Шпанските медиуми објавија аудио снимка од судењето на познатиот фудбалер Џерар Пике, кој е под истрага за корупција во случајот Суперкуп на Шпанија.

Поранешниот шпански репрезентативец, кој освои се што може да се освои во фудбалската кариера, негираше дека сторил нешто лошо и плачеше на суд бидејќи рече дека не ги разбира обвиненија кои се поднесени против него.

Исто така, Пике изјави дека никој не може да му ја врати репутацијата.

Поранешниот играч на Барселона и Манчестер јунајтед е под истрага за четири милиони евра годишни провизии кои ги добивал преку неговата компанија.

Се истражуваат наводните дела на корупција и перење пари, кои резултираа со преместување на шпанскиот Суперкуп во Саудиска Арабија.

Пике помина два часа во судницата.

„Можам ли да кажам нешто? Многу е фрустрирачки затоа што се занимаваме со овој случај три години. Мислам дека и дадовме непроценлива вредност на Шпанската фудбалска асоцијација и најголемиот договор во историјата на асоцијацијата. Во друга земја би ми кренале споменик“, рече Пике, а потоа со многу поемотивен тон изјави:

„Не можете да замислите каково е чувството кога името ви се појавува во печатот секој ден и така три години. Се ќе заврши што е можно поскоро, но никој нема да ми ја надомести за нарушување на угледот“, додаде Пике.

#ElPeriódico “El audio de Piqué llorando ante la jueza del caso Supercopa“

Piqué: “De verdad creo que hemos aportado un valor incalculable para la Federación Española, el contrato más grande de la historia de la Federación”pic.twitter.com/cJqd65AsHG

— Fútbolgate.com (@futbolgate_ES) April 10, 2025

Интернационалниот олимписки комитет (ИОК) реши да направи промени на фудбалскиот турнир на Олимписките игри во Лос Анџелес во 2028 година. ИОК го зголеми бројот на репрезентации на женскиот дел од турнирот и во исто време донесе одлука да го намали брјот на учесници на машкиот дел од турнирот.

На Олимпијадата во Лос Анџелес наместо досегашните 12 ќе учествуваат 16 женски репрезентации, додека машкиот олимписки турнир ќе биде намален од 16 на 12 екипи.

ИОК рече дека причината за промената е брзо растечката популарност на женските тимски спортови, особено во САД и дека промената во форматот на натпреварувањето е одраз на тој брз раст.

„Сакавме да направиме нешто што ќе го одрази тој раст, а исто така и дека САД се дом на најпопуларниот женски фудбал“, рече спортскиот директор на ИОК, Кит Меконел на прес-конференција.

Тој нагласи дека ИОК разговарал за ова прашање со организаторите на Игрите во ЛА и ФИФА, управното тело на светскиот фудбал, пред да ја донесе одлуката.

Соединетите Американски Држави, кои исто така ќе бидат домаќини на Светските првенства за жени во 2026 и 2031 година, освоија пет златни олимписки медали во женска конкуренција.

Јувентус почна да бара нови решенија во нападот. Италијанските медиуми пренесуваат дека на крајот од сезоната клубот ќе го напушти Полјакот Аркадиуш Милик кој сезонава воопшто не играше поради повреда на коленото, а многу веројатно е дека од клубот ќе замине и Душан Влаховиќ.

Главна цел на Јувентус е нигерискиот репрезентативец Виктор Осимен, кој на крајот од оваа сезона се враќа во Наполи од позајмицата во Галатасарај. Осимен има откупна клаузула вредна 70 милиони евра за тимови надвор од Италија, па се шпекулира дека Јувентус го чека тешка битка околу евентуалниот трансфер на 26-годишниот Нигериец.

Се споменува и напаѓачот на Лајпциг, Словенецот Бенјамин Шешко, како и напаѓачите на Манчестер јунајтед, Холанѓанецот Џошуа Зиркзе и Данецот Расмус Хојлунд, кои имаат искуство во Серија А.

На радарот на Јувентус се и тројца италијански интернационалци, тандемот од Аталанта, Матео Ретеги и Џанлука Скамака, како и напаѓачот на Удинезе Лоренцо Лука.

Ваквите планови можат да значат и дека клубот нема да г откупи од ПСЖ договорот на рандал Коло Муани, кој беше стандарден кај Тиаго Мота, но го загуби местото во стартната постава откако екипата ја презеде Игор Тудор.

Јувентус моментално е на петтото место со 56 бодови, 12 помалку од водечкиот Интер.