Спорт
Надал со скратен календар на настапи во 2019
Рафаел Надал не планира да ја повтори 2018 година и следната сезона ќе игра многу помалку за да ја продолжи својата кариера.
Во 2018 година, 17-кратниот гренд слем шампион беше светски број 1, победи во 45 од 49 меча и освои пет АТП титули и немаше пор…
Рафаел Надал не планира да ја повтори 2018 година и следната сезона ќе игра многу помалку за да ја продолжи својата кариера.
Во 2018 година, 17-кратниот гренд слем шампион беше светски број 1, победи во 45 од 49 меча и освои пет АТП титули и немаше пораз пред четврт-финалето на турнирите. Меѓутоа, повторно поради повреди тој имаше само девет турнири, мачејќи се со колкот, стомачните мускули и коленото и пропуштајќи го вториот дел од сезоната. Тој се повлече од двата гренд слема на хардкорт подлога.
Рафа почна со тренинзи во неговата академија во Мајорка и за неколку дена ќе патува во Абу Даби каде што од 27 до 29 декември ќе учествува на егзибицискиот Мудабала шампионат. Официјалниот старт на сезоната ќе биде во Бризбејн, а ќе игра и во Сиднеј на турнирот со „Фаст4“ правила, пред настапот на Австралија опен.
По ова следува турнирот во Акапулко на крајот на февруари и настапите на Мастерс 1000 турнирите во Индијан Велс и Мајами, а главниот фокус е на сезоната на земја и настапите во Монте Карло, Барселона, Рим и секако Ролан Гарос. Тој ќе го пропушти Квинс Клаб и ќе оди директно на Вимблдон, по што ќе следуваат турнирите во Монтреал, Синсинати и САД опен и Лејвер купот во септември. Шангај и Париз се на распоредот на Надал, како и АТП финалето во Лондон, каде што никогаш не ја освои титулата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Дончиќ ги реши Клиперси, Милвоки немоќни беа Јанис, Минесота го растури Феникс
Далас и Индијана поведоа во четвртфиналните серии против ЛА Клиперс односно Милвоки со 2-1, а Минесота ја забележа и третата победа во дуелот со Феникс во плеј-офот.
Далас славеше пред своите навивачи против Лос Анџелес Клиперс со 101:90. Како и обично, Дончиќ беше најдобар во својот тим, со 22 поени, имаше десет скока и девет асистенции.
Го следеа Ирвинг со 21 поен, Лајвли со 13 и Џонс со 11 поени. На другата страна Харден и Пауел беа подобри од останатите со 21 поен, Хрватот Ивица Зубац имаше учинок од 19 поени, осум скока и една асистенција.
Доколку нема сензационален исход, Денвер и Минесота ќе играат во четвртфиналето на Западната конференција.
Минесота го оствари третиот триумф против Феникс на гостински терен, убедливо со 126:109.
Едвардс беше одличен со 36 поени, девет скока и пет асистенции, поддршка имаше во Гобер кој постигна 19 поени и 14 скока, и Таунс со 18 поени и 13 скока. На другата страна се истакнаа Бил со 28, Дурент со 24 и Букер со 23 поени.
Индијана извојува голема победа по продолжение против Милвоки со 121:118. Блескаше Мидлтон со 42 поени и десет скока, Лилард со 28, Портис со 17 поени и 18 скока, но сепак победата ја однесе Индијана во чии редови се истакнаа Тарнер со 29 и Халибертон, кој забележа трипл-дабл, 18 поени скокови и 16 асистенции.
Спорт
(Видео) Реал победи во Сан Себастијан, еден триумф го дели од шампионската титула
Фудбалерите на Реал Мадрид го совладаа имењакот од Сан Себастијан на „Реале арена“ со 1:0 (1:0) во премиерниот натпревар од 33.коло.
На овој начин „кралскиот клуб“ со натпревар повеќе стекна 14 бодови предност во однос на Барселона.
Практично само теорија го дели Реал Мадрид од 36. титула во клупската историја.
Карло АНчелоти натпреварот го започна со комбиниран состав, а за прв пат стартер беше младиот Арда Ѓулер.
Токму младиот Турчин со голот во 29. минута му донесе победа на својот тим. Карвахал нафрли во шеснаесетникот, а Гулер шутираше низ нозете на голманот Ремиро.
Три минути подцна Реал Сосиедад преку Такефуши Кубо постигна гол кој беше поништен поради офсајд.
Сосиедад остана на шестата позиција со 51 бод до крајот на сезоната ќе се бори за пласман во Лига Европа или Конференциската лига.
Спорт
(Видео) Евролигата покрена постапка против судијата Болтаузер – Украл парфем од „фри-шоп“
Еден од најпознатите европски судии, Словенецот Матеј Болтхаузер (49) е тема број 1 во европската кошаркарска јавност поради видеото кое излезе во јавноста.
Имено, Болтаузер е снимен на него на аеродромот „Никола тесла“ во Белград на 8 декември минатата година како краде парфем на Том Форд од „фри шоп“.
Станува збор за парфем кој чини 221 евро.
Болтхаузер тогаш се враќаше од натпреварот од Евролигата меѓу Монако и Партизан, која ја судеше во Франција.
Поради видеото кое се појави пет месеци подоцна, Евролигата покрена постапка против Болтаузер.
Тој сигурно ќе се соочи со драстична казна, па дури и играчите си земаа слобода да кажат „збор-два“ за Словенецот.
Најгласен беше Мет Џенинг, кој директно го обвини Болтхаузер дека со години крадел, не само на аеродромот, туку и на терените во Евролигата.
„Човекот краде со години! Евролигата има голем број одлични судии, но ова момче е убедливо најлошиот и не е тешко да се разбере зошто”, напиша Џенинг, поранешен играч на Монтепаски, Ефес, Басконија, како одговор на видеото кое брзо се прошири низ Европа.
Salen a la luz imágenes de Boltauzer, árbitro de la Euroliga, robando un perfume en el aeropuerto de Belgrado
🫣 Los hechos sucedieron tras el partido entre Partizan y Mónacopic.twitter.com/brQUbuRYqa
— Eurohoops España (@EurohoopsES) April 26, 2024