Спорт
Рикелме: Финалето Бока-Ривер веќе нема никакво значење (видео)
Легендата на Бока јуниорс, Хуан Роман Рикелме, вели дека финалето од Копа Либертадорес веќе нема значење по саботниот напад на автобусот на фудбалерите на Бока по што финалето беше презакажано за денеска.
Првиот меч во Буенос Аирес заврши 2:2 на „Бомбо…
Легендата на Бока јуниорс, Хуан Роман Рикелме, вели дека финалето од Копа Либертадорес веќе нема значење по саботниот напад на автобусот на фудбалерите на Бока по што финалето беше презакажано за денеска.
Првиот меч во Буенос Аирес заврши 2:2 на „Бомбонера“ на Бока во меч кој помина без големи инциденти, но сега пред стадионот „Монументал“ фудбалерите на Бока беа пречекани со напад од страна на навивачите на Ривер. По ова ЦОНМЕБОЛ прво го презакажа мечот за еден час, за потоа да го одложи за во недела.
Капитенот на Бока, Пабло Перез заврши во болница со парчиња стакло во своето око, а голем дел од фудбалерите на Бока беа бесни што натпреварот не беше откажан порано.
Рикелме вели дека исходот на мечот сега нема значење поради насилството.
„Уморен сум од гледањето на тоа што се случи, од тоа што луѓето фрлаа камења на автобус, а тие до нив не ги сопреа. Треба да бидеме среќни што нема посериозно повредени луѓе. Фудбалот веќе не е важен“, вели Рикелме.
Тој исто така смета дека двата тима сега повеќе би сакале да не мораат да играат.
„Мислам дека Бока сака да игра во нормални услови, како и другиот тим. Сигурен сум дека и менаџерот на Ривер, Марсело Галјардо го сака тоа. Ова е срамота за сите нас“, вели Рикелме.
Copa Libertadores final: Boca Juniors vs River Plate POSTPONED, Sunday 8pm kick-off https://t.co/p1GR2zvUph pic.twitter.com/dXx1K89aBs
— Newscreed (@Newscreed1) November 25, 2018
More footage of River Plate fans throwing rocks and pepper spray at the Boca bus. pic.twitter.com/eRy7ByCfAv
— Mootaz Chehade (@MHChehade) November 24, 2018
River Plate supporters attack Boca Juniors squad bus with pepper spray and rocks ahead of the Copa Libertadores final pic.twitter.com/h1FktcFQkF
— Indy Football (@IndyFootball) November 24, 2018
#CONMEBOL
Crazy. River Plate fans attack Boca Juniors bus. Pepper spray. Rocks. Broken windows.
pic.twitter.com/k8GCgf58Qf— İsmail Sarıkaya (@ismkaya) November 25, 2018
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Борусија е во финалето на ЛШ – Хумелс го замолкна Париз
Фудбалерите на Борусија Дортмуд први изборија пласман во финалето на Лаигата на шампиони. „Милионерите“ и во реваншот го совладаа ПСЖ со 1:0. Стрелец на единствениот гол во Париз беше Матс Хумелс во 50.минута. Борусија по пауза ид 11 години е се бори за европската круна. Противник во финалето на „Вембли“ ќе и биде подобриот од второто полуфинале меѓу Реал Мадрид и Баерн Минхен.
ПСЖ имаше повеќе од играта, напаѓаше во првото полувреме, а во офанзива тргнаа во вториот дел, но Килијан Мбапе и соиграчите немаа доволно спортска среќа. Дури четири пати во второто полувреме ја погодија рамката од голот – двапати стативата и исто толку гредата.
И во првиот натпревар Французите двапати ја погодија стативата (Мбапе и Хакими), но ќе остане запишано дека во 180 минути не успеаја ниту еднаш да го совладаат голманот на Борусија, Кобел.
Стрелец на единствениот гол беше ветеранот Матс Хумелс во 50. минута. Јулијан Бранд одлично изведе корнер, а искусниот дефанзивец со глава го совлада Џиџи Донарума.
Спорт
Нан го однесе ПАО на завршниот турнир во Берлин
Кошаркарите на Панатинаикос по пауза од 12 години изборија пласман на завршниот турнир во Евролигата. Вечерва пред 20.000 навивачи во „ОАКА“, Панатинаикос ја доби мајсторката против Макаби со 81:72.
Панатинаикос клучната предност ја направи во воведните четири минути од последната четвртина, период во кој Макаби постигна само два поени.
Големо влијани врз конечниот резултат имаше и односот на слободните фрлања, Панатинаикос изведе 35, Макаби само 10.
Најефикасен во победата на Панатинаикос беше Кендрик Нан со 26 поени, Костас Слукас имаше уште една добра партија со 15 поени и шест скока, додека Хуанчо Ерненгомес постигна 11 поени. Матијас Лесор беше блиску до дабл-дабл учинок со девет поени и 11 скока. Францускиот центар од линијата за слободни фрлања погоди три пати од 14 обиди.
Кај Макаби најефикасен беше Лоренцо Браун со 17 поени.
На завршниот турнир во Берлин од 24 до 26 мај, Панатинаикос во полуфиналето ќе игра против победникот од четвртфиналето меѓу Монако и Фенербахче.
Спорт
Сашко Кедев на Велигден го искачи Макалу (8.485), петтиот највисок врв на светот
Кардиологот и алпинист Сашко Кедев утрото на Велигден се искачи на врвот Макалу кој е висок 8.485 метри и е петти највисок планински врз во светот.
Кедев со експедиција од четворица меѓународни алпинисти и петмина шерпаси се искачи на Макалу. Тој е првиот акедонец кој се искачил на овој врв.
Беше во придружба на искусниот Кили Пемба Шерпа, кој беше еден од 10-те непалски планинари кои се искачија на К2 во 2021 година.
Во историскиот успех на Кедев се запишани и врвовите Монт Еверест (8.848), К2 (8.611), Далагири (8.167), Манаслу (8.163), Броуд пик (8.051), Анапурна (8.091 метри), Cho Oyu (8.201), Нанга Парбат (8.126).