Регион
Тачи со орден го одликува Џорџ Буш
Косовскиот претседател, Хашим Тачи, во САД се состана со поранешниот американски претседател, Џорџ Буш, и ја искористил шансата да го одликува со Орден на независноста во знак на почитта што Косово ја има кон семејството Буш, пренесе косовската радио-телевизија РТК.
„Во Далас се сретнав со големиот пријател на независноста и слободата на Косово, претседателот Џорџ Буш. Во текот на оваа пријателска средба зборувавме за политичките случувања во Косово и регионот. Албанците во Косово доживотно ќе имаат почит кон прекрасното семејство Буш“, истакнал Тачи.
I had the honor to award President George W. Bush with the Order of Independence. Kosovo stands as free and independent country because of the unwavering support of USA, personal engagement of President Bush and his family. Proud to call him a friend. pic.twitter.com/SNW26IWXHC
— Hashim Thaçi (@HashimThaciRKS) November 30, 2018
Претседателот на Косово додава дека со соговорникот се согласил оти постигнувањето конечен договор меѓу Косово и Србија е задолжително со цел да се означи крајот на вековниот конфликт, а тоа значи заемно признавање и членство на Косово во ОН, НАТО и во ЕУ.
„Се разбира, постигнувањето ваков договор не е воопшто лесно, но претседателот Буш ми даде еден корисен совет што ќе го споделам со вас: ‘Како лидери нема да бидете запаметени по популистички одлуки, туку по тешките, но праведни одлуки што ќе ги донесете за вашиот народ и вашата земја“, вели Тачи.
Српските медиуми потсетуваат дека Косово прогласи независност токму кога Буш беше претседател на САД.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Сијарто: Фокусот на унгарското претседателство со ЕУ ќе биде проширувањето на Унијата на Западен Балкан
За време на претстојното претседавање со ЕУ, Унгарија планира да се фокусира на прашања кои се важни за централна Европа, како што се борбата против илегалната миграција, проширувањето на Унијата кон Западен Балкан и енергетската безбедност, изјави денеска унгарскиот министер за надворешни работи, Петер Сијарто.
Кога станува збор за проширувањето на ЕУ, Сијарто на прес-конференција со својот чешки колега Јан Липевски рече дека регионот на Западен Балкан не заслужува да чека 14 години и 11 месеци за членство, што, како што вели, го поткопува кредибилитетот на политиката на Унијата, објави унгарската агенција МТИ.
„Тоа е ситуација што треба да се реши, така што унгарското претседателство (со Унијата) има јасна агенда да им помогне на земјите од Западен Балкан да го забрзаат пристапниот процес“, рече Сијарто.
Посочи дека ефектите од миграцијата директно се чувствуваат во Централна Европа од 2015 година и неопходна е сериозна регионална соработка за да се запре мигрантскиот прилив.
„Чешката, словачката и полската полиција ни помогнаа и ни помагаат на јужните граници на Унгарија да ги задржиме илегалните мигранти кои и се закануваат на Европа надвор од границите. Потребни се континуирани заеднички напори на четворицата централноевропски премиери за да се држи под контрола прашањето за квотите и да не се дозволи илјадници или десетици илјади илегални мигранти да се шетаат неконтролирано“, додаде Сијарто.
Шефот на унгарската дипломатија нагласи дека централна Европа „ќе продолжи да се спротивставува на притисоците поврзани со квотите“. Сијарто се осврна и на енергетската безбедност, наведувајќи дека Унгарија и Чешка планираат нуклеарен развој и затоа ќе продолжат да се борат против негативната дискриминација поврзана со нуклеарната енергија во Брисел.
Нуклеарната енергија е одржлив начин за производство на енергија, тоа е безбеден, еколошки и евтин метод за производство на големи количини електрична енергија“, заклучува Сијарто.
Регион
Ана Брнабиќ за 2 јуни распиша локални избори во 66 единици на локалната самоуправа
Претседателката на српското собрание Ана Брнабиќ распиша избори за 2 јуни во 66 единици на локалната самоуправа, бидејќи Националното собрание неодамна со две третини ги усвои измените на Законот за локални избори.
Изборите во овие локални самоуправи ќе се одржат на ист ден со изборите за советници во Градското собрание на Белград, односно на 2 јуни годинава.
„Среќна сум што испративме силна порака од парламентот до сите наши граѓани дека како нивни избрани сме способни да разговараме и да постигнеме договор и покрај сите наши разлики“, рече Брнабиќ по објавата.
Регион
(Видео) Уапсени Срби во Атина, поранешни членови на „Пинк Пантер“: осомничени се за украден накит вреден 315.000 евра
Двајца Срби, кои во минатото биле членови на организацијата „Пинк Пантер“, се уапсени во Атина под сомнение дека ограбиле две познати златарници во центарот на грчката престолнина, соопшти атинската полиција.
Според соопштението на грчката полиција, уапсените оперираат најмалку од минатиот декември, а се претпоставува дека имале соодветна мрежа за канализирање на украдени предмети, бидејќи оствариле добивка од над 315.000 евра.
По претресот во нивните домови, меѓу другото, пронајден е алат користен при кражбата, три рачни часовници, накит, 190 евра, лажна возачка дозвола, три мобилни телефони, лични предмети, како и дополнителен мотоцикл и автомобил што служеле за превоз.