Спорт
Ѓоковиќ: Верувам дека луѓето можат да практикуваат телепатија и телекинеза!
Светскиот рекет број 1, Новак Ѓоковиќ во интервју за „Шорт лист“, даде неколку искрени одговори на прашањата околу неговата форма, неговиот стил на живот и промените кои ги направил за да се врати на првото место на АТП листата.
„Падот“ на Ѓоковиќ почн…
Светскиот рекет број 1, Новак Ѓоковиќ во интервју за „Шорт лист“, даде неколку искрени одговори на прашањата околу неговата форма, неговиот стил на живот и промените кои ги направил за да се врати на првото место на АТП листата.
„Падот“ на Ѓоковиќ почна по освојувањето на титулата на Ролан Гарос во 2016, по што дојдоа проблеми со повредите, губење на самодовербата, некои лични проблеми… Но, 2018 може да се опише само како триумфална за Србинот кој се врати со две гренд слем титули и со првото место на АТП листата.
„Поминав низ целосен мрак. Загубив на два турнири во низа во првото коло и ментално се прашував дали сакам воопшто да продолжам со тенисот. Повредата на лактот беше кошмарна – како да ти се приближуваат ѕидовите, а вие се гушите“, објаснува Ѓоковиќ.
Сепак, тој успеа да ја врати силата и со својот режим на исхрана и животен стил, кој го води од 2010 година кога престана да јаде глутен и производи од животинско потекло.
„Не сакам да кажувам дека сум веган, бидејќи луѓето ќе помислат дека сум активист. Живееме во општество каде што лесно се ’лепат’ етикети и тоа е багаж кој потоа морате да го носите со себе. Не сакам да наметнувам на никого ништо, како што не сакам да ми наметнуваат. Единствено знам дека промената на чистата, растителна исхрана ми го промени животот“, вели Ѓоковиќ.
По 2010 година тој секојдневно пие сок од целер, медитира по еден час дневно и вели дека внимава секојдневно да еволуира во подобра човечка личност.
„Верувам дека постои свет кој не е физички и за кој не знаеме многу. Не знаеме за што сме способни и навистина верувам дека можеме да практикуваме телепатија и телекинеза. Сакам да бидам човек кој ќе делува за промените на подобро. Знам дека некои велат дека сум само тенисер и дека ништо не знам за храната, љубовта, медитацијата и духовноста. Но, јас ги охрабрувам луѓето да делуваат и да се истражуваат. Не е важно дали сте успешни во очите на општеството. Моќта е кај вас“, порачува Ѓоковиќ.
“I believe that it is our mission to reach a higher frequency through self-care by exploring and respecting our own avatar, our body and, by doing that, raising the vibration of the planet.”
Novak, meet Noel. Noel, Novak.
https://t.co/5nohS2CGxq via @ShortList
— NiGraber (@audiolympics) December 21, 2018
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Бјелица доби отказ
Фудбалскиот клуб Унион Берлин соопшти дека му ја врачил оставката на хрватскиот тренер Ненад Бјелица по серијата лоши резултати во Бундес лигата.
Челниците на Унион решија да го заменат Бјелица по поразот од Бохум (3:4) во 32. коло од Бундес лигата.
Хрватскиот тренер го презеде тимот од Берлин во ноември минатата година, откако беше отпуштен oд Урс Фишер.
Унион Берлин моментално е на 15. место на табелата во германскиот шампионат со 30 бодови.
Во соопштението на клубот се наведува дека тимот до крајот на сезоната ќе го води Марко Гроте.
„Со нетрпение го очекувам предизвикот и убеден сум дека ќе успееме да избегнеме испаѓање од Бундеслигата. Добро го познавам нашиот тим и знам дека сме способни за опстанок“, изјави Гроте, а пренесува официјалниот сајт на клубот.
До крајот на сезоната во Бундеслигата, Унион следната сабота му гостува на Келн, а потоа на 18 мај на домашен терен го пречекува Фрајбург.
Спорт
Баркли: Јокиќ е најдобриот странец на сите времиња во НБА
Легендата на НБА, Чарлс Баркли многу го почитува центарот на Денвер, Никола Јокиќ.
И додека се очекува српскиот кошаркар по третпат наскоро да биде прогласен за МВП во НБА караванот, Баркли го пофали Јокиќ како гостин во подкастот на Шенон Шарп.
Долго време се сметаше дека Германецот Дирк Новицки е најдобар странец во НБА, но Баркли мисли поинаку.
„До доаѓањето на Јокиќ, Дирк беше најдобриот странец во историјата на НБА“, вели Баркли.
Инаку, Новицки, кој доживеа ѕвездени моменти со Далас, има по една титула и едно МВП признание.
Спорт
Васкес ќе го продолжи договорот со Реал
Реал Мадрид речиси сигурно ќе го продолжи договорот со Лукас Васкез.
Реал ги прекина преговорите за нови договори до крајот на сезоната, бидејќи се очекува тимот да играа во финалето на Лигата на шампионите. Тимот оваа сезона ја освои титулата во Примера и игра во полуфиналето на Лигата на шампионите.
На многу играчи им истекуваат договори на крајот од сезоната и тренерот Карло Анчелоти треба да донесе одлука за составот за следната сезона, а како што пренесоа денеска шпанските медиуми, тренерот сака Васкез да остане уште една година.
Фудбалерот и управата сакаат соработката да продолжи, а Васкез се истакна со своите настапи во претходните недели.
Васкез ќе наполни 33 години во јули и е подготвен за 10-та сезона во Реал Мадрид, а двете страни се блиску до договор.
Се очекува Начо Фернандез и Лука Модриќ да го напуштат Сантијаго Бернабеу.