиер
Пратениците во хрватскиот Сабор вечерва гласаа за доверба на новата влада на премиерот Андреј Пленковиќ. За доверба на Владата гласаа 79 пратеници, против беа 61 пратеник, а еден беше воздржан.
Претседателот и членовите на Владата потоа дадоа заклетва пред пратениците, со што Андреј Пленковиќ го започна третиот последователен мандат како премиер.
Во Собранието денеска беше претставена четиригодишната програма на новата Влада, која се заснова на „успешна, витална, праведна, одржлива и суверена Хрватска“.
Во новиот мандат, владата на Пленковиќ најавува просечна нето плата од 1.600 евра, минимална бруто плата од 1.250 евра, како и отворање на 125.000 нови работни места.
До крајот на мандатот на новата влада, пензиите треба да се зголемат за најмалку 30 отсто, со што просечната пензија би изнесувала најмалку 750 евра.
Новата влада наместо досегашните 16 ќе има 18 министерства и седум потпретседатели.