Македонија
(Видео) Спиревска: Јас лично ќе бидам отпорна на политички влијанија во Судскиот совет
Утрово, во Собранието, пред претседателот на законодавниот дом, Талат Џафери, свечена заклетва дека ќе работат според законите, Уставот и меѓународните договори дадоа новоизбраните членови на Судскиот совет.
Судијката од кривичниот суд во Скопје, Гордана Спиревска, даде изјава во име на сите избрани членови. „Ние судиите сме независни. Ќе бидеме отпорни на политички влијанија. Јас лично ќе бидам отпорна на политички влијанија“, рече Споревска. Новата членка на Судскиот совет рече дека професионалноста и стручноста, а не роднинските врски, ќе бидат клучни при изборот и унапредувањето на судиите.
За членови на Судскиот совет беа избрани: Киро Здравев од Врховниот суд, за кого сè уште има постапка за утврдување одговрност пред Судскиот совет, судијката од кривичниот суд, Гордана Спиревска, Зоран Теофиловски, зет од сестра на досегашната членка на Советот, Александра Зафировска, која го брифира Груевски за изборот на судии и поранешен заменик-министер за правда. Во изборот влегоа Лорета Ѓоргиева од Струмица од апелационото подрачје Штип и младиот Мирсад Суроји, кој е избран за член на Судскиот совет од редот на судиите припадници на сите заедници кои не се мнозинство.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Крмов: Донесување посебен закон и финансирање државни центри за лица со попреченост
Денес во Штип, пратеникот од Левица и носител на листа од ИЕ3, Борислав Крмов, оствари средби со претставници и членови на неколку здруженија на лица со попреченост.
„Целта е да ја претставиме програмата на Левица за претстојните Парламентарни избори, 2024. Нашата Програма и од меѓународниот фактор е оценета како најинклузивна социјална програма. Бидејќи зборуваме поопширно за лицата со попреченост, ние имаме во Програмата: донесување на посебен закон; финансирање на државни центри за лицата со попреченост; зголемување на фондот на техничари, на луѓе коишто помагаат во домовите; пристапни рампи секаде – сè во интерес на подобрување на нивниот квалитет на живот“, истакна пратеникот Крмов.
Претставниците на здруженијата ја поздравија Програмата на Левица.
„Мило ми е што се среќавам со пратеникот Крмов и со членови на Партијата Левица. Се надевам дека ќе оствариме добра соработка во иднина и верувам дека сите наши идеи, планови, размислувања, предлози, ќе бидат преточени во закон во Парламентот, со поддршка на пратениците од Левица“, истакна на денешната средба, претседателот на Здружението на слепи лица, Драги Витанов.
Во текот на денешниот ден, пратеникот Крмов оствари средба и со претседателот на Здружението „Сплотени срца“, Зоран Мијалков.
Македонија
Бојмацалиев: Одделенијата за внатрешни работи Неготино и Кавадарци подготвени за изборите на 8 мај
Дополнителниот заменик министер за внатрешни работи Митко Бојмацалиев заедно со директорот на БЈБ, Сашо Тасевски, беа во работна посета на подрачјето на Секторот за внатрешни работи Велес каде што остварија работни средби со раководствата на Одделенијата за внатрешни работи во Неготино и во Кавадарци во рамки на серијата посети во сите сектори ширум земјава.
„Од страна на раководството на овие организациони единици бев брифиран за постигнатите резултати изминативе три месеци од оваа година ја оценивме безбедносната состојба поволна”, рече Бојмацалиев. Притоа, тој истакна дека колегите се подготвени за Претседателските и Парламентарните избори 2024, во насока на професионално извршување на своите надлежности.
„Дозволете да им честитам на колегите од СВР Велес за одличната организација и координираност во врска со првиот круг од Претседателските избори 2024 година со уверување дека и во вториот круг од Претседателските и парламентарните избори што ќе се одржи на 8 мај во среда ќе продолжат со професионално извршување на полициските работни ангажмани со цел гарантирање на демократски Изборен процес. Уште еднаш македонската полиција да покаже и докаже на дело дека е тука за граѓаните слободно да го искажат својот глас, без притисоци и уцени од било кого. Во одредени Сектори според сознанијата на Оперативниот штаб на МВР ќе биде направена реорганизација со зголемено присуство на полицијата на тие места на денот на изборите”, истакна Бојмацалиев.
Притоа, тој апелираше граѓаните доколку имаат било какви закани за нарушување на изборниот процес да пријават.
Во оваа прилика, Бојмацалиев истакна дека финансиите за бонус плата се обезбедени и ќе бидат исплатени по завршување на техничката Влада, во износ од 36000 денари. Воедно, Бојмацалиев потенцираше дека секоја година со покачување на минималната плата, се покачуваше и платата во полицијата, годинава не е покачена заради распишаните избори, но во кординациија со Македонскиот полициски синдикат, потпишани се сите документи, кога има законска можност платата на вработените во полиција ќе се покачи за 10%, односно со тоа покачување, и покачувањата од периодот 2017 до 2023 од 35%, вкупно покачувањето ќе биде 45%.
Македонија
Пуштен во употреба новиот парк на булеварот „Февруарски поход“ во Аеродром
Во пресрет на големиот христијански празник Велигден, со интонирање на македонската химна и подигнување на македонското знаме, денеска официјално беше пуштен во употреба новиот парк лоциран на булеварот „Февруарски поход“ во Општина Аеродром.
На денешниот настан присуствуваше градоначалникот на Општина Аеродром, кој заедно со претседателот на советот Дејан Митески, извидниците и дечињата од детската градинка „Буба Мара“, го означија крајот на изведбата на еден важен проект реализиран од страна на општинското јавно претпријатие за комунални дејности.
Работните активности опфатија целосно хортикултурно и партерно уредување, поставување на нова урбана опрема, како и јарбол со македонското знаме.