Свет
Дутерте најави одреди на смртта кои ќе ликвидираат комунисти
Филипинските левичари се шокирани од заканата на претседателот Родриго Дутерте дека ќе создаде одреди на смртта кои ќе ловат, како што рече тој, маоистички убијци. Критичарите за овој план велат дека ќе предизвика крвав пир, сличен на неговата фатална војна против дрогата во оваа земја.
Маоистите, левичарите и некои пратеници сметаат дека Дутерте ќе ја влоши веќе постоечката атмосфера на страв и неказнивост, со заканата дека на овој начин ќе се соочи со т.н. убијци „врабци“ на новата народна војска, комунистичка герила чиј бунт трае веќе неколку децении.
Дутерте рече дека неговите одреди ќе ги уништат „врабците“ кои комунистите ги ангажирале да убиваат полицајци во 70-тите и 80-тите години на минатиот век, во времето на Фердинанд Маркос. Не е познато дали во моментов има уште „Врабци“ кои се активни на терен.
„Тоа е нивната предност. Така јас ќе си создадам свои ‘врабци’, мои одреди на смртта“, се закани филипинскиот претседател во говор во вторникот.
Хозе Марија Сисон, основач на филипинската комунистичката партија во егзил, го негира постоењето на „врабци“ и рече дека Дутерте ги користи како изговор да ги убие осомничените маоистички бунтовници.
Сисон ова го спореди со кампањата против дрогата поведена од Дутерте, во која според некои статистики досега се убиени илјадници луѓе. Активистите велат дека станува збор за егзекуции, но полицијата го негира тоа и вели дека има престрелки, при што загинатите се шверцери со дрога.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Најден е урнатиот хеликоптер во кој се наоѓал иранскиот претседател Раиси
Спасувачки тим вечерва го пронашол урнатиот хеликоптер во кој се наоѓал иранскиот претседател Ебрахим Раиси, објави иранската државна телевизија.
Агенцијата ИРНА наведува дека е објавена точната локација каде се урнал хеликоптерот во областа меѓу Ардешир и Бразин во Варзеган.
Хеликоптерот со иранскиот претседател Ебрахим Раиси имал инцидент при слетувањето во Источен Азербејџан.
Областа е карпеста, маглива и врнежлива, а овие услови многу ја отежнаа потрагата.
Хеликоптерот со иранскиот претседател Ебрахим Раиси денес доживеа „тешко слетување“.
Свет
Израел: Демонстрантите бараат итен договор за заложниците, се обрати Хилари Клинтон
Илјадници активисти се собраа во центарот на Тел Авив барајќи предвремени избори и итен договор за ослободување на израелските заложници во Појасот Газа, а поранешната американска секретарка Хилари Клинтон им се обрати на демонстрантите преку видео врска. Треба да преземете итна акција за да ги вратите дома“, рече Клинтон, пренесува Танјуг.
Амбасадорот на САД во Израел, Џек Лу, рекол дека САД ги продолжуваат преговорите за враќање на заложниците, пишува The Times of Israel. Демонстрантите го блокираа автопатот Ајалон и запалија огнови, барајќи итен договор за ослободување на заложниците од Газа.
Бидејќи демонстрантите одбија да се разотидат по завршувањето на одобрениот митинг, полицијата го прогласи протестот за незаконски и интервенираше за деблокирање на автопатот.Полицијата соопшти дека уапсила осомничен за нарушување на редот на антивладините протести во Тел Авив.
Околу 200 демонстранти излегоа на одделни протести во Ерусалим, кои се одржаа во близина на Кнесетот.
Регион
Поставен рекорд во центарот на Белград: 1.000 гитаристи свиреа истовремено
Концертот на „Guitar Art“ денеска собра 1.000 гитаристи на плоштад во Белград, кои поставија национален рекорд во присуство на инструменталисти кои свират на гитара и слични инструменти, пренесе српска „Политика“.
Концертот „1.000 гитари“ ги привлече пред се во центарот на Белград најмладите гитаристи и нивните учители, но заедно свиреа цели семејства, составени од три генерации: дедо, татко и син…
Имаше мајки и ќерки кои „замавнаа“ со белградскиот блуз квартет и специјалните гости на концертот, меѓу кои Дејан Цукиќ, Ју групата, Кики Лесендриќ и Пилотите, Срѓан Гојковиќ Гиле, Бојана Стаменов, Никола Чутурило – Чутура. „Ова е конечно моментот кога барем на еден час ги заменуваме силиконите за витамини на ’Трг Републике’. Ова е сеќавање на мојата младост и почетоци во рокенролот. Среќен сум“, изјави Никола Чутурило Чутура за Танјуг.
За неколку минути неколку илјади љубопитни луѓе се собраа на плоштадот да уживаат во првокласен музички настан.