Свет
СЗО: Парискиот договор годишно би спасил милион луѓе
![](https://makfax.com.mk/wp-content/uploads/2017/11/merki-od-prv-stepen-poradi-zagadenosta-na-vozduhot-vo-skopje-163155.jpg)
Животот на милиони луѓе во светот би можел да се спаси секоја година до 2050 кога би се намалило загадувањето на воздухот, а тоа е зацртано во парискиот договор за климатски промени, покажа најновиот извештај на Светската здравствена организација.
Извештајот претставен на конференцијата на ОН за климатски промени во Катовице во Полска ги нагласи негативните предизвикувачи на загаденоста на воздухот, што е резултат на човечкото дејствување врз здравјето на луѓето, а на државниците им предлага решение на тој проблем.
„Цената на климатските промени е видлива во нашите болници и на нашите бели дробови“, рекла Марија Неира, директорка на одделот за јавно здравје при СЗО. Таа додава дека кога ќе се земе предвид здравјето, намалувањето на климатските промени е можност, а не трошок.
Главниот поттикнувач на климатските промени – согорувањето на фосилните горива, е еден од главните причинители на загадувањето на воздухот, што годишно во светот доведува до 7 милиони смртни случаи и создава загуби на здравствените системи од 5,1 милијарди долари, проценува СЗО.
Во 15 земји во кои се испуштаат најмногу стакленички гасови влијанието на загадениот воздух врз здравјето на луѓето е повеќе од 4 отсто од нивниот БДП, тврди организацијата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Свет
(Видео) На протестите во Кенија полусестрата на Обама меѓу демонстрантите погодени со солзавец
![](https://makfax.com.mk/wp-content/uploads/2024/06/vvv.jpg)
Кениската активистка Аума Обама, полусестра на поранешниот американски претседател Барак Обама, била меѓу демонстрантите кои беа погодени со солзавец пред зградата на парламентот во Најроби.
Според странските медиуми, покрај солзавец, полицијата пукала и врз демонстрантите кои се обиделе да упаднат во зградата на парламентот, а се јавува и дека загинале најмалку десет демонстранти. Десетици луѓе беа повредени, а делови од зградата на парламентот беа опожарени додека пратениците го гласаа законот за зголемување на даноците.
.@LarryMadowo is live on scene as protests over a controversial financial bill escalate in the Kenyan capital of Nairobi.
He’s been speaking to protesters on the ground, including Auma Obama – Barack Obama’s sister: pic.twitter.com/12TOW2iR7e
— CNN International PR (@cnnipr) June 25, 2024
Законот сè уште треба да го одобри претседателот Вилијам Руто.
Свет
Убиени 10 членови на семејството на лидерот на Хамас: Израелските сили извршија воздушен напад врз неговата семејна куќа
![](https://makfax.com.mk/wp-content/uploads/2024/06/dfdszgg.jpg)
Израелските сили извршија воздушен напад врз семејната куќа на лидерот на Хамас.
Членовите на семејството на Исмаил Ханије, лидерот на Хамас, беа убиени за време на израелски воздушен напад врз нивниот дом во западниот град Газа, пишува The Times of Israel. Според извештаите, најмалку 10 членови на неговото семејство биле убиени, меѓу кои и неговата сестра.
Лидерот на Хамас ги загуби своите три сина во израелски напад врз нивниот семеен автомобил во кампот Шати на 10 април.
Потврдувајќи го нападот врз семејството Ханије и бројот на загинати, Хамас објави дека ја смета администрацијата на американскиот претседател Џо Бајден одговорна за продолжување на војната за „истребување“ против палестинскиот народ во Појасот Газа, пренесува Ал Џезира.
За време на израелскиот воздушен напад, беа погодени и две училишта кои се користеа како засолништа во населбата Ал-Дарај, во источниот дел на градот Газа, како и бегалски камп, при што загинаа неколку луѓе. Власите се уште не ја потврдуваат точната бројка на загинати и повредени.
Регион
(Видео) Пожар на Халкидики, засега не се загрозени населените места
![](https://makfax.com.mk/wp-content/uploads/2024/06/rtetsyr.jpg)
Пожарите веќе со денови беснеат низ цела Грција, а како што објави порталот „Прототома“, денеска избувнале пожари на Халкидики и Полигирос. На помош на пожарникарите дошле и хеликоптери.
View this post on Instagram
На терен се вкупно 22 пожарникари, еден хеликоптер и девет возила на итната пожарна служба. Засега пожарот не ги загрозува населените места.
Исто така, голем пожар избувна во близина на Патра на Пелопонез. Нема жртви.