Црна хроника
Поднесено обвинение против скопјанец кој се обидел да ја убие својата девојка
Основното јавно обвинителство Скопје до Основниот суд Скопје 1 Скопје достави oбвинителен акт против едно лице за сторено кривично дело „убиство“ од член 123 став 2 точка 2 во врска со член 19 (во обид) од Кривичниот законик.
Осомничениот се товари дека на 2 септември годинава, во семејниот дом, со умисла се обидел да ја убие својата девојка со која живеел, соопштија од ОЈО.
„Тој ја разбудил оштетената и по кратка расправија, за која мотивот бил љубомора, ѝ се заканил со зборовите ‘вечерва мора да умреш’. Потоа со кујнски нож ѝ нанел тешка телесна повреда во вид на убодна рана во пределот на слабинската регија, со конкретна опасност по нејзиниот живот“, стои во соопштението на обвинителството.
Оттаму додаваат дека ценејќи дека сè уште се исполнети условите поради кои на осомничениот му беше определена и мерка притвор, а особено опасноста тој да се даде во бегство и можноста да го повтори кривичното дело или да го доврши обиденото кривично дело, надлежен јавен обвинител заедно со обвинителниот акт достави и посебен предлог за продолжување на притворската мерка.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Удрена пензионерка во Скопје, со тешки повреди е пренесена во болница
Вчера во 14.20 часот во СВР Скопје било пријавено дека на ул.„Јустинијан Први“ во Скопје товарно возило „форд“ со скопски регистарски ознаки, управувано од А.М.(32) од Скопје удрило во пешакот Љ.В.(73) од Скопје.
Во несреќата Љ.В. се здобила со тешки телесни повреди, констатирани во Градската општа болница „Св.Наум Охридски“. Извршен бил увид од увидна екипа од СВР Скопје.
Црна хроника
Претрес во Стојаково, пронајдена дрога, приведено едно лице
Вчера во 16.10 часот во село Стојаково, општина Богданци, полициски службеници од ОВР Гевгелија го лишиле од слобода В.К.(30) од село Стојаково.
При претрес на неговиот дом, извршен со судска наредба, била пронајдена марихуана. За настанот бил запознаен јавен обвинител од Основното јавно обвинителство Гевгелија и по документирање на случајот против него ќе биде поднесена соодветна пријава.
Црна хроника
131 санкционирани возачи во Скопје
Секторот за внатрешни работи Скопје вчера продолжи со контролите во областа на сообраќајот.
На територија на град Скопје изречени се вкупно 131 меркa, меѓу кои за возење без возачка дозвола 17 санкции, 14 мерки за непочитување на брзината на движење, девет мерки за користење мобилен телефон при возење, осум санкции за минување на затворен сигнал – црвено светло…
Сообраќајните контроли продолжуваат и во наредните денови.