Регион
Хрват откри дека неговата тешта изгубила 100.000 евра поради секта
![](https://makfax.com.mk/wp-content/uploads/2018/12/Sekta.jpeg)
Еден човек од Пула за „Глас Истре“ кажа неверојатна приказна за неговата тешта која, поради секта, изгубила многу семејни пари.
Како што кажува анонимниот човек, неписмената старица со години се задолжувала под влијание на една молитвена заедница, на која ѝ ги донирала сите тие средства и сега никој не може да ја одврати од понатамошно трошење пари на нив. Тој рече дека се работи за група сомнителни луѓе кои тврдат дека зборуваат со Исус, отстрануваат магии, паѓаат во транс и слично.
„Мојата тешта со години се задолжуваше, плаќаше симнување магии, некаквиси вештерки и волшебници. На крајот го продаде семејното земјиште, а на подароци, патувања и автомобили, што им ги донира на членовите на таа молитвена заедница, потроши околу 100.000 евра. Мојата жена и јас живееме во страв. Утре би можело да ѝ текне да им го подари и остатокот од имотот“, вели нејзиниот зет и додава дека она што го прави споменатата молитвена заедница нема никаква врска со верата, туку само со заработката.
Инцидентот бил пријавен во полиција, а соговорникот вели дека оваа госпоѓа не е единствената жртва на оваа молитвена заедница.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Регион
Фрлила новороденче во бунар: поднесена пријава против 21-годишна мајка од Хрватска
![](https://makfax.com.mk/wp-content/uploads/2020/02/beba_noge.jpg)
Против мајката, која во јули минатата година го фрли своето новороденче во бунар во Перушиќ, е поднесено обвинение, извести денеска Жупаниското државно обвинителство во Карловац.
„По спроведувањето на истрага, Жупаниското државно обвинителство во Карловац поднесе обвинителен акт против хрватски државјанин пред Општинскиот суд во Госпиќ за кривично дело убиство од небрежност од член 112, став 2 од Кривичниот законик/11.
Обвинението ја товари 21-годишната, обвинета дека на 30.7.2023 година на подрачјето на општина Перушиќ поради состојба на тежок психички стрес поради бременост и породување го сторила горенаведеното кривично дело на штета на нејзиното новородено дете“, се наведува во соопштението, пренесува „Вечерњи“.
Регион
Вучиќ: На 5.800 метри забележавме албански дронови, ги извидувале позициите на српската војска
![](https://makfax.com.mk/wp-content/uploads/2020/03/vucik.png)
Српскиот претседател Александар Вучиќ вчера се обрати пред медиумите во касарната „Бањица 2“ во Белград по завршувањето на седницата на проширениот колегиум на началникот на Генералштабот.
Тој предупреди дека буквално од сите правци се засилени воздушните извидувачки операции кон Србија.
Но, тој изјави дека границата не е помината. Рече дека на 5 и 20 јуни биле забележани албански беспилотни летала „Бајрактар“ како полетуваат од Ѓаковица, град во западно Косово.
Тој, како што пренесуваат медиумите во регионот, додал дека овие летала достигнале височина од речиси 5.800 метри „со намера да ги извидат позициите на српската војска“.
Коментирајќи ги заклучоците од седницата, тој рече дека се „модернизира и зголемува опремата и оружјето“, пренесува „Нова.рс“.
Тој призна дека не е задоволен од пополнувањето на единиците на српската армија „на северот на Србија, особено во Белград и Војводина“.
„Имаме многу предизвици. Во регионот се собрани големи сили, од значајни сили во земјите од регионот до огромен број членки на НАТО за кои сме убедени дека нема да бидат искористени против српскиот народ или Србија на кој било начин“, рече тој. Заклучи дека Србија мора да биде многу појасна во својата порака за одвраќање на секој потенцијален агресор.
Регион
Земјотрес ја погоди Грција
![](https://makfax.com.mk/wp-content/uploads/2023/02/zemjotres-3.jpg)
Земјотрес со јачина од 3,8 степени според Рихтеровата скала утрово ја погоди Грција, јавува ЕМСЦ.
Земјотресот е регистриран на Крит, на 63 километри од Ираклион, на длабочина од 14 километри.
Засега нема информации за повредени или материјална штета.
Земјотресот е регистриран во 9.34 часот по локално време.