Спорт
Икарди и Интер застанаа зад Кулибали и против расизмот
Капитенот на Интер, Мауро Икарди застана зад Калиду Кулибали откако фудбалерот на Наполи беше мета на расистички напади во текот на мечот во средата во Серија А (кој Интер го доби со 1:0) и по кој шефовите на Серија А се заканија со прекин на лигата.
К…
Капитенот на Интер, Мауро Икарди, застана зад Калиду Кулибали кога фудбалерот на Наполи беше цел на расистички напади во текот на мечот во средата во Серија А (кој Интер го доби со 1:0) и по кој шефовите на Серија А се заканија со прекин на лигата.
Кулибали доби црвен картон во мечот добивајќи втор жолт картон за саркастичното аплаудирање на одлуката на судијата, но тоа и резултатот беа во сенка по расистичките извици кон Сенегалецот и на пресметките на навивачите што оставија еден мртов човек зад нив.
Интер доби казна од два меча без навивачи, а Икарди му даде поддршка на ривалот.
„Разочаран сум од тоа што се случи вчера на ’Сан Сиро’. Да кажеме големо СТОП на расизмот и дискриминацијата“, напиша Икарди на „Инстаграм“.
Со своја реакција се јави и Интер, клубот што во 1908 година е основан како Интернационале по одвојувањето од Милан, кој сакал да игра само со италијански и швајцарски фудбалери и кој во основачките документи има порака за браќата во целиот свет.
„Како реакција на случките на Интер-Наполи во средата вечерта, клубот сака да посочи дека од 9 март 1908 година, Интер претставува интеграција и прогресивност. Ова се исто така карактеристики на историјата на Милано, град што повикува на инклузивност и почитување. Со нашиот град ние се бориме за иднина без дискриминација и ги промовираме овие вредности кои секогаш биле гордост на клубот. Интер е претставуван во 29 земји во светот, од Камбоџа до Колумбија, со илјадници деца што работат на проектот ’Интер кампус’. Затоа, денеска, уште еднаш мораме да посочиме дека секој што не ја прифаќа и не ја разбира историјата на клубот не е еден од нас“, напишаа од Интер.
Since 1908, Inter has represented integration, innovation and progressiveness. The history of Milan is a welcoming one and together we are fighting to build a future without discrimination. Those who do not understand this history do not stand with us. #BrothersOfTheWorld #FCIM pic.twitter.com/lUok3qDgno
— Inter (@Inter_en) December 27, 2018
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Лео Бонучи ќе се пензионира
Леонардо Бонучи (37), легендата на Јувентус, одлучи да стави крај на кариерата. Првиот дел од сезоната Бонучи ја мина во Унион Берлин, а вториот во турски Фенербахче.
Дефанзивецот кој со Италија стана европски првак во 2021 година, сезонава одигра 12 натпревари за турскиот прволигаш, а од крајот на февруари има проблеми со повредите.
Бонучи кариерата ја започна во локалниот клуб Витербезе, од кој премина во Интер. Таму не играше добро, а во Серија А се наметна дури по трансферот во Бари. По една сезона во 2010 година, тој замина од Бари во Јувентус, со кого освои шест последователни титули во лигата помеѓу 2012 и 2017 година.
Сезона 2017/18 ја мина во Милан, а потоа се врати во Јувентус, со кого освои уште две титули во Серија А. Пет пати го освојуваше и Купот на Италија.
Во Серија А одигра 431 натпревар, а за италијанската репрезентација одигра 121 натпревар. Во 2016 година Бонучи беше прогласен за најдобар италијански фудбалер.
Спорт
(Видео) Страшен инцидент во Монте Карло – целосно уништен болидот на Серхио Перез
Страшен инцидент на стартот на трката за Големата награда на Монако. .
Шарл Леклер добро стартуваше и го задржа првото место, Карлос Саинц погреши во петтиот свиок и излета.
🔴 RED FLAG 🔴
Sainz runs off in Casino Square and there are three cars behind which have made contact #F1 #MonacoGP pic.twitter.com/qbrS4lQlTI
— Formula 1 (@F1) May 26, 2024
Главниот инцидент се случи кога Кевин Магнусен, нерезонски се обиде да го мине Серхио Перез (стартуваше од 16.место), кој потоа удри во ѕидот. Од трката беше исфрлен и вториот возач на Хас, Нико Хулкенберг.
Sergio Perez’s car. Oh my god. pic.twitter.com/XZ8XsO9oNz
— Daniel Valente 🏎️ (@F1GuyDan) May 26, 2024
Возачите на Хас трката ја започнаа од последните две позиции, откако поради неправилности на ДРС системот добија казни по вчерашните квалификации.
Истакнато е црвено знаме, а Саинц успеа да дојде до боксот како 16. во поредокот. Шпанецот е најголемиот среќник од целиот инцидент бидејќи рестарот ќе го чека од третото место, од кое ја започна трката.
Спорт
Бањаја ја освои Каталуња, Мартин втор, Маркез трет
Актуелниот шампион Пеко бањаја победи на трката за Големата награда на Каталуња. Возачот на Дукати победи пред лидерот во првенството, Хорхе Мартин (Прамак Дукати) и Марк Макркез (Гресини Дукати).
Бањаја на најдобар начин се рехабилитира за вчерашната грешка во спринт трката, кога како лидер падна и не ја заврши трката. Италијанецот стартуваше добро, ја презеде лидерската позиција. До крајот на петтиот круг го престигнаа Педро Акоста и Хорхе Мартин.
Додека Мартин напред се обидуваше да изгради некаква предност, Бањаја се бореше со Акоста. Дебитантот не успеа да го издржи притисокот, направи грешка заврши надвор од патеката, а потоа Бањаја тргна во лов на Мартин.
Успеа да го престигне на шест круга до крајот. а потоа со речиси две секунди предност како прв ја мина целта.
Третото место му припадна на Макрз, кој имаше уште една одлична трка, бидејќи од 14.место успеа да дојде до подиумот.
Вчерашниот победник во спринт трката, Алеиш Еспаргаро, кој се повлекува на крајот од сезоната, последната трка пред своите навивачи ја заврши на четвртото место.
Генерален пласман: Хорхе Мартин (Прамак Дукати) 155, Франческо Бањаја (Дукати) 116, Марк Маркез (Прамак) 114, Енеа Бастианини (Дукати) 94…
Следната трка во Мото Гп шампионатот ќе се вози во Муџело, Италија.