Спорт
Трофеите на Борис Бекер одат на аукција
Легендарниот тенисер Борис Бекер ги отфрли наводите дека поседува дипломатски имунитет, кој го штител од банкрот. Поранешниот број 1 во светскиот тенис, наводно поседувал дипломатски пасош на Централноафриканската Република, поради што против него не м…
Легендарниот тенисер Борис Бекер ги отфрли наводите дека поседува дипломатски имунитет, кој го штител од банкрот. Поранешниот број 1 во светскиот тенис, наводно, поседувал дипломатски пасош на Централноафриканската Република поради што против него не можеле да се водат правни постапки.
Сепак, на сослушувањето во понеделникот Германецот признал дека не успеал да се избори за дипломатски имунитет.
Ова значи дека набргу ќе се одржи планираната аукција на неговите трофеи, спортската опрема и признанијата вредни 200.000 фунти. На аукцијата ќе се најде и сертификатот за освоен златен олимписки медал во игра на двојки во 1992 година.
Бекер прогласи банкрот во јуни 2017 година поради големиот долг што го имал кон британската банка „Арбутнот Латам“.
Борис Бекер е најмладиот шампион во историјата на Вимблдон. Неофицијалното светско првенство тој го освои во 1985 година на 17-годишна возраст. Во кариерата освоил 64 АТП-трофеи.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Репрезентацијата на Мбапе повеќе не му е приоритет
Килијан Мбапе не е баш омилен меѓу француските фанови во последните денови. Еден од најдобрите светски фудбалери прво реши да го прескокне октомврискиот собир на репрезентацијата и натпреварите во Лигата на нации, поради лесна повреда, а потоа беше фотографиран како минува време во рестораните во Стокхолм, додека неговите соиграчи се обидуваат да изборат пласман во фајналфорот на натпреварувањето под покровителство на УЕФА.
Сега медиумите во Франција и Италија пишуваат дека Килијан Мбапе имал интерен разговор со селекторот Дидие Дешамп, во кој му рекол дека планира да игра само на важни натпревари на репрезентацијата бидејќи сака да се посвети н освојувањето на најважната индивидуална награда во 2025. во светот на фудбалот, Златната топка.
Мбапе смета дека Лигата на нации е недоволно важно натпреварување, и дека на репрезентативните колеги може да им помогне во квалификациите за Светското првенство, но да ги прескокне сите други натпревари како сега.
Французите на социјалните мрежи не се воодушевени, особено поради фактот што го минатото лето го напушти ПСЖ и се пресели во Реал Мадрид.
Треба да се додаде дека тој преку суд побарал некои неисплатени бонуси и дека е во војна со францускиот клуб.
Спорт
Меси и понатаму зема плата од Барселона, клубот од кој замина во 2021 година
Лионел Меси постигна 672 гола и асистираше на уште 303 на 778 натпревари во дресот на Барселона. Иако играше за Пари Сен Жермен откако ја напушти Каталонија пред да потпише за Интер Мајами во МЛС минатата година, Барселона сепак го плаќа. И не е единствениот за кого одвојува пари, а кој веќе не игра таму.
На платниот список на нивниот поранешен клуб се и Серхио Бускетс и Џорди Алба, со кои играше со години во Барселона, а потоа повторно се обедини со нив во Мајами. Сите тројца се согласија на одложување на платата за време на пандемијата на коронавирус со цел да се олесни финансиската состојба на клубот. Барса сега ги отплаќа тие долгови.
Според договорот тоа ќе го прават до крајот на оваа сезона и дури потоа ќе го тргнат тој финансиски товар. Парите што им ги исплаќа на трите ѕвезди не се класифицирани како тековни трошоци бидејќи тие бројки беа вклучени во сметките на клубот за 2020/21 година. Барса во таа сезона требаше да одвои околу 84,5 милиони евра за плата на Меси.
Спорт
Синер e прв финалист во Шангај
Јаник Синер е првиот финалист на Мастерсот во Шангај.
Италијанецот по вторпат сезонава го победи Чехот Томаш Махач, 33-ти во светот, со 6:4, 7:5 по 103 минути игра.
Со ова тој го обезбеди лидерското место на АТП листата на крајот од оваа година.
Исто како и минатата пролет во Мајами, кога првпат играше со Чехoт, светскиот рекет број еден најде решение и со тоа ја заврши одличната недела на противникот.
Светскиот рекет број еден на тој начин стигна до осминафиналето сезонава и в недела ќе се бори за седмата титула во 2024 година, вкупно 17-та во кариерата.
Не може да се каже дека Махач одигра лошо, напротив играше во свој стил. Погодуваше со сета сила, ризикуваше во ударите, но впечатокот е дека Синер ги добиваше клучните поени и правеше значително помалку грешки.
Сепак, Чехот одлично го започна мечот, веднаш нападна и го изненади Синер со ран брејк, а потоа и со водство од 2:0.
Сепак, тоа не го збуни Синер, кој го задржа темпото на игра и го сврте резултатот во своја полза, 3:2.
Италијанецот имаше и две брејк топки во следниот гем, но не ги искористи, само за да добие нова шанса во самата завршница од сетот.
Во десеттиот гем искористи брејк прилика за водство од 6:4 во мечот по 44 минута.
Италијанецот трпеливо градеше поени во остатокот од мечот и ја чекаше својата прилика.
Махач правеше многу повеќе грешки, но никако не успеваше да добие шанса за брејк.
Додуша, добро се држеше во овој сет, не му дозволи на противникот да добие брејк шанси, но не успеа ни самиот да ги создаде, се до деветтиот гем кога имаше два, но Синер извонредно извлече и стигна до 5. :4.
Махач одговори со 5:5, но Синер не ни трепна, брзо стигна до 6:5 без загубен поен, само за Италијанецот да притисне, стигнувајќи до брејк на крајот и трето мастерс финале во сезоната.
Таму ќе се сретне со победникот од мечот меѓу Новак Ѓоковиќ и Тејлор Фриц.