Црна хроника
Истрага против 20-годишен скопјанец кој во домот чувал пушкомитралез
Основното јавно обвинителство од Скопје донесе наредба за спроведување истражна постапка против 20-годишен скопјанец во чиј дом при полициски претрес бил пронајден пушкомитралез.
Како што информираат од обвинителството, при извршен претрес во домот на осомничениот од страна на Единицата за недозволена трговија при СВР Скопје, кај него бил пронајден пушкомитралез од типот degtyarev type 56 RPD со калибар 7,62X39 милиметри од кинеско производство.
Ваков вид оружје на граѓаните им е забрането да поседуваат, а при извршената анализа се покажало дела пушката исправно функционира.
Скопјанецот се товари дека сторил кривично дело „недозволено изработување, држење и тргување со оружје или распрскувачки материи“.
Со оглед на околностите кои го оправдуваат стравот од опасност за бегство, надлежен јавен обвинител до судија на претходна постапка доставил предлог за определување мерка притвор за осомничениот.
Судијата го прифатил ваквиот предлог и на скопјанецот му определил притвор во траење од 30 дена.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Уапсен дилер од Штип, пронајдена дрога и голема сума пари
МВР информира дека вчера по преземени оперативни мерки и дејствија, полициски службеници од Отсекот за недозволена трговија со дрога и оружје го уапсиле 32 годишниот Б.М. од Штип.
При претрес во неговиот дом во Штип извршен по насоки од надлежен обвинител, биле пронајдени и одземени прашкаста материја, поголема сума на пари и дигитална вага.
„Лицето е задржано во полициска станица и во текот на денот со кривичната пријава ќе биде предаден на судија на претходна постапка за понатамошно постапување“, соопштија од полицијата.
Црна хроника
Стружанец објавувал експлицитна содржина од малолетничка
Полицијата во Тетово поднесе кривична пријава против А.А.(41) од Струга, поради постоење основи на сомнение за сторени кривични дела „злоупотреба на лични податоци“ и „производство и дистрибуција на детска порнографија“.
Пријавениот, на социјална мрежа, објавил фотографии и видео снимки со експлицитна содржина од женско лице, кое во тоа време било малолетно.
Црна хроника
Жена од Гевгелија измамила Грк дека е од Царина и му зела 2.000 евра
Полицијата поднесе кривична пријава против М.Ј.(46) од Гевгелија, поради измама.
„Пријавената, на 13 септември на царинскиот терминал на Граничниот премин „Богородица“, го довела во заблуда грчкиот државјанин К.Г.К., на начин што лажно се претставила дека е застапник во царински постапки и лажно му прикажала факти дека сторил тежок царински прекршок, поради што ќе биде задржан на македонско-грчката граница од страна на царинските власти и му побарала 2.000 евра, за да му помогне, на што се согласил“, објави МВР во дневниот билтен.