Свет
Трамп празниците ги мина осамен во Белата куќа
Блокадата на владата на САД влегува во 12-тиот ден, а претседателот на САД, Доналд Трамп, уште од самиот почеток на кризата е речиси сам во Белата куќа.
Додека неговите соработници отпатуваа на божиќни и новогодишни празници, а неговото семејство престојува во резиденцијата Мар-а-Лаго на Флорида, американскиот претседател сам во големата куќа чекал некој да затропа на врата и да понуди решение за блокадата на владата, пишуваат американските медиуми.
Според информациите, друштво му правело само обезбедувањето, кое, според зборовите на Трамп, и не е многу расположено за дружба.
Барањето на претседателот за изградба на ѕид на границата со Мексико вреден пет милијарди долари Конгресот и натаму не сака да го усвои, поради што има финансиска блокада и парализа на работата на некои државни агенции.
Трамп планирал празниците да ги мине во кругот на семејството, но откако настапи блокадата на 22 декември, сите овие планови требаше да ги заборави и да чека во Белата куќа да се појави некој со решение за проблемот.
Меѓутоа, тоа не се случи и американскиот претседател за време на Божиќ остана сосема сам.
Таа самотија очигледно дека тешко му паднала бидејќи Трамп во првиот состанок на кабинетот повеќе од час и половина им се жалел на своите соработници за тоа како овој Божиќ му бил најлошиот што го памети и дека едвај чекал некој да му прави друштво, пишува „Јутарњи лист“, повикувајќи се на информации од американските медиуми.
„За Божиќ бев сосема сам во Белата куќа, а знаете, ова е многу голема куќа. Немаше никој освен снајперистите. Во еден момент дури и им мавнав, но тие се луѓе кои не сакаат да тераат шега. Не отпоздравуваат, дури не се ни смеат. До последен момент се надевав дека некој ќе дојде и ќе понуди некои преговори, но тоа не се случи“, рекол тој.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Израел ги напаѓа јужните предградија на Бејрут
Израелски воздушни напади ги погодија јужните предградија на Бејрут, при што е извршено најинтензивното бомбардирање на либанската престолнина откако Израел ја засили својата воена кампања против поддржаното од Иран – либанско шиитско движење Хезболах.
Во текот на ноќта силни експлозии одекнуваа низ различни делови на Бејрут, а небото беше осветлено со црвени и бели светла, како молњи, кои се гледаа од неколку километри.
Израелската армија соопшти дека нејзините воздушни сили извршиле „серија прецизни удари врз складишта за оружје и терористичка инфраструктура на Хезболах во реонот на Бејрут.“
Либанските власти сè уште не соопштија кои објекти биле погодени и какви штети предизвикале ракетите.
Регион
Дете најдено живо по два дена од поплавите во Јабланица под урнатините на семејната куќа
Продолжува борбата на голем број спасувачи за пронаоѓање на живите исчезнати лица по катастрофалната поплава што пред два дена се случи во Јабланица и во околните населени места.
Според официјалните информации, досега животот го загубиле 18 лица, а по голем број се уште се трага.
Сепак се појави и една добра вест, спасувачите пронашле дете под урнатините на неговата семејна куќа. Успеале да го извлечат и итно бил пренесен во болница.
Момчето било пронајдено под плочата тешка два тона која се срушила одозгора.
Европа
Поради планирање на терористички напад обвиненија добија трoјца тинејџери во Германија
Суд во германската провинција Северна Рајна-Вестфалија поднесе обвиненија против тројца тинејџери за планирање на терористички напад, пренесува ДПА.
Осомничените, на возраст од 15 и 16 години, беа уапсени во април за време на велигденските празници. Тие планирале напад во согласност со целите на терористичката група „Исламска држава“.
Обвинителството тврди дека тинејџерите ги разменувале плановите преку апликацијата „Телеграм“ и разговарале за напади во цркви и полициски станици.