Спорт
Вардар ќе бара „одмазда“ против Кјелце, Металург се збогува со ЛШ
Поранешниот европски шампион Вардар денеска (17.30 часот) во Скопје го пречекува силниот полски клуб Виве Кјелце со силен мотив за победа и „одмазда“ за незгодниот пораз на гости, со што би се вратиле на второто место во групата А од Лигата на шампиони…


Поранешниот европски шампион Вардар денеска (17.30 часот) во Скопје го пречекува силниот полски клуб Виве Кјелце со силен мотив за победа и „одмазда“ за незгодниот пораз на гости, со што би се вратиле на второто место во групата А од Лигата на шампионите, веднаш зад Барселона.
Вардар, кој пред тоа гостување во Полска имаше совршен старт на Лигата на шампионите, во тензичен меч со два црвени картони (Вуко Борозан за Вардар и поранешниот вардарец Алекс Душебаев за Кјелце).
За тренерот Роберто Парондо ова е последниот натпревар во 2018 година од ЛШ, а и двете екипи ќе играат за пласман на втората позиција.
„Против Кјелце ќе го одиграме последниот меч за годинава. Тие сезонава играат одлично. Играат многу брз ракомет, добра одбрана и имаат одлични ракометари. Ќе се обидеме да се подготвиме максимално. Најважно за нас е да играме 60 минути добар ракомет. Ако го направиме тоа ќе имаме големи шанси. Нашиот проблем досега беше што имавме 5-10 минути во коишто паѓавме. Мислам дека на никого не му треба посебна мотивација за овој меч. Сакаме да победиме на домашен терен и мечот може да биде многу важен за нас зашто со тие два бода ќе ја освоиме втората позиција “, рече Парондо.
Металург, пак, во 19.30 часот гостува на Татран Прешов во за нив последниот меч од Лигата на шампионите во групите Ц/Д со надеж дека може да направат изненадување и да ја остварат втората победа оваа сезона во ЛШ.
Металург и да победи останува на последното место во групата Ц, додека Татран со победа може да обезбеди плеј-оф за продолжување на натпреварите во ЛШ.
ЛИГА НА ШАМПИОНИ, 10.КОЛО
Бешикташ – Чеховски медведи 14.00 ч.
ППД Загреб – Мотор Запорожје 17.00 ч.
Пари Сен-Жермен – Скјерн 17.30 ч.
Вардар – Виве Кјелце 17.30 ч.
Кристијанштад – Рајн-Некар Левен 18.30 ч.
Татран Прешов – Металург 19.30 ч.
Адемар Леон – Елверум 20.00 ч.
Фото: ЕПА
Циндриќ и Кјелце ја прекинаа победничката низа на Вардар (галерија)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Македонските едриличари настапуваат на Балканското првенство во Несебар

Едриличарската Федерација на Македонија ќе ја претставува нашата земја на 53-тото Балканско првенство во едрење за олимписки класи и Оптимист, што ќе се одржи во Несебар, Бугарија.
Настанот, во организација на Бугарската едриличарска федерација и Општина Несебар, ќе ги собере најдобрите едриличари од балканските земји кои ќе се натпреваруваат во класите Optimist, ILCA 4, ILCA 6 и Finn.
Натпреварите ќе се одвиваат од 17-ти до 19-ти Октомври, планирано е одржување на максимум девет трки во секоја класа, а завршната церемонија и доделувањето на медалите ќе се одржат на 19 октомври.
„Балканското првенство е еден од позначајните настани за нашиот спорт и претставува можност македонските едриличари да ги измерaт своите сили со најдобрите од регионот во конкуренција на голем број светски и европски прваци. Нашата репрезентација се состои од вкупно 13 натпреварувачи во машка и женска конкуренција, како во младинска така и во сениорска конкуренција. Нашата цел е преку вакви настапи да им овозможиме континуиран развој, искуство и меѓународна афирмација“ изјавија од Едриличарската Федерација на Македонија.
Балканското првенство е дел од официјалниот календар на европски и регионални регати, дел од календарот на Светската едриличарска федерација и претставува важен чекор во развојот на младите таленти и афирмацијата на олимписките дисциплини.
Со ова учество, Едриличарската федерација на Македонија го продолжува континуитетот на активно претставување на меѓународната сцена, после Светското Првенство во Словенија и Европоското Првенство во Полска, а со цел унапредување на спортот едрење и промоција на македонските спортисти и нашата земја.
Спорт
Ламин Јамал почна да наплаќа за автограм

Ламин Јамал без конкуренција е првата ѕвезда на шпанскиот фудбал, но не се труди многу да ги избегне светлата на големата сцена и реакциите на јавноста.
Јамал се најде во центарот на вниманието со одлуката дека повеќе нема да дава автограми на деца, освен ако не платат за тоа.
Иако и самиот се уште е момче, 18-годишен тинејџер, под изговор на капитализам и најголем можен профит, реши да ангажира специјализирана страница за колекционери преку која ќе го продава својот потпис.
Тој доби понуда, објавува „Мундо Депортиво“, која ја прифати и ништо повеќе нема да биде бесплатно кај него.
Уште повеќе, тој дури нема да дава премногу автограми, бидејќи колку помалку има, толку се повредни и поскапи.
Ова не е ново во светото на спортот, ново е во Европа. Леброн Џејмс и Лионел Меси го прават тоа во САД.
Наводно, ѕвездата на ЛА Лејкерс, Џејмс, од еден продаден автограм за работува и до 15.000 долар
Спорт
(Видео) Манасков го постигна голот на колото во ЛШ

Поранешниот македонски репрезентативец, Дејан Манасков, го постигна најубавиот гол во петтото коло, во Лигата на шампионите.
Еурофарм Пелистер, во средата загуби од Барселона во Битола со 30:34. Манасков голот на колото го постигна во последната минута. Тоа беше цепелин, додавање од голманот Митревски, а левото крило на Еурофарм Пелистер погоди од невозможен агол.
Foto/ facebook.com/hceurofarmpelister
🔥 𝙏𝙊𝙋 5 𝙂𝙊𝘼𝙇𝙎 – Round 5 powered by Gorenje!
1️⃣ Dejan Manaskov – HC Eurofarm Pelister
2️⃣ Mathias Gidsel – Füchse Berlin
3️⃣ Martim Costa – Sporting Clube de Portugal
4️⃣ Lazar Kukic – OTP Bank-PICK Szeged
5️⃣ Felix Claar – SC Magdeburg#ehfcl #CLM #handball pic.twitter.com/ZVZpxxXnmg— EHF Champions League (@ehfcl) October 17, 2025