Спорт
Не успеал да се наметне во Манчестер Јунајтед, па со пластична операција го сменил личниот опис
Поранешниот кинески фудбалер, Донг Фангжу, од срам решил да изврши пластична операција на лицето. Овој играч во 2004 година, во ерата на Алекс Фергусон, потпиша договор со Манчестер Јунајтед.
Фангжу, тогаш имал 19 години и бил голема надеж на кинескиот…
Поранешниот кинески фудбалер, Донг Фангжу, од срам решил да изврши пластична операција на лицето. Овој играч во 2004 година, во ерата на Алекс Фергусон, потпиша договор со Манчестер Јунајтед.
Фангжу, тогаш имал 19 години и бил голема надеж на кинескиот фудбал, поради тоа сер Алекс решил да го ангажира.
Откако потпишал го потпишал договорот со Манчестер Јунајтед, тој не можел да добие работна дозвола, поради што клубот го испратил на позајмица во Антверпен, каде одиграл две добри сезони, на 71 натпревар постигнал 34 гола.
Се вратил во Јунајтед, добил работна дозвола, но за „црвените ѓаволи“ играл на само два натпревари и клубот го вратил во Кина.
Играл за Далијан, а потоа и во Полска, Португалија и Србија. Решил кариерата да ја заврши во 2014 година. По завршувањето на кариерата бил чест учесник на реалните шоуа во Кина.
Меѓутоа толку му било срам бидејќи не успеал да направи кариера во Манчетер Јунајтед, па решил да направи радикален чекор, односно да си го смени личниот опис.
Му било срам бидејќи служел за потсмев, не успеал во кариерата, а бил голема надеж. Поради тоа Фангжу извршил пластична операција на лицето, за луѓето повеќе да не го препознаваат на улица.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ландо Норис го победи Ферстапен на ГН на Мајами
Ландо Норис ја забележа првата победа во кариерата. Возачот на Мекларен победи на трката за Големата награда на Мајами. Ова е прва победа за Мекларен од 2021 година кога Даниел Рикардо победи во Монца. Норис во Мајами победи пред Макс Ферстапен (Ред Бул) и Шарл Леклер (Ферари).
Норис, трката во Мајами ја стартуваше од петтата позиција, која ја загуби на стартот, но како што одминуваа круговите тој беше најбрзиот човек на патеката. Најбрзиот круг го возеше во 25 круг, кога дел од неговите конкуренти ги сменија гумите.
За одличното возење го „погледна и среќата“. Поради инцидентот меѓу Магнусен и Сарџент, во 28.круг на патеката излезе возилото за безбедност. Норис го искорсти влезе во боксот и се врати на челната позиција.
Откако возилото за безбедност ја напушти патеката, Норис на чиста брзина ја доби борбата со Ферстапен.
Британецот со деби победата ја прекина доминацијата на Ферстапен во Мајами, кој имаше шест последовни победи на оваа патека.
Бодови во Мајами освоија: Карлос Саинц (Ферари), Серхио Перез (Ред Бул), Луис Хамилтон (Мерцедес), Јуки Цунода (РБ), Џорџ Расел (Мерцедес), Фернандо Алонсо (Астон Мартин) и Естебан Окон (Алпин).
Спорт
Реми во дербито меѓу Рома и Јувентус
Рома и Јувентус освоија по еден бод, откако во дербито на 35.коло одиграа 1:1, на „Олимпико“ во Рим.
Рома никако не може да биде здоволна со бодот бидејќи си го компромитира пласманот во Лигата на шампионите. Италија наредната сезона ќе има пет екипи во Лигата на шампионите, а Рома на петтото место има три бода и два натпревари повеќе од Аталанта.
Натпреварот почна добро за Рома, Лукаку се најде на вистинското место во вистинско време и му донесе водство на својот тим во 15. минута.
Јувентус после тоа не сакаше да тактизира, избраниците на Масимилијано Алегри тргнаа во напад, а во 31.минута ја искористија грешката во одбраната на Рома. Резултатот го изедначи Бремер.
До крајот на мечот Јуве беа поблуску до победата. Киеза ја погоди стативата во 47.минута, а потоа голманот Свилар имаше две добри интервенции.
Спорт
Рубљов го освои Мастерсот во Мадрид
Рускиот тенисер Андреј Рубљов победи на Мастерсот во Мадрид.
Рубљов во финалето го совлада Канаѓанецот Феликс Оѓер-Алиасим по три сета, со пресврт 4:6, 7:5, 7:5 по два часа и 49 минути игра.
Рускиот тенисер во главниот град на Шпанија ја освои втората титула од серијата 1000, а воедно осмиот тенисер во светот стана првиот во кариерата кој победил на Мастерсот во Мадрид и во сингл и во двојки.
Русинот лани во Монте Карло го освои првиот трофеј на турнирите од серијата 1000, а за 27-годишниот Русин ова е 16. титула во кариерата, втора во 2024 година.