Спорт
Солскјер ги враќа насмевките на „Олд Трафорд“: Учев од Фергусон
Новиот менаџер на фудбалерите на Манчестер Јунајтед, Оле Гунар Солскјер, рекол додека секој играч на Манчестер Јунајтед ќе добиел шанса за да покаже дека заслужува место меѓу „црвените ѓаволи“.
Норвежанецот кој како играч мина 11 сезони на „Олд Трафорд…
Новиот менаџер на фудбалерите на Манчестер Јунајтед, Оле Гунар Солскјер, рекол додека секој играч на Манчестер Јунајтед ќе добиел шанса за да покаже дека заслужува место меѓу „црвените ѓаволи“.
Норвежанецот кој како играч мина 11 сезони на „Олд Трафорд“ е именуван за наследник на Жозе Мурињо. Според првичниот договор Солскјер ќе биде тренер на „црвените ѓаволи“ до крајот на оваа сезона.
„Чувствувам дека се вратив дома. Овие неколку дена беа чудни. Знам дека клубот е во потрага по наредниот менаџер, но јас во периодот што следува ќе се трудам да бидам добар, да работам најдобро што знам. Ќе се обидам да направам играчите да уживаат во фудбалот, а се радувам и на нвата средба со навивачите“, изјавил Солскјер за клупската телевизија.
На констатацијата дека е миленик на навивачите, Солскјер рекол:
„Колку долго ќе трае тоа?“
Во наредните 11 дена, пред фудбалерите на Манчестер Јунајтед се четири натпревари.
„Мислам дека тоа нема да биде проблем, бидејќи имаме фантастична група на фудбалери. Располагам со 23-24 фудбалери, сите се квалитетни и сите ќе добијат шанса. Мораме да повторно да ја вратиме навиката да победуваме“.
Норвежанецот како тренер на младинските категории во Јунајтед работеше од 2008 до 2011 година. Во тоа време сер Алекс Фергусон се уште го предводеше првиот тим. Солскејр по 2011 година работеше во Молде, а девет месеци во 2014 година го тренираше Кардиф.
„Го имав најдобриот учител. Феругусон е најдобриот и темел на моето менаџирање е она што тој ме научи. Мечот со Кардиф ќе биде нешто посебно. Добро ги контролирам емоциите, но секако дека е необично што на ваков начин ќе се вратам во Кардиф. Тогаш ми беше чудно кога го предводев Јардиф против Јунајтед, сега ќе бидам на вистинската страна“, заклучил Солскјер.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Васкес ќе го продолжи договорот со Реал
Реал Мадрид речиси сигурно ќе го продолжи договорот со Лукас Васкез.
Реал ги прекина преговорите за нови договори до крајот на сезоната, бидејќи се очекува тимот да играа во финалето на Лигата на шампионите. Тимот оваа сезона ја освои титулата во Примера и игра во полуфиналето на Лигата на шампионите.
На многу играчи им истекуваат договори на крајот од сезоната и тренерот Карло Анчелоти треба да донесе одлука за составот за следната сезона, а како што пренесоа денеска шпанските медиуми, тренерот сака Васкез да остане уште една година.
Фудбалерот и управата сакаат соработката да продолжи, а Васкез се истакна со своите настапи во претходните недели.
Васкез ќе наполни 33 години во јули и е подготвен за 10-та сезона во Реал Мадрид, а двете страни се блиску до договор.
Се очекува Начо Фернандез и Лука Модриќ да го напуштат Сантијаго Бернабеу.
Спорт
Јунајтед три недели ќе биде без Мегваер
Фудбалерот на Манчестер Јунајтед, Хари Мегваер ќе отсуствува три недели поради повреда на мускулот.
Мегваер се повреди на тренинг, има шанса да игра во финалето на ФА Купот, а како што денеска објави „Скај Спортс“, се очекува да биде подготвен за Европското првенство.
Финалето на ФА Купот меѓу бранителот на титулата Манчестер Сити и Манчестер Јунајтед ќе се одигра на 25 мај во Лондон.
Европското првенство е закажано од 14 јуни до 14 јули во Германија.
Тренерот на Јунајтед, Ерик тен Хаг има големи проблеми во последната линија на тимот, бидејќи се повредени Рафаел Варан, Лисандро Мартинес и Виктор Линделоф.
Дефанзивецот Џони Еванс се врати на тренинзите но неизвесно е дали ќе биде во составот за натпреварот вечерашниот напревар Кристал Палас.
Спорт
Тони Надал: Рафа живеe нормално, а Ѓоковиќ е најдобар во историјата затоа што не живее нормален живот
Тони Надал, поранешниот тренер на Рафаел Надал, крена голема прашина со изјави за трката за најдобриот тенисер на сите времиња. Најчесто вујкото на Надал ги омаловажува успесите на Новак Ѓоковиќ.
Искусниот стручњак, кој ја прекина соработката со Надал во 2017 година, изјави дека Новак Ѓоковиќ постигнал се што имал, пред се затоа што за разлика од неговите ривали „не живее нормален живот“.
„Мислам дека Новак Ѓоковиќ беше мотивиран од желбата да напише приказна, да стане најдобар играч во историјата, додека Рафа, од друга страна, секогаш живеел сосема нормален живот. Рафа игра тенис, но живее нормално, јаде, игра фудбал и се занимава со други активности Се сеќавам на еден тренинг кога неговиот менаџер ни кажа дека Рафа не е професионален, а мојот одговор беше дека не ни сакам да биде, туку дека е доволно што дава се од себе кога е на теренот и дека во слободното време може да живее како и секој друг маж“, вели Тони.
Според него, Новак бил далеку повеќе фокусиран на деталите, поради што толку долго е во самиот врв на светскиот тенис.
„За разлика од Рафа, Новак е многу внимателен што јаде, како го поминува слободното време и има сосема поинаква визија од Рафа и Роџер. На крајот, сите тројца сакаа да бидат најдобри досега, а најважното нешто во тоа приказната беше колку се спремни да се жртвуваат“, заклучи искусниот тренер.