Спорт
Марка за Македонецот: Димитриевски игра во елитата, оди на работа со метро
Шпанска „Марка“ пред дербито на Мадрид помеѓу Реал Мадрид и „малиот“ Рајо Валјекано направи интервју со македонскиот голман на Рајо, Столе Димитриевски, посочувајќи ја неговата скромност и покрај тоа што игра во една од најсилните европски лиги.
Димитр…

Шпанска „Марка“ пред дербито на Мадрид помеѓу Реал Мадрид и „малиот“ Рајо Валјекано направи интервју со македонскиот голман на Рајо, Столе Димитриевски, посочувајќи ја неговата скромност и покрај тоа што игра во една од најсилните европски лиги.
Димитриевски, кој е фудбалер на Гимнастик Тарагона, но настапува како позајмен фудбалер во клубот од предградието на Мадрид, продолжува да оди на работа со метро.
„Тоа е најудобен начин да стигнеш до центарот. Во Мадрид функционира одлично и имам посебна картичка која ја купив уште пред година и пол. Ми се допаѓа сѐ во овој град бидејќи секогаш има нешто поинаку – фудбал, кошарка, најдобрите концерти, дури Копа Либертадорес“, вели Димитриевски.

Кумановецот живее во близина на тренинг-комплексот на Рајо и вели дека му се допаѓа предградието.
„Го сакам! Стадионот, луѓето, Валјекас е навистина добар за мене. Навивачите се секогаш со својот тим и уживаат во добрите моменти и тука се кога ви е тешко, што е реткост за сите тимови“, објаснува Димитриевски.
Рајо ќе се обиде да извлече шокантен резултат против Реал Мадрид на „Сантијаго Бернабеу“, каде што што има само една победа во јануари 1996 година и Димитриевски вели дека е посебна чест да се игра на тој стадион, поради необична причина.
„Тоа е еден од најдобрите стадиони на светот. За Македонец како мене, е уште попосебен стадион бидејќи тука мојот соиграч од репрезентацијата, Горан Пандев ја освои титулата од Лигата на шампионите со Интер. Да се биде тука е вистинско задоволство. Се надевам дека е време за втора победа над Реал, и ако се случи тоа ќе биде вистинска забава. Тие можеби не се во добра форма, но Мадрид е Мадрид“, вели Димитриевски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Галагер се враќа во Премиер лигата?
Конор Галагер би можел да се врати во Премиер лигата оваа зима
Како што откри Матео Морето, Астон Вила тргна во офанзива за неговиот потпис, бидејќи Англичанецот, не е во преден план кај тренерот на Атлетико Мадрид, Диего Симеоне.
Галагер нема ништо против враќање во Премиер лигата, Манчестер Јунајтед и Њукасл исто така покажале интерес, но само од Астон Вила покажале конкретен интерес.
Унај Емери не го доби засилувањето што го сакаше во Харви Елиот, кој ќе се врати во Ливерпул, па затоа Шпанецот сака нов играч од средниот ред, со различен профил.
Галагер има искуство во Премиер лигата, играше за Кристал Палас и Челзи, а претходно во кариерата беше дел од Чарлтон, Свонси, Вест Бромвич Албион.
Пред да замине за Шпанија, одигра 136 натпревари во Премиер лигата.
Атлетико Мадрид пред 18 месеци на Челзи му плати 42 милиони евра за Галагер. Се претпоставува дека „јорганџиите“, за него бараат околу 40 милиони евра.
Спорт
Алушовски го презеде Еурофарм Пелистер
Еурофарм Пелистер има нов тренер. На местото на Рубе Гарабаја, екипата до крајот на сеозната ќе ја предводи, поранешниот играч на овој клуб, Стевче Алушовски.
„Нашиот нов почеток во 2026 година е поврзан со добро познато име. Стевче Алушoвски е нов тренер на Еурофарм Пелистер и ќе ја води нашата екипа до крајот на оваа сезона. 53-годишниот тренер по неколку години се враќа во својот матичен клуб, во улога на тренер на шампионот на Македонија. Алушoвски во два наврати водеше клуб од Битола – Пелистер и Еурофарм Работник, а сега го презема тимот на Еурофарм Пелистер.
Нашиот прославен репрезентативец тренерската, како и играчката кариера, ја започна во Битола. Во мак-ракометот ги водеше Вардар 1961 и Охрид, а кратко работеше и во Исланд“. објави клубот на социјалните мрежи.
Новиот тренер првиот собир го закажа за в среда (14 јануари) во 17:00 часот.
Izvor/ facebook.com/hceurofarmpelister
Спорт
Раониќ официјално замина во пензија
Канадскиот тенисер Милош Раониќ (35) одлучи да ја заврши кариерата.
Раониќ, освои осум титули од турнири од пониски категории. Играше во финалето на Вимблдон во 2016 година, а се бореше за титулите на Мастерс турнирите во Синсинати, Индијан Велс, Париз и Торонто.
„Дојде моментот… Се повлекувам од тенисот. Ова е моментот за кој знаете дека еден ден ќе дојде, но некако никогаш не се чувствувате целосно подготвени за него. Тенисот ми беше љубов и опсесија поголемиот дел од мојот живот“, напиша Раониќ.
Негова најдобра година беше 2016 година. Покрај финалето на Вимблдон, каде во полуфиналето беше подобар од Роџер Федерер, тој играше и во полуфиналето на Отвореното првенство на Австралија и на Завршниот Мастерс, финалето на Индијан Велс и ја заврши годината на третото место.
„Мамо, тато, Јелена и Момир, вечно ви сум благодарен што во многу моменти ги ставивте вашите животи настрана за да имам можност да го остварам мојот сон. Ова стана реалност само благодарение на вас. Ништо од ова не би било можно без вашиот постојан напор и емоционалната поддршка што ја вложивте во моите соништа. Колку и да сум среќен што го пронајдов тенисот, тоа бледее во споредба со тоа колку сум среќен што ве имам вас како мои родители, сестра и брат. Се надевам дека ќе ги правам мојата сопруга и син горди секој ден и дека ќе можам да бидам семејство за нив, како што бевте вие за мене“, додаде тој, меѓу другото.
Последен пат играше на Олимписките игри во 2024 година во Париз, каде што загуби од Доминик Кепфер во првото коло.

