Македонија
Синдикатот на Клиничкиот центар: Поскапувањето на паркингот ќе ги погоди вработените со ниски примања

Планираното покачување на паркинг-местото во кампусот клиники „Мајка Тереза“ најмногу ќе ги погоди вработените од социјално најранливата категорија, чија бруто-плата изнесува 17,883 денари, односно 12,503.00 денари нето-плата. Ваква е реакцијата на синдикатот на Клинички центар, по најавите на Град Скопје дека паркингот за вработените од „Мајка Тереза“ би можел да поскапе од 300 на 800 денари месечно.
Од Синдикатот преку соопштение велат дека на овој начин оваа категорија вработени треба приближно еден месец во годината да работи за да го плати паркинг-местото на своето возило за време на извршување на своите работни обврски.
„Доколку Советот на град Скопје го изгласа овој предлог на ЈП ‘Градски паркинзи’ и истиот почне да се применува, планираното покачување на платата на оваа категорија вработени од 5 проценти за 2019 година, почнувајќи со септемвриската плата само по овој основ, практично се сведува на нула отсто. Дали надлежните институции кои управуваат со паркингот во кампусот клиники ‘Мајка Тереза’ сметаат дека оваа социјално најранлива категорија вработени нема право со возило да оди на своето работно место“, прашуваат од синдикатот.
Предложеното покачување, како што додаваат, ќе се одрази и во намалување на планираниот процент на покачување на платите за следната година и на сите други профили вработени во кампусот клиники „Мајка Тереза“ во Скопје.
„Верувавме дека со планираната изградба на катните гаражи за паркинг вработените во кампусот клиники ‘Мајка Тереза’ ќе имаат картички со бесплатно паркинг-место, соодветно на праксата во болниците во развиените земји, како и во приватните болници во Македонија.
Синдикатот на Клинички центар го повикува министерот за здравство, Венко Филипче, со својот личен и со авторитетот на институцијата што ја претставува да го реши овој новонастанат проблем во полза и корист на вработените во кампусот клиники ‘Мајка Тереза’ чии интереси ги застапува во рамките на своите надлежности“, додава Синдикатот во соопштението и порачува дека доколку биде изгласан предлогот, синдикатот ќе биде принуден да превземе соодветни мерки за да ги заштити правата и интересите на своето членство.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Грантови до 10.000 евра за млади и ранливи групи преку мерките од Оперативниот план, најавува Владата

Од Владата најавуваат дека грижата за младите продолжува преку сеопфатна стратегија и оперативен план од 40 милиони евра кој ќе опфати над 16.000 граѓани.
„Се објави јавниот повик од Оперативниот план за вработување за 2025 година, кој се однесува на две нови мерки наменети за невработени лица кои сакаат да започнат сопствен бизнис.
Во рамки на Оперативниот план за вработување за 2025 година, официјално се објави повикот за Мерка 1.1 и Мерката 1.2.
Преку Мерката 1.1 се доделува грант од 430.500 денари (околу 7.000 евра), за граѓаните над 29 години, а преку мерката Мерката 1.2. се доделува грант до 615.000 денари (10.000 евра) за започнување сопствена дејност за лицата до 29 години“.
Како што се појаснува во соопштението, за лица со попреченост се предвидени средства до 250.000 денари над основниот грант, со цел да се создадат еднакви услови за сите заинтересирани.
Двете мерки, според најавеното, вклучуваат и целосна поддршка преку обука за претприемништво, изработка на бизнис план и шестмесечно менторство, со цел граѓаните не само да добијат финансиска поддршка, туку и знаење и насоки за успешно водење на сопствен бизнис.
„Преку мерките и проектите владата ја потврдува посветеноста на создавање на инклузивен пазар на трудот и зајакнување на поединецот како клучен актер во економскиот развој на земјата.
Преку овие мерки се создаваат реални улови за развој, вработување, самовработување, како и развој на претприемништвото и долгорочен економски раст“.
Македонија
Цените повторно растат, а Владата реши да ги покачи платите само на функционерите, велат од СДСМ

Македонија повторно се соочува со огромен раст на цените и инфлацијата, а Владата реши да ги покачи платите на функционерите. За работниците и граѓаните, повторно нема ништо. Според последните податоци од Државниот завод за статистика, годишната инфлација во мај 2025 изнесува 3,3%, што е скок во споредба со април, кога беше 2,6%. Дополнително, месечната инфлација од 1,5% е највисока оваа година, велат од СДСМ.
„Ова значи едно, животот е сѐ поскап, а власта нема ниту план, ниту капацитет да го заштити стандардот на граѓаните. Но, секако, има добар план да си ги покачува сопствените плати.
СДСМ повеќепати предупредуваше: цените растат и ќе продолжат да растат ако не се преземат мерките кои ги понудивме. Мицкоски се обидува да ги убеди граѓаните дека платите им растеле, но факт е дека единствено растат платите на неговите во Владата и институциите, додека народот едвај преживува“.
Оваа влада, додаваат од опозициската партија, нема економска визија, нема стратегија и нема емпатија. Оваа влада, според СДСМ, има само лични интереси и работи само за себе, и за никој друг.
СДСМ бара итна интервенција, конкретни мерки за заштита на стандардот, а не како што велат, лажни ветувања и манипулации.
„Граѓаните не може повеќе да бидат жртви на неспособноста и ароганцијата на оваа власт“.
Македонија
Без струја делови од неколку скопски општини

Од ЕВН Македонија АД известуваат дека поради технички зафати во електродистрибутивната мрежа денеска ( Вторник ) без електрична енергија ќе останат:
· во период од 09.00 до 10.00 часот, корисниците од ул. 20 во С.Бразда ( општина Чучер Сандево )
· во период од 09.00 до 12.00 часот,корисниците од ул 10 и дел од ул.134. ( општина Сопиште )
· од 09.00 до 14.00 часот, дел од корисниците на ул.Иван Цанкар. ( општина Карпош)
· од 11.30 до 15.30 часот, дел од корисниците на ул.101 во село Волково( општина Ѓорче Петров )
· и од 12.00 до 15.00 часот, корисниците околу ресторан Теферич и дел од ул.Мариовска( општина Кисела Вода )