Економија
НЛБ банка: Како да обезбедиме безгрижна иднина?
Од НЛБ банка преку соопштение до јавноста ги информираат своите клиенти дека се поставени темелите на банкоосигурувањето во Македонија.
„Замислете само на кратко дека сте акробат во циркус. Искусен и вешт акробат, ја знаете вашата точка беспрекорно добро, самоуверени сте во сопствените вештини и знаете дека секоја ваша изведба е совршенство. Сепак, кога ќе треба да скокнете, дали би преферирале да ја извадиме мрежата? Тоа е осигурувањето – нашата заштитна мрежа во секојдневните предизвици“, велат од НЛБ банка.
Дали ви се случило да мора да издвоите поголема сума средства за поправки и други непредвидени трошоци во домот независно дали неодамна сте купиле нов стан или во него живеете со години?
Домот е најголема и најважна инвестиција што сите ја преземаме и честопати вложуваме во дополнителни системи за заштита на домот, како, на пример, видеокамери, разни системи за аларм и слично. Сето ова е одлична превентива, но сепак честопати забораваме на ризикот од пожар во домот, излевање вода од прснат вентил од парно греење, провална кражба, поплава и др., кои многу сериозно може да ги оштетат домот и предметите во домот.
Трошоците за материјали и поправки на штети од електрични инсталации, водовод или канализација, случаи на штети на клима-уреди или, пак, неопходна поправка на штета настаната на покрив, врати, прозорци, стакло и слично, може да нè чини до петстотини, па и повеќе евра и може сериозно да се одрази на нашиот буџет.
Сите овие непредвидени трошоци би можеле да се избегнат со купување полиса за домаќинско осигурување на станот/куќата. Кога ќе се земе трошокот на евентуалната штета во домот и ќе се спореди со износот што треба да се уплати за домаќинско осигурување (на пример, за стан од 70 м2, заедно со предметите во станот, околу 40-50 евра годишно), кој може да се плаќа и на месечни рати, излегува дека осигурувањето е далеку подобра инвестиција.
Од друга страна, покрај материјалната основа, која честопати е мотиватор во донесувањето одлука за осигурување, треба да се има на ум дека во осигурен дом полесно се спие и се намалуваат грижите од типот – што ако бидејќи и доколку се случи нешто што може да нè вознемири во секојдневието, осигурувањето е тоа што се грижи во име на својот клиент.
Сигурно доста често ви се случило да слушнете коментар од типот: Зошто на секој му треба животно осигурување? Јас сум млад/а, здрав/а и што може да ми се случи?
Сепак, имајте на ум дека животот е често непредвидлив и дека не е секогаш онака како што планираме и посакуваме. Токму поради ситуациите на кои не можеме да влијаеме, добро е да имаме полиса за животно осигурување.
Со полисата за животно осигурување овозможуваме финансиска сигурност и спокојна иднина за нас и за нашето семејство. Истовремено, животното осигурување значи и штедење, а ние одлучуваме колку долго и колку средства сакаме да заштедиме.
Кога ќе потпишеме договор, уште истиот момент знаеме колкава е осигурената сума што нè очекува на истекот на траење на осигурувањето/штедењето, како и колкава е сумата за обесштетување во случај на незгода или несреќа. Тоа е она што нам и на нашите најблиски ни дава чувство на безгрижност и сигурна иднина.
Дали можам да си дозволам животно осигурување?
Со оглед на времето во кое живееме, речиси и да не постои семејство што не штеди на сè и сешто. Штедиме за храна, за бензин, штедиме за подароци и излегувања, па сè до оние работи што претставуваат луксуз. Но, за жал, сепак најмалку се штеди на иднината и на безгрижниот живот. Без разлика на финансиската ситуација, баш поради тоа што животното осигурување е производ што се приспособува на нашите лични потреби и можности, потребно е да почнеме да штедиме преку осигурување. Животното осигурување како облик на долгорочно штедење, со можност за избор на висината на премија што би можеле да ја плаќаме, ќе ни обезбеди пристојна материјална поддршка во некои идни години, како и адекватна заштита кога и да ни биде потребна.
Што претставува ризикоосигурувањето со кредит?
Ризикоосигурувањето е полиса за животно осигурување врзана со кредит. Тоа значи дека во случај на немил настан, осигурителната компанија во наше име целосно ќе го исплати кредитот, така што не би оставиле никакви финансиски обврски на своето семејство. Се работи за специфичен тип на животно осигурување кое обезбедува голема финасиска сигурност за нашето семејство. Дополнително, ризикополисата овозможува и многу поповолни услови за одобрување на кредитот.
(ПР-текст)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Биткоинот поскапе на 61.710 евра, инвеститорите се претежно оптимисти за понатамошниот раст
Биткоинот поскапе за 0,53 отсто на 61.710,57 евра денеска во 15:30 часот на најголемата светска берза за криптовалути Binance.
Вкупниот обем на тргување со биткоин во последните 24 часа изнесува 21,42 милијарди евра, што е значително повеќе од вчера.
Инвеститорите се претежно оптимисти за понатамошниот раст на Биткоин.
Економија
Нови цени на дизелот и бензините од полноќ
Регулаторната комисија за енергетика, водни услуги и услуги за управување со комунален отпад на Република Северна Македонија (РКЕ) донесе одлука со која се врши намалување на малопродажните цени на нафтените деривати во просек за 1,27 % во однос на одлуката од 16.5.2024 година.
Референтните цени на нафтените деривати на светскиот пазар во споредба со претходната пресметка бележат намалување во просек: кај бензините 1,601 %, кај дизелот 0,751 %, кај екстра-лесното масло 1,310 % и кај „мазутот“ намалувањето е 2,450 %.
Курсот на денарот во однос на доларот во изминатиот период по кој беа формирани цените со претходната пресметка е понизок 0,368 %.
Малопродажната цена на бензинот ЕВРОСУПЕР БС-95 се намалува 1,50 денар/л.
Малопродажните цени на бензинот ЕВРОСУПЕР БС-98, како и на ЕВРОДИЗЕЛОТ (Д-Е V) и на екстра-лесното масло за домаќинство (ЕЛ-1) се намалуваат 1,00 денар/л.
Малопродажната цена на „мазутот М-1 НС“ се намалува 0,306 денари/кг и сега ќе изнесува 42,629 денара/кг.
„Напоменуваме дека ова се максималните цени на нафтените деривати од 00.01 часот на 21.5.2024 година. Трговците на големо и трговците на мало со нафтени деривати и горива за транспорт може да ги формираат цените на одделни нафтени деривати и горива за транспорт и пониско од највисоките утврдени цени“, велат од РКЕ.
Економија
РЕС е најголем снабдувач со струја на слободниот пазар, објави Регулаторната комисија за енергетика
РЕС е најголем снабдувач со струја на слободниот пазар и најголем дел од стопанството добива електрична енергија од РЕС, објави Регулаторната комисија за енергетика.
РЕС (Renewable Energy Supply) сам држи речиси една третина од пазарот, а другиот дел го делат други 20 снабдувачи.
Во 2023 година РЕС продал 609.771 MWh електрична енергија или 28,84 % од вкупната енергија на слободниот пазар, а во снабдувањето на големите субјекти држи дури 34 % од пазарот.
Освен на големите потрошувачи, РЕС им дава исклучително поволни и поевтини понуди за снабдување и на малите потрошувачи и нивниот број во балансната група на РЕС постојано расте, особено од почетокот на 2024 година.
Компанијата во моментот бележи уште повисоки резултати и снабдува над 900 клиенти, со предвидена годишна количина од речиси 700.000 MWh електрична енергија.
РЕС е формиран 2022, а годинава се најде на листата на топ-100 компании со најголема добивка во 2023 година.
ПР