Спорт
Демант од Атлетико: Лукас нема да оди во Баерн Минхен
Фудбалскиот клуб Атлетико Мадрид, ги демантира информациите на весникот „Марка“, дека играчот на овој клуб, Лукас Ернандез ќе се пресели во Баерн Минхен за сума од 80 милиони евра.
„Марка“, обајви дека 22-годишниот фудбалер, кој со Атлетико има договор…
Фудбалскиот клуб Атлетико Мадрид, ги демантира информациите на весникот „Марка“, дека играчот на овој клуб, Лукас Ернандез ќе се пресели во Баерн Минхен за сума од 80 милиони евра.
„Марка“, обајви дека 22-годишниот фудбалер, кој со Атлетико има договор до 2024 година, се согласил да потпише четиригодишен договор со Баерн. Исто така, Баварците му соопштиле на фудбалерот дека ќе ја платат клаузулата за откуп.
Според шпанскиот закон, сите фудбалери во своите договори мора да имаат клаузули за откуп за да можат и сами да си откупат договорите. Таково нешто се случи најпрвин со трансферот на Вотоло од Севилја во Атлетико и на Нејмар од Барселона во Пари Сен Жермен.
„По повод приказната која ја објави ‘Марка’ дека наводно Баерн Минхен постигнал договор со нашиот играч Лукас Ернандез и дека тој во јануарскиот преоден рок ќе г напушти клубот, Атлетико Мадрид сака да изјави дека Лукас ги демантираше тие наводи, односно дека постои било каков договор помеѓу него и Баерн Михен. Тој нема намера да го напушти клубот. Исто така одличните односи што ги имаме со Баерн го натераа германскиот клуб да демантира дека воопшто имало преговори околу трансферот“, стои во соопштениет објавено на официјалната страница на Атлетико Мадрид.
Лукас Ернандес е продукт на фудбалската академија на Атлетико, а за првиот тим дебитирал во 2014 година. Лукас беше дел од стартната постава на Франција која во Русија стана светски првак.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Кристал Палс го згази Манчестер јунајтед
Фудбалерите на Кристал Палас го декласираа Манчестер јунајтед со 4:0, во последниот натпревар од 36. коло на Премиер лигата. удбалерите на Кристал Палас ја забележаа четвртата победа на последните пет натпревари во Премиер лигата.
Од првата минута забележливо беше дека играчите на Манчестер јунајтед не се „во натпреварот“. Како изгледаа на теренот можат да бида задоволни со поразот од 4:0.
Дебаклот го најави Мајкл Олисе во 12.минута. .
Истиот играч десет минути подоцна имаше уште две убави шанси, а во 40. Жан Филип Матета ја удвои предноста на домашните.
На почетокот на вториот му беше поништен гол на Јунајтед, а потоа започнаа да се редат шансите пред голот на Андре Онана.
Еберечи Езе, Тајрик Мичел и Вил Хјуз, не успеаја да реализираат, но во 58. минута споменатиот Мичел зголеми на 3:0.
Точка поразот на Јунајтед стави играчот кој ја започна серијата, Мајкл Олисе во 66. минута. До крајот на мечот Одсон Едуард ја погоди стативата.
Палас е 14. на табелата со 43 бодови, додека Јунајтед е осми со 54 бодови, исто колку и седмопласираниот Челзи.
Јунајтед во следното коло ќе го пречека Арсенал, додека Палас ќе гостува кај Вулверхемптон.
Спорт
Бјелица доби отказ
Фудбалскиот клуб Унион Берлин соопшти дека му ја врачил оставката на хрватскиот тренер Ненад Бјелица по серијата лоши резултати во Бундес лигата.
Челниците на Унион решија да го заменат Бјелица по поразот од Бохум (3:4) во 32. коло од Бундес лигата.
Хрватскиот тренер го презеде тимот од Берлин во ноември минатата година, откако беше отпуштен oд Урс Фишер.
Унион Берлин моментално е на 15. место на табелата во германскиот шампионат со 30 бодови.
Во соопштението на клубот се наведува дека тимот до крајот на сезоната ќе го води Марко Гроте.
„Со нетрпение го очекувам предизвикот и убеден сум дека ќе успееме да избегнеме испаѓање од Бундеслигата. Добро го познавам нашиот тим и знам дека сме способни за опстанок“, изјави Гроте, а пренесува официјалниот сајт на клубот.
До крајот на сезоната во Бундеслигата, Унион следната сабота му гостува на Келн, а потоа на 18 мај на домашен терен го пречекува Фрајбург.
Спорт
Баркли: Јокиќ е најдобриот странец на сите времиња во НБА
Легендата на НБА, Чарлс Баркли многу го почитува центарот на Денвер, Никола Јокиќ.
И додека се очекува српскиот кошаркар по третпат наскоро да биде прогласен за МВП во НБА караванот, Баркли го пофали Јокиќ како гостин во подкастот на Шенон Шарп.
Долго време се сметаше дека Германецот Дирк Новицки е најдобар странец во НБА, но Баркли мисли поинаку.
„До доаѓањето на Јокиќ, Дирк беше најдобриот странец во историјата на НБА“, вели Баркли.
Инаку, Новицки, кој доживеа ѕвездени моменти со Далас, има по една титула и едно МВП признание.