Свет
Нобеловецот Смит: Израел продолжува со инвазија во Палестина
Израел продолжува со инвазија на територијата на Палестина со што ги крши меѓународните закони, вели Нобеловецот за хемија во 2018.
Џорџ П. Смит, професор емеритус по природни науки на Универзитетот „Мизури-Колумбија“ во САД, беше во посета на Стокхолм, каде што учествуваше на свеченоста за доделување на Нобеловата награда. Проф. Смит говореше на конференција организирана од Асоцијацијата на Палестинците, формирана од група академци во Шведска, кои својата работа ја посветиле на палестинското прашање.
„Народите на Палестина и на Израел треба да ги имаат истите права и еднакво да живеат на своите територии како две посебни земји,“ вели Смит.
Смит посочува дека и покрај тоа што Израел не ги почитува правилата и не дозволува, Палестинците мора да се вратат на окупираните територии и да си ги повратат своите права.
Тој нагласува дека активностите на Израел во Палестина се неприфатливи.
„Израел не врши притисок само на палестинскиот народ. Земјата врши притисок и врз еврејскиот народ кој е против погрешните политики на Израел“, вели Смит и додава дека Израел мора да стави крај на овие активности.
Нобеловата награда за хемија во 2018 беше поделена меѓу двајца добитници. Една половина замина кај Францис Х. Арнолд, член на Националната академија на науките, Националната академија на инженерство и Националната академија на медицината – доделена за создавање нови ензими, а втората половина им беше доделена на Смит и Грегори П. Винтер за нивните откритија во истражувањето пептиди и антитела.
Весниците во Израел објавија сторија во која изразија жалење поради доделувањето на Нобеловата награда на антиизраелски и пропалестински активист.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
„Пасатот“ го паркирал во море: капачите во Неум изненадени од несекојдневна сцена
Арогантното паркирање по улиците на градовите во БиХ веќе е секојдневие, но не се гледа често некој да паркира автомобил во морето, пишуваат тамошните медиуми.
Според написите, токму таква неверојатна слика ги изненадила неколкуте капачи на плажата во Неум, кои гледале како „Пасат“ буквално влегува во морето.
Според фотографиите објавени на социјалните мрежи, возачот го паркирал автомобилот во морето за да го извади скутерот на вода од приколката.
Фотографиите од автомобилот според медиумите, брзо се рашириле на Интернет, а корисниците на социјалните мрежи коментираат дека никогаш не виделе нешто слично.
Свет
Свештеник во Флорида гризнал жена која се обидувала да се причести
Свештеник од Флорида се соочува со обвиненија за напад откако гризнал жена за време на неделната миса.
Жената дошла на мисата во 10 часот, која се одржала во црквата Свети Тома Аквински и се обидела да се причести, објави епархијата Орландо, како што пренесува „NBC News“.
Свештеникот и рекол дека не се подготвила соодветно за причест, и дал благослов и ја замолил да си оди.
Жената подоцна се вратила и се обидела повторно да се причести, велат од бискупијата, а кога Родригез ја прашал дали ги презела сите неопходни чекори за да се причести, таа му рекла дека тоа не е негов проблем.
Свештеникот потоа ја причестил. „Во тој момент жената ја ставила раката во сад што го држел свештеникот, тој се обидел да ја оттурне со слободната рака, по што жената го оттурнала. Свештеникот ја каснал за раката“, наведуваат од епархијата.
Полицијата го истражуваше инцидентот во црквата и го сомничи Родригез за злоупотреба, пренесува медиумот.
Свет
Израелски министер: Мораме да ја продолжиме борбата и покрај наредбата на Меѓународниот суд на правдата
И покрај денешната наредба на Меѓународниот суд на правдата. Израел веднаш да ги прекине воените операции во градот Рафаh, во Појасот Газа, израелскиот министер Бени Ганц, член на Воениот кабинет, изјави дека Израел мора „да ја продолжи борбата“.
Ганц телефонски разговарал со американскиот државен секретар Ентони Блинкен од штабот на израелската армија во Тел Авив, а потоа најавил дека Израел ќе продолжи „да постапува во согласност со меѓународното право“ во Рафа – пренесоа израелските медиуми.
„Државата Израел води праведна и неопходна кампања откако бруталнаta терористичка организација масакрира наши граѓани, силуваше наши жени, киднапираше наши деца и испука ракети во центарот на нашите градови“, рече Ганц.
Тој тврди дека оваа земја е „должна да ја продолжи борбата за враќање на своите граѓани“ кои се заложници на Хамас и да ја обезбеди безбедноста на сите граѓани насекаде, вклучително и Рафах.
„Ние ќе продолжиме да дејствуваме во согласност со меѓународното право во Рафах и каде и да оперираме и ќе правиме напори да избегнеме повреди на цивили, не поради Хашкиот трибунал, туку пред се поради тоа што сме ние“, најави Ганц, поранешен началник на Генералштабот на Израел.
Лидерот на израелската опозиција Јаир Лапид ја осуди наредбата на Меѓународниот суд на правдата бидејќи тој суд не го поврза барањето за прекин на воената акција со барањето за враќање на израелските заложници приведени во Газа.
Лапид, кој е остар критичар на премиерот Бенјамин Нетанјаху, рече дека „неуспехот на тој суд“ на ОН да ги поврзе овие две работи е „морален колапс и морална катастрофа“.