Спорт
Харден го стиша џезот, Лилард 22 поени за четвртина, Букер ги уништи Никс (Видео)
На терените во НБА лигата, изминатата ноќ, се одиграа осум натпревари на кои тимовите кои играа на домашен терен забележаа пет победи. Индивидуално блескаа Џејмс Харден, Девин Букер, Расел Вестбрук, Блејк Грифин, Јанис Адетокумбо, Демијан Лилард, Девин…

На терените во НБА лигата, изминатата ноќ, се одиграа осум натпревари на кои тимовите кои играа на домашен терен забележаа пет победи. Индивидуално блескаа Џејмс Харден, Девин Букер, Расел Вестбрук, Блејк Грифин, Јанис Адетокумбо, Демијан Лилард, Девин Херис…
Хјустон во драматичен меч славеа над Јута 102:97 и за прв пат од стартот на сезоната стигнаа до позитивен скор 15 победи и 14 порази. Џејмс Харден го реши мечот со две тројки во самиот финиш. „Брдата“ натпреварот го заврши со 47 поени, шест скока и пет асистенции.
Портланд Трејлблејзерс слева во Лос Анџелес кај Клиперси 131:127. Клучен човек за победата беше Демијан Лилард кој постигна 39 поени, 22 од нив тој постигнал во второто полувреме. Покрај Лилард се истакнаа уште и Си-Џеј Мекалум со 27 поени, односно Јусуф Нукриќ со 20 поени.
На спротивната страна најдобар учинок имаше Девин Херис кој уфрли 39 поени.
Феникс Санс победија во Њујорк 128:110 и го запишаа третиот триумф во низа. Санс имаат девет победи и 23 порази. Девин Букер го предводеше својот тим со 38 поени, а ти-Џеј Ворен забележа 26 поени.
Драматичен меч одиграа Детроит Пистонс и Милвоки Бакс. Блејк Грифин во финишот промаши два пати за три поени, поради што Милвоки славеа 104:107. Грифин го забележа првиот трипл-дабл во сезоната (19 поени, 10 скока и 11 асистенции). „Фрик Грик“ Адетокумбо ги предводеше Бакс со 32 поени, 12 скока и пет асистенции.
Оклахома Тандер според очекувањата убедливо ги поразија Чикаго Булс 121:96. Расел Вестбрук стигна до 111. трипл-дабл во кариерата (13 поени, 16 скока, 11 асистенции). Рас беше дел од инцидентот откако влезе во еден дуел со Крис Дан.
Голден стејт Вориорс лесно се справија со Мемфис Гризлис 110:93. На овој натпревар Стеф Кари ја мина границата од 15.000 поени во кариерата. Кари забележа 20 поени и седум скока.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Пјастри го освои спринтот во Катар пред Расел и Норис
Оскар Пјастри го освои спринтот на патеката „Лосаил“, во пресрет на утрешната Голема награда на Катар. Австралиецот оствари хет-трик во спринтот на оваа патека, победи и претходните две сезони. Пјатри, до победата дојде пред возачот на Мерцедес, Џорџ Расел и тимскиот колега, Ландо Норис.
Апсолутно никакви возбудувања не донсе спринтот во Катар. Првите тројца ги задржаа своите позиции, напредуваше, што беше и очекуано, Макс Ферстапен од шестото на четвртото место.
Во текот на трката, Андреа Кими Антонели успеа да ја поправи својата позиција, стартуваше седми, заврши на шестото место.
Бодови покрај најдобрите тројца, односно Ферстапен и Цунода, освоија и Антонели (Мерцедес), Фернандо Алонсо (Астон Мартин) и Карлос Саинц (Вуилијамс).
Вечерва од 19.30 часот, на програмата се квалификациите за главната трка. Големата награда на Катар се вози утре од 17 часот.
Во генералниот пласман води Норис со 396 поени, има 22 поени повеќе од Пјастри и 25 од Ферстапен. Доколу Норис утре победи ќе ја освои шампионската титула.
Foto/ EPA
Спорт
Уапсен поранешниот Ф1 возач, Адријан Зутил
Поранешниот член на караванот на Формула 1, Адриан Зутил, беше уапсен во Штутгарт.
Тој беше уапсен под сомнение за учество во измама и проневера, по меѓународна операција.
Германецот не ги коментираше овие наводи.
Зутил се натпреваруваше во Формула 1 од 2007 до 2014 година, но не беше многу успешен, бидејќи никогаш не успеа да се искачи на подиумот.
Сепак, тој го држи рекордот по бројот на стартови, вкупно 128, во кои не успеа да стигне до едно од првите три места.
Спорт
Вработена го оштетила Челзи за 230.000 евра
Поранешна долгогодишна вработена во Челзи се изјасни за виновна за измама на клубот за повеќе од 200.000 фунти (околу 230.000 евра) во период од четири години.
39-годишната Клер Волш, која работеla како помошничка благајничка, ја злоупотребила својата позиција за лична корист и сега се соочува со затворска казна до 10 години.
Волш се појави пред Судот за прекршоци во Вестминстер, каде што се изјасни за виновна по обвинението за измама со злоупотреба на службената должност во периодот јуни 2019 и октомври 2023 година.
Судијата Киран О’Донел ѝ соопштил дека обемот на измамата е надвор од овластувањата на Судот за прекршоци за изрекување казни.
Волш работи за Челзи повеќе од 20 години. Таа ќе биде осудена во Крунскиот суд во Ајлворт на датум што ќе биде дополнително одреден.
Клубот откри финансиски неправилности на почетокот на 2022 година и веднаш го проследи случајот до полицијата.

