Свет
Завршена оградата помеѓу Крим и Украина долга 60 километри
Кримските власти соопштија дека е завршена изградбата на оградата долга 60 километри на границата на Крим со Украина.
Оградата се состои од неколку типови на барикади, разни типови сензори, некои скриени и некои видливи системи за видеонадзор, вклучувајќи и инфрацрвена опрема.
Меѓу системите постои и оној кој има вградени сензори за вибрации, тие се активираат кога лицето се приближува до оградата и ги пренесува податоците до дежурниот полицаец кој добива аудиопредупредување. Исто така укажува и на насоката во која се движи лицето.
Покрај тоа, постои и сензорски систем што ја активира камерата за ноќно посматрање ако лицето се најде пред него.
Употребата на овие системи, според официјалните лица, е неопходна поради разни закани, како што се обидите на групи од луѓе од соседните земји кои се обидуваат да влезат на територијата на Крим.
Покрај тоа, како што е наведено, оградата служи за да се спречи обидот да се организираат нелегални активности на трговија со оружје, муниција, стоки, цигари, алкохол, гориво, дрога …
Исто така, оградата има за цел да ги спречи илегалните преминувања на границата.
Руската агенција наведува дека сличен систем за жичена ограда е инсталиран на истокот на земјата, како и на север на Русија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Комунална во мај подигна 1.800 кубни метри отпад од диви депонии во Скопје
Во текот на минатиот месец, екипите на ЈП Комунална хигиена-Скопје отстранија вкупно 1800 кубни метри отпад од диви депонии лоцирани на територијата на градот Скопје.
Интервенирано е на улиците Христо Батанџиев, Воин Драшковиќ и Борис Сарафов во скопската општина Ѓорче Петров, на улиците Васил Чакаларов и Теодосие Гологанов, како и во населбата Жданец во општината Карпош, на паркинг просторот пред скопските гробишта во општината Бутел, на повеќе локации во општините Аеродром и Кисела Вода, на улиците Вуковарска, Џон Кенеди и на булеварот Македонско-косовска бригада во општината Чаир, како и на булеварот Партизански одреди во скопската општина Центар.
Воедно, за време на изминатиов викенд, екипите на ЈП Комунална хигиена-Скопје подигнаа приближно 20 кубни метри отпад од дива депонија лоцирана на булеварот Никола Карев (Пластичарска улица) спроти Амбасадата на САД.
Свет
(Видео) Масовно пукање во Охајо: едно лице загина, а десетици се повредени
Едно лице загина, а најмалку 24 се ранети во масовно пукање што се случи во градот Аркрон во американската држава Охајо. Како што јави Би-би-си, пукањето се случило нешто по полноќ по локално време во неделата.
One dead, dozens injured in Ohio mass shooting https://t.co/LIhB3Yye69
— BBC News (World) (@BBCWorld) June 2, 2024
Полицијата брзо реагираше на местото на пукањето на аголот на улицата Кали и Осмата авенија. Таму биле пронајдени десетици чаури и пиштол, јавуваат локалните медиуми.
Никој не е уапсен или идентификуван како осомничен и истрагата е во тек, потврди полициската управа во Акрон. Потврдено е дека меѓу ранетите нема повреди опасни по живот.
Градоначалникот на Акрон Шамас Малик и началникот на полицијата Брајан Хардинг објавија заедничка изјава на социјалните мрежи во која ветија дека ќе ги „изведат одговорните пред лицето на правдата“:
„Нашиот град е потресен по бесмисленото насилство“, се вели во соопштението и се додава:
„Има повеќе од 20 повредени, болка и траума низ градот додека бараме одговори“.
Надлежните ги повикаа граѓаните да се јават доколку имаат информации за нападот.
„Мораме да разговараме со граѓаните ако сакаме да спречиме вакви ситуации во иднина. Ќе продолжиме да ја обезбедуваме јавната безбедност за сите наши граѓани“, велат надлежните.
Свет
Во Израел е пронајдено тело на маж за кој се веруваше дека е заложник на Хамас
Израелската армија (ИДФ) денеска објави дека во Израел го пронашла телото на Долев Јехуд, волонтер медицински работник во Кибуц Нир Оз во јужен Израел, за кој досега се веруваше дека бил земен како заложник од милитантната група Хамас за време на нападот. на 7 октомври минатата година.
Јехуда, на возраст од 35, го напуштил својот дом за да им помогне на другите за време на нападот на Хамас и очигледно бил убиен во тој напад, пишува „Д тајмс оф Израел“.
Новите тестови за идентификација, заедно со информациите за локацијата каде што е пронајдено телото, потврдија дека му припаѓа на Јехуд.
Според Тајмс оф Израел, многу од телата на жртвите на Хамас не можеле да се идентификуваат бидејќи биле изгорени или осакатени на некој начин.
Сестрата на Јехуд, Арбел (28) сè уште е заложник на Хамас во Појасот Газа.
Се верува дека Хамас во Појасот Газа држи уште 251 заложник земен за време на нападот на 7 октомври минатата година на југот на Израел, додава израелскиот портал.