Европа
(Видео) Париз подготвен за протестите, оклопни возила и полицајци распоредени низ улиците

Француските сили од рано утрово се распоредени во Париз, каде за денеска е закажан нов протест на „Жолтите елеци“. Властите стравуваат дека протестите повторно ќе бидат проследени со нереди и насилство. Поради тоа, на улиците се распоредени оклопни возила.
Fransa’da “sarı yeleklilerin” düzenleyeceği büyük gösteri öncesinde 100 bine yakın polis konuşlandırıldı. Paris’te 8 bin polisin görev yapacağı belirtilirken sabahın erken saatlerinde polisler sokaklara konuşlanmaya başladı. #Yellowjacket #GiletJaunes https://t.co/b3c157gIrp pic.twitter.com/aSSgkXvymh
— Star Dünya (@StarDisHaberler) December 8, 2018
Во Париз денеска се затворени 36 метро станици, како и многу продавници. Исто така, денеска нема да работат Ајфеловата кула и музејот „Лувр“.
Локалните медиуми наведуваат дека францускиот претседател, Емануел Макрон, денеска ќе остане во Елисејската палата од каде што ќе ја следи ситуацијата, а се очекува тој да ѝ се обрати на нацијата во текот на следната недела.
Владини претставници велат дека 89.000 полицајци и членови на жандармеријата денеска ќе бидат мобилизирани низ целата земја. Само 8.000 ќе бидат распоредени во Париз.

Фото: ЕПА
Банките, продавниците и рестораните од вчера се подготвуваат и се обидуваат да го заштитат својот бизнис од утрешните евентуални напади со поставување даски на излозите. Ваквите подготовки доаѓаат по најголемите немири што Париз ги видел во последните 50 години, што се случија минатата сабота. Група демонстранти од движењето „Жолти елеци“ ограбуваа продавници, палеа возила и се судрија со полицијата. Протестите на „Жолтите елеци“ почнаа како протест против предлог-законот за зголемување на даноците за дизел и бензин, а движењето беше именувано по жолтите елеци што ги носеа демонстрантите, кои возачите мора да ги имаат во своите автомобили.
Сепак, протестите ја надминаа нивната првична цел и станаа насочени против Владата. Демонстрантите го насочија својот гнев кон претседателот Емануел Макрон, кого го обвинија дека нема контакт со реалноста. За Владата демонстрантите велат дека тоа е елита и дека нема претстава како живее остатокот од земјата. Макрон од средата, откако го укина предлогот за нови високи даноци на горивата, е тивок во јавноста. Француските медиуми цитираа владини претставници кои рекле дека претседателот не сака дополнително да ја разгори ситуацијата со обраќање до јавноста пред утрешните протести.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
(Фото+видео) Опасна бура во Словенија: паѓаше град со големина на јајце, издадено портокалово предупредување

Словенија е погодена од силни бури придружени со силни налети на ветер, поројни дождови и град.
Сообраќајот во земјата е забавен, а Агенцијата за заштита на животната средина издаде портокалово предупредување за целата територија.
Од агенцијата посочуваат дека поради дождот може да дојде до задржување на вода и зголемување на реките.
На објавите на социјалните мрежи се гледа дека паѓал град со големина на јајце.
Според објавите и коментарите, најлошото било околу Шемпетер во долината Савиња.
Како што јавува ТВ Словенија, во текот на вечерта бурата постепено ќе ослабне , најдоцна на истокот од земјата.
Бура пристигнува и во Хрватска
Силна бурна ќелија, која пристигна преку брегот од Италија, се движи кон внатрешноста на Хрватска, придружена со врнежи од дожд, силни налети на ветер и локален град.
Водна пијавица е снимена над морето во близина на Умаг. Се очекува активноста на бурата дополнително да се интензивира во наредните часови.
Управата за заштита на животната средина издаде портокалова тревога за регионите Риека, Карловац и Загреб поради локално можни грмотевици со привремено силни до бурони ветрови, а можна е и појава на град.
Европа
Колона долга околу 700 километри забележана на автопат во Франција

Колона долга речиси 700 километри е забележана денеска на автопат во Франција, додека вкупната должина на сите колони на патиштата во земјата изнесуваше 1.051,6 километри во време на зголемен сообраќаен интензитет поради летните одмори и смената на туристи, што колоквијално се нарекува „Црна сабота“.
Како што извести BFM TV, сообраќајот на патиштата во Франција дополнително бил забавен поради две сообраќајни несреќи на автопатот кон Медитеранот и Атлантскиот Океан.
Според податоците на Bizon Futé, француската агенција за следење на состојбата на патиштата, до 7 часот утрово колоните биле подолги од 200 километри, а до 10 часот веќе надминале 570 километри.
Како што беше соопштено, гужвите се во согласност со прогнозите на агенцијата, која предупреди на „исклучително тешки сообраќајни услови“ за оваа сабота, а врвот на метежот се очекува околу пладне.
Сообраќајот во правец кон Алпите исто така е интензивен и загушен, со задржувања од час и 45 минути во тунелот Мон Блан во правец кон Италија
Европа
Финска, Норвешка и Шведска под жештина невидена од 1961 година

Земјите од Северна Европа, познати по својата студена клима, се соочуваат со интензивни топлотни бранови, со температури над 30 степени Целзиусови во подолг временски период.
Во норвешкиот дел од Арктичкиот круг, метеоролошките станици регистрирале температури над 30 степени Целзиусови дури 13 дена во јули, додека Финска имала три последователни недели со температури од 30 степени, пишува денес британскиот „Гардијан“.
Според научниците, тоа е најдолгиот период според историските податоци од 1961 година, а трае 50 проценти подолго од претходниот рекорд.
„Топлотниот бран е сè уште во полн ек, со максимални температури денес околу 32-33 степени. Дури и арктичките региони забележаа три недели со температури над 25 степени и може да ги соборат своите августовски температурни рекорди утре“, изјави Мика Рантанен, климатолог во Финскиот метеоролошки институт, во објава на социјалните мрежи.
Норвешкиот метеоролошки институт соопшти дека температури над 30 степени се регистрирани 12 дена во јули во најмалку една станица во трите најсеверни покраини на Норвешка.
Во Шведска, метеоролозите, исто така, регистрираа продолжени топлотни бранови во неколку северни градови, при што метеоролошката станица во Хапаранда регистрираше температури од 25 степени или повеќе 14 дена по ред.
Овие топлотни бранови, кои ја погодија северна Европа кон средината на јули, беа предизвикани од топлите води покрај северниот брег на Норвешка, кои ги покачија температурите во нордиските земји за осум до 10 степени над сезонските норми.
Поради интензивен топлотен бран, лизгалиште на мраз во северна Финска ги отвори вратите за луѓе кои бараат засолниште од жештината, откако локалните болници беа преполни, а сточарите предупредија дека нивните ирваси се на работ на смртта од жештината.