Спорт
Сезоната ќе почне во Австралија, ќе заврши во Абу Даби
ФИА го објави календарот за новата сезона во шампионатот на Формула 1. Сезоната 2019 ќе започне во Австрслија во март, а ќе заврши во ноември во Абу Даби.
Во календарот за 2019 година има 21 трка, а единствената измена се однесува на трките во Мексико …
ФИА го објави календарот за новата сезона во шампионатот на Формула 1. Сезоната 2019 ќе почне во Австралија во март, а ќе заврши во ноември во Абу Даби.
Во календарот за 2019 година има 21 трка, а единствената измена се однесува на трките во Мексико и САД. Овие две трки ги заменија местата, така што во 2019 година првин ќе се вози Големата награда на Мексико, на 27 октомври, а потоа Големата награда на САД на 3 ноември.
Сезоната ќе почне на 17 март на патеката „Алберт парк“ во Австралија, а ќе заврши на „Јас Марина“ во Абу Даби на 1 декември.
Распоред на трките во Ф1 за 2019 година:
17 март: ГН на Астралија, патека „Алберт парк“
31. март: ГН на Бахреин, патека „Шахир“
14 април: ГН на Кина, патека „Шангај“
28 април: ГН на Азербејџан, патека „Баку“
12 мај: ГН на Шпанија, патека „Монтмело“
26 мај: ГН на Монако, патека „Монте Карло“
9 јуни: ГН на Канада, патека „Жил Вилнев“
23 јуни: ГН на Франција, патека „Пол Рикард“
30 јуни: ГН на Австрија, патека „Ред Бул ринг“
14 јули: ГН на Велика Британија, патека „Силверстон“
28 јули: ГН на Германија, патека „Хокенхајм“
4 август: ГН на Унгарија, патека „Хунгароринг“
1 септември: ГН на Белгија, патека Спа Франкошамп
8 септември: ГН на Италија, патека „Монца“
22 септември: ГН на Сингапур, патека „Марина Беј“
29 септември: ГН на Русија, патека „Сочи“
13 октомври: ГН на Јапонија, патека „Сузука“
27 октомври: ГН на Мексико, патека „Ерманос Родригес“
3 ноември: ГН на САД, патека „Остин“
17 ноември: ГН на Бразил, патека „Интерлагос“
1 декември: ГН на Абу Даби, патека „Јас Марина“
Шампионската титула кај возачите во 2019 ќе ја брани Луис Хамилтон, а кај конструкторите Мерцедес.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Тежок пораз на МЗТ од Спартак во Суботица
Македонскиот шампион МЗТ Скопје и наредната сезона ќе се натпреварува во Втората АБА лига. МЗТ, вечерва доѓивеа убедлив пораз на гостувањето кај најдобриот тим во регуларниот дел од сеозната, Спартак Суботица.
МЗТ имаше мали шанси да го изненади фаворизираниот противник, кој во Скопје победи со пет поени разлика. Но ниту најголемите песимисти не очекуваа дека македонскиот шампион ќе доживее тежок пораз.
Спартак сите дилеми, ако воопшто и ги имаше, ги реши во првото полувреме. Екипата од Суботица реализираше 80 отсто од шутевите за три поени во првиот дел (8/10) и на пауза замина со резултат 57:32.
Вториот дел беше само одработување на започнатото за Спартак кој славеше со 98:64.
Спартак за место во АБА лигата ќе се бори со Војводина.
Спорт
(Видео) Порту ја растури Барселона, Реал ја освои титулата во Шпанија
Фудбалерите на Џирона ја победија Барселона во 34.коло со 4:2 и го промофираа Реал Мадрид во нов шампион на Шпанија. На четири кола до крајот на сезоната Реал има 13 бодови повеќе од Џирона и 14 од Барселона.
Џирона втор пат сезонава во каталонското дерби ја победи Барселона. На „Монтоливи“, вечерва избраниците на Мичел славеа со пресврт.
Кристенсен погоди за Барселона во третата, а во четвртата минута изедначи Довбик со својот 17.коло во Примера. Втор пат во историјата на Примера се случива двата тима да постигнат по гол во првите пет минути.
До крајот на полувремето, во 46.минута), Левандовски направи пресврт и Барса со 1:2 замина на одмор.
Второто полувреме мина во знакот на Порту. Крилниот напаѓач на Џирона, во само девет минути ја креираше победата на својот тим. Во 65.минута изедначи на 2:2, потоа у асистираше на Гутиерез, а во 74.минута со својот втор гол стави точка на натпреварот.
Спорт
(Видео) Покер голови на Халанд, Сити го декласира Вулверхемптон
Фудбалерите на Манчестер сити на домашен терен го декласираа Вулверхемптон со 5:1, во 36. коло од англиската Премиер лига.
Блескаше Ерлинг Халанд кој постигна четири гола за домашниот тим (два од пенал). Сакаше да го постигне и петтиот поради што беше видно незадоволен и негодуваше во моментот кога Пеп Гвардиола реши да го замени во 82. минута.
Со оваа победа „Граѓаните“ ја задржаа пол-позицијата во борбата за титулата со Арсенал. На две кола пред крајот тимот од Лондон има бод повеќе, но Сити има меч помалку и доколку ги победи Фулам и Тотенхем на гости, а Вест Хем дома, ќе ја одбрани титулата шампион на Англија без разлика на резултатите на Арсенал, кој ќе гостува кај Манчестер јунајтед и ќе го пречека Евертон во последното коло.
Денеска избраниците на Пеп Гвардиола ја завршија работата во првото полувреме кое го одиграа во прилично лесен ритам и го решија во своја корист со 3:0, благодарение на хет-трикот на Ерлинг Халанд.
Во вториот дел Хванг намали на 3:1, но Халанд само 60 секунди подоцна му ја врати на Сити преднста од три гола. До крајот замената на Халанд, Хулијан Алварез во 84.минута го постави конечниот резултат.