Спорт
„Брате мој, те чека сообраќајна несреќа“ – му рекол соиграч на Дражен Петровиќ
Кошаркарот Мирко Миличевиќ играл заедно со легендарниот Дражен Петровиќ во хрватска Цибона.
По толку години од страшната сообраќајка која беше кобна за „кошаркарскиот Моцарт“, Миличевиќ тврди дека ја предвидел сообраќајката во Германија, тој 7 јуни 19…
Кошаркарот Мирко Миличевиќ играл заедно со легендарниот Дражен Петровиќ во хрватска Цибона.
По толку години од страшната сообраќајка која беше кобна за „кошаркарскиот Моцарт“, Миличевиќ тврди дека ја предвидел сообраќајката во Германија, тој 7 јуни 1993 година.
„Ова го немам кажано на никого досега. Дражен беше мој драг пријател, во 1990-та година му реков дека нешто ќе се случи, а тој ме погледна како што ме погледна. Бев во Марбела во 1993-та година кога ја слушнав веста на телевизија дека тој загинал. За жал јас три години претходно му кажав што ќе се случи“ – рекол Миличевиќ за српски „Телеграф“.
Екс-кошаркарот детално опишал како се одвивал нивниот разговор.
-Бевме јас, Ацо Петровиќ и Дражен. Подоцна пристигна и неговата тогашна свршеница Рената. Пријде Дражен и ми кажа „Ајде гениј, да погледнеш, треба да се земеме“. Сакаше да му гледам на дланка, ја погледнав нејзината, а потоа и неговата и не кажав ништо. Ме праша, што сум видел, а јас му кажав „Слушај, ако ти се ожениш со Рената, јас ќе го оженам Адолф Хитлер, а јас сум поблиску до Хитлер него ти до Рената. Му реков да се фокусира на кошарката“ – вели Миличевиќ.
По неколку месеци тој повторно го прашал, по што тој му одговорил дека него го чека сообраќајна несреќа и Господ да му биде на помош.
Екс-кошаркарот на Цибона вели дека способност ја наследил од својата баба која била видовита.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Реал прв обезбеди пласман на Ф4 во Берлин
Кошаркарите на Реал Мадрид први се пласираа на фајнл-форот во Евролигата. Актуелните шампиони серијата против Басконија ја добија со 3:0.
Третиот натпревар од серијата се одигра во „Фернандо Буеса“, во Виторија, Реал победи со 102:98.
Најефикасен во тимот на Чус Матео Бои беше Гершон Јабуселе со 23 поени, седум скока и три асистенции. Се истакнаа и хрватскиот кошаркар Марио Хезоња со 16 поени, четири скока и две асистенции и една топка, односно Факундо Кампацо со 13 поени, четири скока, осум асистенции и Валтер Тавареш со 12 поени, 13 скокови и четири блокади.
Најистакнати во тимот на Басконија беа плејмејкерите Маркус Хауард (29 поени, по два скока и асистенции) и Коди Милер-Мекинтајр (17 поени, четири скока, 11 асистенции, две украдени топки). Двициврени беа и Никос Рогкавопулос со 18 поени, четири скока и Вања Маринковиќ со 17 поени и четири скока.
Завршниот турнир во Берлин ќе се одржи од 24. до 26.мај, актуелниот шампион во полуфиналната пресметка со победникот од серијата Барселона-Олимпијакос.
Спорт
(Видео) „Милионерите“ чекор поблиску до финалето – Филкруг му пресуди на ПСЖ
Борусија Дортмунд го совлада Пари Сен Жермен во првиот полуфинален натпревар од Лигата на шампионите. „Милионерите“ забележаа победа 1:0 на „Вестфален“. Херој на „жолтиот ѕид“ беше Никлас Филкруг.
Борусија во првото полувреме, беше подобра само сза тој еден гол, иако всушност до самиот крај на првиот дел од натпреварот ниту еден од тимовите немаше изгледни шанси.
Се играше 36. минута кога Шлотенберг од половината на парижаните ја испрати топката до Филкруг. Овој ја прими брилијантно, повлече напред, се избори со Лукас Ернандез и го совлада Донарума.
Борусија имаше две одлични шанси во самиот финиш на првото полувреме, но Донарума беше на висината на задачата и го спаси својот тим.
Во вториот дел и двете екипи го зголемија својот ритам. Пари Сен Жермен тргна крајно офанзивно во вториот дел од натпреварот.
Стативата од голот на Кобел се тресеше два пати за само десет секунди во 51. минута. Прво се обиде Мбапе, ја погоди стативата, топката се врати кај гостите, по што се обиде и Хакими, но овојпат се затресе статива.
Набргу потоа Борусија имаше шанса да ја зголеми предноста, но одличната аситенција на Санчо, Филкруг не успеа да ја претвори во гол. До крајот ПСЖ два пати опасно се закани преку Фабијан Руиз и еднаш преку Дембеле, а втор гол на домаќинот спречи Маркињос кој во последен момент го блокираше Бранд.
Реваншот е следниот вторник во Париз.
Спорт
Парма се врати во Серија А
Со нерешениот резултат 1:1, на стадиното „Свети Никола“ против Бари, Парма се врати во Серија А. Култниот италијански клуб, на две кола до крајот на сезоната во Серија Б има седум бода повеќе од третопласираната Венеција.
Историјата на Парма во последниве години беше сè само не сјајна. Клубот згасна, па повторно оживеа во 2015 година.
Во следните три години, Парма стана првиот клуб кој остварил промоција во повисок ранг во три последователни сезони и успеа да се врати во Серија А, каде што остана до сезоната 2020/21, Во таа сезона забележа само три победи и повторно испадна во понизок ранг.
Минатата година навивачите беа разочарани по плеј-офот, а сега Парма го обезбеди најмалку второ место и враќање во елитата.