Спорт
Дончиќ ги приземји „ракетите“, Лилард постигна 10 тројки (Видео)
Лука Дончиќ блеска во својата руки сезона во НБА лигата. Словенецот, изминатата ноќ, ги предводеше Далас Маверикс до триумф во дербито на тексас, против Хјустон Рокитс 128:108.
Дончиќ натпреварот го заврши со 20 поени, шест скока и две асистенции и го …
Лука Дончиќ блеска во својата руки сезона во НБА-лигата. Словенецот изминатата ноќ ги предводеше Далас Маверикси до триумф во дербито на Тексас, против Хјустон Рокитс 128:108.
Дончиќ натпреварот го заврши со 20 поени, шест скока и две асистенции и го поништи трипл-даблот на Џејмс Харден, кој за Хјустон забележа 25 поени, 17 асистенции и 11 скока.
Репрезентативецот на Словенија десетти пат на досега одиграните 18 натпревари постигна најмалку 20 поени. Далас против Хјустон ја забележа седмата победа на последните осум натпревари.
Покрај Дончиќ, двоцифрен број на поени кај Далас постигнаа Девин Херис (20), Харисон Барнс (13), Диандре Џордан (13) и Хосе Хуан Бареа (13 поени, 12 асистенции).
Демијан Лилард, бекот на Портланд Трејлблејзерс, стана клупски рекордер, откако во победата над Орландо Меџик 115:112, постигна десет тројки. Лилард на крајот заврши со 41 поен, осум скока и четири асистенции.
Голема борба под обрачите водеа Балканците Јусуф Нуркиќ и Никола Вучевиќ. Нуркиќ забележа 16 поени и 13 скока, а Вучевиќ имаше 20 поени, осум скока и седум асистенции.
Резултати:
Шарлот Хорнетс-Атланта Хоукс 108:94
Филаделфија ’76-Њујорк Никс 117:91
Бруклин Нетс-Јута Џез 91:101
Милвоки Бакс-Чикаго Булс 116:113
Минесота Тимбервулвс-Сан Антонио Спарс 128:89
Њу Орлеанс Пеликанс-Вашингтон Визардс 125:104
Оклахома Тандер-Кливленд Кавалирс 100:83
ЛА Клиперс-Феникс Санс 115:99
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Кристал Палс го згази Манчестер јунајтед
Фудбалерите на Кристал Палас го декласираа Манчестер јунајтед со 4:0, во последниот натпревар од 36. коло на Премиер лигата. удбалерите на Кристал Палас ја забележаа четвртата победа на последните пет натпревари во Премиер лигата.
Од првата минута забележливо беше дека играчите на Манчестер јунајтед не се „во натпреварот“. Како изгледаа на теренот можат да бида задоволни со поразот од 4:0.
Дебаклот го најави Мајкл Олисе во 12.минута. .
Истиот играч десет минути подоцна имаше уште две убави шанси, а во 40. Жан Филип Матета ја удвои предноста на домашните.
На почетокот на вториот му беше поништен гол на Јунајтед, а потоа започнаа да се редат шансите пред голот на Андре Онана.
Еберечи Езе, Тајрик Мичел и Вил Хјуз, не успеаја да реализираат, но во 58. минута споменатиот Мичел зголеми на 3:0.
Точка поразот на Јунајтед стави играчот кој ја започна серијата, Мајкл Олисе во 66. минута. До крајот на мечот Одсон Едуард ја погоди стативата.
Палас е 14. на табелата со 43 бодови, додека Јунајтед е осми со 54 бодови, исто колку и седмопласираниот Челзи.
Јунајтед во следното коло ќе го пречека Арсенал, додека Палас ќе гостува кај Вулверхемптон.
Спорт
Бјелица доби отказ
Фудбалскиот клуб Унион Берлин соопшти дека му ја врачил оставката на хрватскиот тренер Ненад Бјелица по серијата лоши резултати во Бундес лигата.
Челниците на Унион решија да го заменат Бјелица по поразот од Бохум (3:4) во 32. коло од Бундес лигата.
Хрватскиот тренер го презеде тимот од Берлин во ноември минатата година, откако беше отпуштен oд Урс Фишер.
Унион Берлин моментално е на 15. место на табелата во германскиот шампионат со 30 бодови.
Во соопштението на клубот се наведува дека тимот до крајот на сезоната ќе го води Марко Гроте.
„Со нетрпение го очекувам предизвикот и убеден сум дека ќе успееме да избегнеме испаѓање од Бундеслигата. Добро го познавам нашиот тим и знам дека сме способни за опстанок“, изјави Гроте, а пренесува официјалниот сајт на клубот.
До крајот на сезоната во Бундеслигата, Унион следната сабота му гостува на Келн, а потоа на 18 мај на домашен терен го пречекува Фрајбург.
Спорт
Баркли: Јокиќ е најдобриот странец на сите времиња во НБА
Легендата на НБА, Чарлс Баркли многу го почитува центарот на Денвер, Никола Јокиќ.
И додека се очекува српскиот кошаркар по третпат наскоро да биде прогласен за МВП во НБА караванот, Баркли го пофали Јокиќ како гостин во подкастот на Шенон Шарп.
Долго време се сметаше дека Германецот Дирк Новицки е најдобар странец во НБА, но Баркли мисли поинаку.
„До доаѓањето на Јокиќ, Дирк беше најдобриот странец во историјата на НБА“, вели Баркли.
Инаку, Новицки, кој доживеа ѕвездени моменти со Далас, има по една титула и едно МВП признание.