Свет
(Видео) Се затвора најголемиот затвор во Москва

Озлогласениот затвор „Бутирка„ во Москва наскоро ќе биде затворен, а поранешниот затвореник Александар за Радио Слободна Европа вели дека никогаш нема да го заборави времето што го поминал зад решетки.
Александар вели дека најзначајни во затворот биле чорапите.
„Ќе ги исперевме чорапите и од нив правевме јажиња. Јажињата беа врската помеѓу ќелиите. На овие јажиња закачувавме други чорапи и во нив стававме работи“.
Александар бил во затвор 17 месеци поради финансиски криминал. Викал од прозорецот за да комуницира со своето семејство и пријателите пред затворот.
Затворот „Бутирка„ бил изграден во 1771 година и е најстариот и најголем затвор во Москва.
Во него беа многу познати затвореници, како Феликс Џержински, основачот на советската тајна полиција, Сергеј Корољев, водечкиот руски вселенски проектант, и убиениот адвокат за борба против корупцијата, Сергеј Магнитски.
„Бутирка“ има проблем со пренатрупаност бидејќи има 2000 затвореници во притвор, но исто така и оние кои служат повеќегодишна казна.
Притворениците од „Бутирка“ ќе бидат преместени во рок од две години, а нов затвор ќе биде изграден надвор од Москва.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Нов аларм во Грац: само неколку часа по масакрот во училиштето, пристигнаа заканувачки повици

Во вторникот наутро, Грац беше шокиран од веста за масакрот во училиштето, каде што напаѓачот убил 10 лица, а потоа извршил самоубиство, а само неколку часа подоцна имаше нов аларм.
Како што пишува „Кронен“, само неколку часа по масовното убиство во училиштето, имитаторите го искористиле пукањето како изговор за да упатат закани.
Имено, друга гимназија во Грац добила заканувачки повик во вторникот вечерта, изјави Франц Руф, генерален директор за јавна безбедност.
Закана била испратена и до централната станица во Грац во вторникот попладне, пишува „Кронен“ и додава дека истрагите за овие закани се во тек.
Свет
Руски амбасадор: Обновувањето на односите меѓу САД и Русија го забавува „длабоката држава“ во Америка

Разговорот меѓу САД и Русија за решавање на прашањата во нивните билатерални односи ќе биде преместен од Истанбул во Москва, изјави денес за ТАСС новиот руски амбасадор во Вашингтон.
„Сè уште има долг пат за обновување на руско-американските односи“, рече амбасадорот Александар Дарчиев.
Според него, зближувањето со Москва го забавуваат таканаречената „длабока држава“ во САД и антируските „јастреби“ во Конгресот.
„Можам да потврдам дека во блиска иднина во Москва ќе се одржат нови разговори на делегации“, рече Дарчиев.
Војната во Украина предизвика најголеми тензии во односите меѓу Москва и Западот од Студената војна. Искусни дипломати од Москва и Вашингтон изјавија за Ројтерс во 2024 година дека не можат да се сетат дека односите некогаш биле полоши.
Администрацијата на претседателот Доналд Трамп го смета украинскиот конфликт за посредничка „proxy“ војна меѓу САД и Русија. Трамп постојано предупредуваше на ризикот од ескалација на конфликтот во светска војна.
Свет
ЕУ го додаде Монако на листата на земји со висок ризик за перење пари

Европската комисија денес објави дека го додаде Монако на листата на земји со „висок ризик“ во однос на перењето пари, како и дека ги отстрани Обединетите Арапски Емирати од листата.
Европската комисија се согласи со „сивата листа“ на Работната група за финансиски дејствија (FATF), меѓународно тело задолжено за евалуација на активностите на земјите во борбата против перењето пари.
Монако е на нивната листа од 2024 година.