Македонија
Бришкоска: Вчудовидена сум од невистинитиот исказ на Александар Василевски
Eксзаменичката на министерот за правда, Билјана Бришкоска-Бошковски, за „Макфакс“ го негира исказот на обвинетиот Александар Василевски – Нинџа што го даде на денешното судење за настаните од 27 април. Таа не одговори на телефонскиот повик, но испрати порака со следната содржина:
„Во врска со наводите пренесени во медиумите од сведочењето на обвинетото лице Александар Василевски, можам само да изјавам дека сум вчудовидена од невистинитоста на исказот на сведокот кој се однесува на мене и целосно го отфрлам како неточен“.
На денешното сведочење Александар Василевски – Нинџа рече дека Билјана Бришкоска-Бошковски контактирала со Трајко Велјаноски од осмиот кат на седиштетото на белата палата и му давала наредби на претседавачот пратениците да ги отворат влезните врати во Собранието.
Бришкоска-Бошковски е обвинета во предметот „Титаник“ на специјалното јавно обвинителство за злосторничко здружување и фалсификување исправа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Игор Димески од Тетово: Државни пензионерски домови, линеарно покачување на пензиите
Носителот од Левица во ИЕ6, Игор Димески, денес беше на средба со тетовските пензионери.
Пред пензионерите ја претстави Програмата на Левица за целната група – пензионерите, за која партијата има поставено јасни законски прописи.
„Со Програмата на Левица целиме кон: линеарно покачување на пензиите, 2/3 повисоки пензии во однос на минималната плата, државни пензионерски домови, намалување на старосната граница за пензионирање и тоа: 60 години за жени, 62 години за мажи”, истакна Игор Димески од средбата со пензионерите во Тетово.
Носителот Игор Димески потенцираше дека пензионерите во денешно време се столб на финансирање на семејството и дека нивниот статус треба на општествено ниво да се промени и да имаат спокојна старост.
Исто така, Димески на тетовските пензионери им понуди бесплатана правна помош од страна на Левица и отворена соработка во секое време.
Пензионерите истакнаа дека се оставени самите на себе за одржување на здруженијата со свои финансии, а револтот го насочија и кон опустошениот пензиски фонд.
Македонија
Чекајте, па ние сме на избори конкуренти, одговори Ковачевски прашан дали би им помогнале на ВМРО-ДПМНЕ ако не можат да формираат Влада
Чекајте, па ние сме на избори конкуренти, првин да ги видиме резултатите на 8 мај. Вака лидерот на СДСМ, Димитар Ковачевски одговори на прашањето дали како партија би им помогнале на ВМРО-ДПМНЕ да формираат Влада, во случај да не успеат да стигнат до 61 пратеник.
Ковачевски вели: „Оној кој што не може да формира Влада, значи дека ги изгубил изборите“.
Прашан за коментар за кампањата на ДУИ и ВМРО-ДПМНЕ, Ковачевски рече дека јавно ги осудил изјавите и на Ахмети во однос на скандирањето на плоштадот Макеоднија.
„Тие работи не’ враќаат 20 години наназад, во едно закопано минато кое сме го надминале со Охридскиот договор и членството во НАТО благодарение на СДСМ, и сме го надминале со почетокот на преговорите со ЕУ,истотака благодарение на СДСМ. Истовремено упатив порака и до претседателот на ВМРО-ДПМНЕ и кандидатката на таа партија Сијановска дека националистичката реторика не води никаде“, рече Ковачевски.
Како што рече, СДСМ е единствената партија којашто се бори за мултиетничко општетство, рамноправност на сите граѓани и интеграција во Европската Унија.
Македонија
„Дали ОЈО се злоупотребува за изборната кампања исто како и хајката против Каевски набргу ќе стане јасно“, вели СДСМ
„После денешната прес конференција на ДПМНЕ прашањето е дали Белата палата води истраги вклучително и споменатата? СДСМ нема да навлегува во мотивите на ОЈО, секако дека секој што го прекршил законот треба да одговара, но, доколку се утврди дека нема прекршување на законот очекуваме исто така одговорност“, вели СДСМ.
„Постои сомнеж дека ова е можеби и злоупотреба за избораната кампања. Вештачењето е од 25.04.2024 година, само еден ден после првиот круг од претседателските избори, а предлогот е доставен за 3 работни дена потоа.
Дали ОЈО се злоупотребува за изборната кампања исто како и хајката против Каевски набргу ќе стане јасно“, се наведува во соопштението на СДСМ.