Спорт
Панатинаикос загуби во исчекување на новиот тренер, Реал сигурен во Минхен!
Панатинаикос додека го чека новиот тренер, Американецот Рик Питино, доживеа незгоден домашен пораз од Армани Милано од 83:86, продолжувајќи ја лошата низа во Евролигата.
Ова беше втор пораз во низа и четврти во последните пет меча за клубот од Атина, с…


Панатинаикос додека го чека новиот тренер, Американецот Рик Питино, доживеа незгоден домашен пораз од Армани Милано од 83:86, продолжувајќи ја лошата низа во Евролигата.
Ова беше втор пораз во низа и четврти во последните пет меча за клубот од Атина, со што тие дефинитивно ја губат трката за пласман на Фајнал фор турнирот.
Реал Мадрид пак, уште еднаш покажа дека е незапирлив оваа сезона, откако стигна до тешка 82:72 победа на гостувањето кај Баерн Минхен. Реал почна силно и направи двоцифрена предност на крајот на првата третина (27:16), за на полувреме да имаат +15.
Баерн се врати во последните 10 минути од мечот и ја намали разликата на шест поени, но „кралскиот клуб“ повторно стигна до победа. Рандолп имаше 22 поени за Реал, а Серхио Љуљ 19 поени и шест асистенции, додека кај Баерн најефикасен беше Стефан Јовиќ со 11 поени.
Фото: ЕПА
ЕВРОЛИГА, 13. КОЛО
Химки – Дарушафака 85:84 (30:18, 15:25, 24:14, 16:27)
Жалгирис Каунас – Макаби Тел Авив 80:73 (16:16, 23:17, 20:20, 21:20)
Баерн Минхен – Реал Мадрид 72:82 (16:27, 15:19, 28:19, 13:17)
Панатинаикос – Милано 83:86 (23:21, 17:26, 16:17, 27:22)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Барселона и Бетис се договорија, Витор Роке се сели во Палмеирас

Барселона и Бетис постигнаа договор околу Витор Роке. Младиот Бразилец се враќа во татковината, кариерата ќе ја продолжи во Палмеирас.
Барселона за Роке плати речиси 40 милиони евра. Бразилецот беше најавен како нова голема ѕвезда, но ниту доби вистинска шанса најпрвин кај Чави, а потоа и кај Флик, ниту ги оправда очекувањата кога ќе добиеше шанса.
Минатото лето Барселона го испрати на позајмица во Бетис. Не блескаше ниту кај Мануел Пелегри. Пред еден месец Барселона доби понуда од Палмеирас од 25 милиони евра и Барса да задржи 20 отсто од следната продажба.
Џоан Лапорта ја прифати понудата но мораше да го убеди Бетис да ја раскине позјмицата.
Тоа се случи откако Барселона се откажа од 30 отсто од правата што ги имаше врз Ез Абде. Барселона за крилниот напаѓач од Бетис доби 7,5 милиони евра и задржа 50 отсто од правата од наредната продажба. Со новиот договор Барселона од евентуалниот наводен трансфер на Ез Абде ќе добие 20 отсто.
Исто така Бетис од Палмеирас ќе добие компензација од 6 милиони евра.
Спорт
Кин за капитенот и играчите на Јунајтед: Еб..и изманици

Манчестер јунајтед минатиот викенд успеа да ремизира против Евертон (2:2) во возбудлив премиерлигашки натпревар, а вчера го победи Ипсвич со 3:2.
Бруно Фернандеш со својот гол од слободен удар го започна камбекот на „црвените ѓаволи“ против Евертон. Сепак, овие резултати не го импресионираа легендарниот поранешен капитен на Јунајтед, Рој Кин.
Кин, познат по своите остри коментари ги критикуваше играчите на Манчестер јунајтед, смета дека тимот нема карактер. Неговиот гнев беше насочен и кон сегашниот капитен Бруно Фернандеш.
„Овие играчи едноставно го немаат она што е потребно за да го носат дресот на Манчестер јунајтед“, изјави Кин за „Скај Спорт“.
„Гледам премалку страст, премалку борбеност. Каде е Јунајтед што го знаевме? Овие играчи се еб..и измамници“.
Зборовите на Кин одекнаа меѓу фановите кои беа поделени во нивните мислења. Додека некои ја поддржуваат неговата критика, други веруваат дека тој е премногу остар кон тимот.
Спорт
Хорхе Мартин ќе ја пропушти и Големата награда на Аргентина

Актуелниот светски шампион во Мото ГП, Хорхе Мартин нема да ја вози и втората трка сезонава.
Хорхе Мартин ќе ја пропушти првата трка сезонава во Тајланд овој викенд, а откако заработи нова повреда нема да вози ниту во Аргентина.
Возачот на Априлија ја повреди другата рака за време на првиот тренинг по операцијата на скршеница на раката и ногата, поради што било потребно да се изврши уште една операција.
Големата награда на Аргентина ќе се вози на 16 март.