Македонија
(Видео) Јанакиевски: Животните што се хранат од медицинскиот отпад од македонските депонии се поголема закана од фабриката за преработка
По реакциите во врска со највата за изградба на фабрика за преработка на медицински отпад на земјиштето во дворот на поранешната фабрика „Металски завод – Тито“, „Макфакс“ дознава дека инвеститорот им ветил на газдите на околните фирми дека ќе ја одложи или ќе ја дислоцира изградбата. Сопственикот на „Екоклуб“ ДООЕЛ Битола, Сашо Јанакиевски, кој заедно со партнер од Германија требал да почне со изградба на погонот за преработка на медицински отпад вели дека се откажува под притисок на соседните фирми, но, сепак, за иднината на изградбата треба да реши компанијата од Германија. Тој тврди дека нема никаква опасност за околината од оваа инвестиција и дека депониите на кои се хранат животни се многу поголема закана за здравјето на луѓето.
„Не ми е јасно зошто се крена толкав прав во врска со изградбата на погонот за преработка на медицински отпад. Тоа е сосема безопасно за околината. Ова го тврдам најодговорно како компанија што опстојува од 1990 година. Ние постојано правиме проверки во акредитирани лабаратории под надзор на инспекторите од Министерството за животна средина. Станува збор за стерилизација и на сечкање на отпадот и тоа не е никаков загадувач“, вели Јанакијевски.
Според него, ѓпекулациите дека тука може да се преработува увезен ризичен отпад се сосема неточни бидејќи според сите закони и конвенции Македонија не смее да увезува отпад. Големите стравувања на граѓаните поради актуелниот проблем со загадениот воздух во овој случај според Јанакиевски не се оправдани.
„Има два вида на преработка на медицискиот отпад, со согорување и со стерилизација. Постапката со согорување одамна не се практикува, додека оваа со стерилизација е утврдено дека е сосема безопасна за околината. Тоа го потврдуваат компетентни лица од универзитетите. Во оваа постапка се користи струја и вода, и нема никакви последици врз здравјето на луѓето. Кај нас медицинскиот отпад е можеби единствен за кој може да се каже дека системски се менаџира, односно сите амбуланти и ординации се влезени во систем кој е под контрола на тоа каде и како се изнесува отпадот“, вели Јанакиевски.
Што се однесува до инсустрискиот и останатиот отпад во Македонија, тој вели дека тој и натаму не се менаџира организирано и дека треба да се работи на оваа проблематика.
Минатата недела уплашени од опасноста и штетните последици од ваква фабрика во нивна близина, сопствениците на околните фирми потпишуваа петиција за да се стопира оваа изградба.
Општина Гази Баба дозволата ја издала во 2014 година и е потпишана од тогашниот градоначалник Тони Трајковски. За изградбата се чекало досега за да се затвори финансиката конструкција.
Инвеститор е фирмата „Екоклуб“ ДООЕЛ Битола, чија основна дејност е манџирање со отпад од 1990 година. „Екоклуб“ има договор за соработка со „Дрисла“ за вршење услоги на преработка на опасен медицински отпад.
Инспекцискиот надзор од Министерството за животна средина е извршен врз основа на Законот за животна средина член 36, составен во ТДС. КУ „Екоклуб“ – Битола подружница Скопје бул„Јане Сандански“ бр. 71А/А45 Скопје, Аеродром во март годинава во 12 часот. Предметот на надзор се однесувал на Емисија на штетни гасови при термички третман на медицински отпад со автоклавирање (стерилизација) во кругот на МЗТ КО Маџари – Гази Баба Скопје.
„ТДС ‘Екоклуб’ ДООЕЛ Битола – подружница Скопје Автоклав за дезинфекција на медицински отпад, во кругот на МЗТ- Скопје, постапиле по решението државен инспекторат за животна средина бр. 11-46 од 6.02.2018 година на 9.02.2018 година, извршиле мерење на концентрации на загадувачки супстанци од емитер (вентилациски испуст) на 23.02.2018 од процесот на дезинфекција и пресување на медицински отпад со помош на електрична енергија и вода на температура од 160 степени Целзиусови и притисок на пареа од 5 бариили 0,5 мегапаскали (?). Мерењето е извршено од компетентна лабораторија при што е изготвен лабораториски извештај од тестирање“, пишува во записникот.
Според известувањата од лабораториите од затекнатата состојба се гледа дека не е констатирана штетност, односно сите емитувања на штетни материи се многу пониски од алармантните референци за опасност.
Сепак, овие не беа доволни да ги смират оние што се во непосредна близина на локацијата одредена за оваа градба.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Мисајловски во работна посета на САД на средби во Пентагон
Министерот за одбрана, Владо Мисајловски, заедно со началникот на Генералштабот на Армијата, генерал-мајор Сашко Лафчиски, ја предводи македонската делегација, која од денес е во работна посета на Соединетите Американски Држави.
Повод на посетата се годишните билатералните одбранбени консултации меѓу двете земји.
За време на посетата, министерот Мисајловски ќе оствари средби со високи официјални претставници на Пентагон и вооружените сили на САД.
Билатералните консултации на експертските тимови на Пентагон и на Министерството за одбрана се во насока на продлабочување на сојузничката одбранбена соработка помеѓу двете земји, која се одвива преку континуираните програми за поддршка на одбранбените реформи, процесот на модернизација на македонската Армија, заеднички обуки и вежби.
САД се наш стратешки партнер, кои од 1996 година континуирано ја поддржуваат македонската одбрана во развојот на капацитетите на нашата Армијата, соопштуваат од Министерството.
Македонија
Трипуновски: Македонија домаќин на 18-тиот годишен состанок на министрите за земјоделство, заедно ја подобруваме регионалната соработка
Министерот за земјоделство Цветан Трипуновски денеска од 18-тиот годишен работен состанок на министрите за земјоделство од Југоисточна Европа порача дека тој е одлична можност министрите меѓусебно да се запознаат и да разменат мислења, идеи и прашања кои што се од областа на земјоделството, руралниот развој, па и пошироко.
„Согласно Агендата денеска ќе опфатиме многу важни теми, анализи од повеќе аспекти, додека на крајот од настанот ќе се извлече еден генерален заклучок од дискусиите со што ќе се усвои една Заедничка декларација.
Со оваа Декларација ќе ја потврдиме заедничката решеност да се надминат сите билатерални и мултилатерални конфликти поврзани со слободното движење на стоки, услуги, луѓе и капитал поврзани со храната и земјоделството. Сите поврзани прашања ќе се решаваат со добра волја и дух на солидарност, и нормално добрососедски односи.
Ќе ја продолжиме регионалната соработка, меѓусебната размена на информации и взаемна помош како регион“, нагласи Трипуновски.
Со Декларацијата, како што појасни ќе биде изразена силната решеност за креирање политики и национални акциски планови за постигнување на национална и регионална безбедност на храна и стратешка автономија во отворената економија за обезбедување одржливо и конкурентно производство на храна достапна за населението од целиот овој регион.
Македонија
„Секој што се однесува неморално и неетички ќе биде санкциониран“, најави Мицкоски и очекува почитување на договореното за цените
Премиерот Христијан Мицкоски очекува почитување на договореното за намалување на цените на производите а секој што се однесува спротивно на тоа, како што најави, ќе биде санкциониран.
„Очекувам тоа што е договорено да биде и почитувано. Мерката треба да стартува денеска и очекувам намалување од најмалку 10 проценти“ рече Мицкоски, во однос на стапувањето во сила на ограничените профитни маржи за 73 прехранбени производи од есенската потрошувачка кошница.
Во врска со информациите дека дел од маркетите ги покачиле цените неколку денови пред усвојување на оваа есенска кошничка изјави дека секој кој се однесувал неморално и неетички ќе биде санкциониран.
„Апсолутно, секој оној којшто се однесува шпекулативно и неморално и неетички ќе биде санкциониран“, дециден е Мицкоски.
„Во периодот што следи ќе продолжиме да ја ажурираме оваа листа во зависност од потребите на граѓаните. Производите не се резултат на шпекулативна мерка, туку се резултат на анализа и теренски анкети водени со граѓаните кои производи можеби се најкористени од граѓаните, така ќе биде и пред новогодишните празници, така ќе биде и напролет, цело време така ќе функционираме. Целта ни е да го олесниме животот на граѓаните и да ја намалиме цената на производите“, додаде Мицкоски.
Околу промените на раководството во Државниот пазарен инспекторат (ДПИ), каде се уште е директор од претходната власт, Мицкоски посочи дека ќе има промени.
„Не брзаме со овие кадровски промени за да не бидеме под критика на јавноста дека партизираме, итн. чекориме многу внимателно, сакаме да ги почитуваме сите закони за да не немаме после илјадници тужби и милиони пари на народот да се слеваат во приватни џебови и затоа внимателно чекориме во тој процес. Мислам дека набргу од денеска и таа работа ќе биде заваршена, ќе дојде ново раководство во ДПИ“, кажа Мицкоски.