Спорт
Сега е официјално – Пако Алкасер останува фудбалер на Борусија (видео)
Пако Алкасер се приклучи на Борусија Дортмунд со постојан договор од Барселона, откако лидерите на Бундеслигата убедени од фантастичната форма на Шпанецот договорот за заем го „трансформираа“ во редовен договор до 2023 година.
Пако не успеа да се намет…
Пако Алкасер се приклучи на Борусија Дортмунд со постојан договор од Барселона, откако лидерите на Бундеслигата убедени од фантастичната форма на Шпанецот договорот за заем го „трансформираа“ во редовен договор до 2023 година.
Пако не успеа да се наметне во Барселона, каде што имаше многу ривали во нападот и беше прогласен за „вишок“, пред во Дортмуд да „експлодира“ со девет гола во осум настапи, убедувајќи го Борусија да платат 23 милиони евра за него.
„Денеска ги информиравме Барселона дека ќе ја искористиме опцијата и ќе го задржиме Пако. Тој е интегрален дел од нашиот тим и напаѓач со фантастичен квалитет, кој веќе постигна некои значајни голови за нас“, вели спортскиот директор на Дортмунд, Михаел Цорк.
Алкасер помина две сезони во Барселона од 2016 година, со 50 настапи и само 15 голови.
„Пресреќен сум во Дортмунд, во ВБВ со овој прекрасен тим. Борусија е вистинското место за мене. Благодарам на довербата“, изјави Пако.
? Michael Zorc: „Er ist ein echter Torjäger von hoher fußballerischer Qualität, der schon wichtige Spiele für uns entschieden hat. Wir freuen uns auf viele weitere Tore und Vorlagen von @paco93alcacer.“
? Alle Stimmen: https://t.co/IwiSNYrkbq #Alcacer2023 pic.twitter.com/42sTRk3OY9
— Borussia Dortmund (@BVB) November 23, 2018
Фото: ЕПА
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Тежок пораз на МЗТ од Спартак во Суботица
Македонскиот шампион МЗТ Скопје и наредната сезона ќе се натпреварува во Втората АБА лига. МЗТ, вечерва доѓивеа убедлив пораз на гостувањето кај најдобриот тим во регуларниот дел од сеозната, Спартак Суботица.
МЗТ имаше мали шанси да го изненади фаворизираниот противник, кој во Скопје победи со пет поени разлика. Но ниту најголемите песимисти не очекуваа дека македонскиот шампион ќе доживее тежок пораз.
Спартак сите дилеми, ако воопшто и ги имаше, ги реши во првото полувреме. Екипата од Суботица реализираше 80 отсто од шутевите за три поени во првиот дел (8/10) и на пауза замина со резултат 57:32.
Вториот дел беше само одработување на започнатото за Спартак кој славеше со 98:64.
Спартак за место во АБА лигата ќе се бори со Војводина.
Спорт
(Видео) Порту ја растури Барселона, Реал ја освои титулата во Шпанија
Фудбалерите на Џирона ја победија Барселона во 34.коло со 4:2 и го промофираа Реал Мадрид во нов шампион на Шпанија. На четири кола до крајот на сезоната Реал има 13 бодови повеќе од Џирона и 14 од Барселона.
Џирона втор пат сезонава во каталонското дерби ја победи Барселона. На „Монтоливи“, вечерва избраниците на Мичел славеа со пресврт.
Кристенсен погоди за Барселона во третата, а во четвртата минута изедначи Довбик со својот 17.коло во Примера. Втор пат во историјата на Примера се случива двата тима да постигнат по гол во првите пет минути.
До крајот на полувремето, во 46.минута), Левандовски направи пресврт и Барса со 1:2 замина на одмор.
Второто полувреме мина во знакот на Порту. Крилниот напаѓач на Џирона, во само девет минути ја креираше победата на својот тим. Во 65.минута изедначи на 2:2, потоа у асистираше на Гутиерез, а во 74.минута со својот втор гол стави точка на натпреварот.
Спорт
(Видео) Покер голови на Халанд, Сити го декласира Вулверхемптон
Фудбалерите на Манчестер сити на домашен терен го декласираа Вулверхемптон со 5:1, во 36. коло од англиската Премиер лига.
Блескаше Ерлинг Халанд кој постигна четири гола за домашниот тим (два од пенал). Сакаше да го постигне и петтиот поради што беше видно незадоволен и негодуваше во моментот кога Пеп Гвардиола реши да го замени во 82. минута.
Со оваа победа „Граѓаните“ ја задржаа пол-позицијата во борбата за титулата со Арсенал. На две кола пред крајот тимот од Лондон има бод повеќе, но Сити има меч помалку и доколку ги победи Фулам и Тотенхем на гости, а Вест Хем дома, ќе ја одбрани титулата шампион на Англија без разлика на резултатите на Арсенал, кој ќе гостува кај Манчестер јунајтед и ќе го пречека Евертон во последното коло.
Денеска избраниците на Пеп Гвардиола ја завршија работата во првото полувреме кое го одиграа во прилично лесен ритам и го решија во своја корист со 3:0, благодарение на хет-трикот на Ерлинг Халанд.
Во вториот дел Хванг намали на 3:1, но Халанд само 60 секунди подоцна му ја врати на Сити преднста од три гола. До крајот замената на Халанд, Хулијан Алварез во 84.минута го постави конечниот резултат.