Сиднеј 2015 година ја дочека со спектакуларен огномет над заливот и така во среда ја започна низата спектакуларни прослави низ целата планета, оставајќи ги настрана терористичките закани во градот кој се’ уште е во неверица по неодамнешната заложничка драма.

Во Сиднеј повеќе од милиони луѓе учествуваа во дочекот на новата година во овој најголем австралиски во чиј центар на 15-ти декември налудничав исламски екстремист со насилно минато држеше повеќе часови во заложништво триесетина лица во кафуле.

„Ќе го прославиме фактот дека сме мултикултурно и складно општество, но ќе го имаме на ум она што се случи“, рече градоначалникот на Сиднеј, Кловер Мур, алудирајќи на споменатиот инцидент во кој беа убиени двајца заложници и напаѓачот.

И покрај зголемениот степен на терористичка закана, огнометите минаа без инциденти, Небото на Сиднеј во полноќ го осветли целата палета од бои, а ракетите се испукуваа од прочуената Опера и во форма на слапови паѓаа од Хербург Бриџ.

Доаѓањето на новата година според христијанскиот календар во Хонгконг ќе се одбележи со пиротехнички средства кои осум минути ќе ги осветлуваат облакодерите, симболите на оваа некогашна британска колонија. Во кинеската престолнина Пекинг, во центарот на прославата во олимпискиот пар ќе биде кандидатурата на градот за Зимските олимписки игри во 2022 година, со учество на многу спортисти и пијанистот Ланг Ланг.

Во Јапонија низ најпознатото светилиште Меиџи Џинг во Токио во следните три дена ќе минат околу три милиона луѓе.

Во Индонезија пред новата година ќе биде организирано бдеење со свеќи во Сурабаја, од каде што полета авионот на „AirAsia“ со 162 патници и членови на екипажот кој се урна во морето. Покрај трагедијата, земја ја погодија и големи поплави па откажана е прославата на новата година.

Во Берлин американската ѕвезда Дејвид Хаселхоф ќе учествува на големиот концерт на отворено пред Бранденбуршката порта, каде што во 1989 година беше одржан прочуениот концерт во близина на Берлинскиот ѕид кој само што беше урнат и го означи обединувањето на тогаш поделената Германија.

Во Париз на Елисејските полиња првпат ќе се одржи голем визуелен спектакл на кој на Триумфалната капија ќе се проектира видео за париската умешноста на живеењето во кое темата за зачувување на природната околина ќе има централно место. Париз, инаку, во 2015 година ќе биде домаќин на меѓународниот самит за климата.

Во Велика Британија, на брегот на реката Темза во Лондон ќе се одржи јавен настап со употреба на пиротехнички средства, но со плаќање на влезници, што е образложено со јавната сигурност, откако минатите години се создаваа големи гужви.

Во Рио де Жанеиро на славната плажа Копакабана се очекуваат повеќе од два милиона луѓе коишто во прославата ќе ги воведе поглаварот на Римокатоличката црква, папата Франциск со видео порака снимена во Ватикан, по што ќе започне и прочуениот огномет со кој воедно ќе бидат прославени 450 години од основањето на градот.

Во Њујорк се проценува дека околу милион луѓе на Тајмс Сквер ќе го следат традиционалното спуштање на кристалната топка покрај настапот на, меѓу другите, поп ѕвездата Тејлор Свифт./крај/мф/сн

Извор: Макфакс