Спорт
Икарди е најдобриот играч во Серија А во 2018 година
Мауро Икарди е прогласен за најдобар играч во Серија А, за 2018 година, на свечената „Гран гала дел Калчо“ церемонијата, која се одржа во Милано. Наградата за играч на годината ја доделува Здружението на професионални фудбалери.
Икарди ја прекина домин…
Мауро Икарди е прогласен за најдобар играч во Серија А, за 2018 година, на свечената „Гран гала дел Калчо“ церемонијата, која се одржа во Милано. Наградата за играч на годината ја доделува Здружението на професионални фудбалери.
Икарди ја прекина доминацијата на фудбалерите на Јувентус, која траеше од 2011 година, кога за најдобар беше прогласен Златан Ибрахимовиќ.
Покрај наградата за играч на годината, Аргентинецот ја доби и наградата за најдобар гол во сезоната.
¡Una locura! Ah, y Mauro Icardi 9️⃣ fue premiado por la Asociación de Futbolistas Italianos como mejor jugador del año ? pic.twitter.com/THoLCd6VhD
— Esquema Fútbol (@EsquemaFutbol) December 4, 2018
За најдобар тим е прогласен Јувентус, а предводникот на оваа екипа, Масимилијано Алегри е најдобар во 2018 година.
Награди за животно дело добија легендарните играчи Франческо Тоти и Андреа Пирло.
Џанлука Роки е прогласен за најдобар судија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Активирана ракометна „бомба“ во Подгорица – Дидие Динар е селектор на Црна Гора!
Дидие Динар, членот на генерацијата која доминираше во светскиот ракомет и поранешен селектор на Франција, едно од најголемите ракометни имиња во светот, е нов селектор на репрезентацијата на Црна Гора!
Ова големо ракометно име во Црна Гора носи импресивна кариера и како играч и како тренер.
Динар стана десеттиот селектор на „лавовите“ откако Владо Шола поднесе оставка во мај, по елиминацијата од Италија во баражот за Светското првенство.
Неговото деби на клупата на црногорската селекција се очекува на 6 ноември против Финска, во рамките на квалификациите за ЕП 2026 година.
Спорт
(Видео) Перу го победи Уругвај
Фудбалерите на Перу го победија Уругвај на домашен терен со 1:0, во последниот натпревар од деветтото коло во јужноамериканските квалификации за Светското првенство.
Голот за огромни три бода. го постигна стоперот Мигел Араухо во 88. минута, играч на американски Портланд.
Со оваа победа Перу ги задржа шансите за пласман во Мундијалот во 2026 година.
Перу е претпоследен со шест бода, Уругвај трет со 15. Аргентина е лидер со 19 бодови, Колумбија има 16, Бразил е четврти со 13, Еквадор е петти со 12, исто толку колку и шестопласираната Боливија, а Венецуела е седма со 11.
Над Перу е Парагвај со 10 бодови, а зад „фенерџијата“ Чиле со пет бодови.
Најдобрите шест селекции од Јужна Америка директно ќе се пласираат на СП по 18 одиграни кола, додека седмопласираната ќе оди во интерконтиненталниот плеј-оф.
Спорт
Марка: Би било лошо доколку Реал го врати Серхио Рамос
Реал Мадрид е во криза поради бројните повреди и отсуства кои најмногу ја погодија дефанзивната линија. Повредени се голманот Тибо Куртоа и дефанзивците Едер Милитао, Давид Алаба и Дани Карвахал. Извесно е дека сезоната е завршена за десниот бек, Карвахал.
Откако се повреди Карвахал, дел од шпанските медиуми шпекулираа дека во Реал би можел да се врати поранешниот капитен Серхио Рамос.
38-годишникот е слободен играч откако му истече договорот со Севилја. Дел од навивачите би се согласиле со неговото враќање, но „Марка“, медиум близокдо клуботпишува дека Реал ќе направи голема грешка доколку го врати Рамос.
Главна причина се неговите години, и непишаното правили: „Ако го напуштиш Реал, не враќај се“.
Иако Рамос има култен статус во „кралскиот клуб“, раководството на Реал нема стратегија за потпишување на ветерани. Затоа ни Хари Кејн не дојде пред нешто повеќе од една година. Реал најверојатно ќе се фокусира на доведување на некои помлади играчи, пишува „Марка“.