Спорт
Баерн ќе го казни Рибери: Не можеме да прифатиме такви зборови
Баерн Минхен објавија дека „жестоко ќе го казнат“ Франк Рибери за неговото пцуење на социјалните мрежи, откако францускиот ветеран се „бранеше“ за јадењето на „златен“ бифтек.
Рибери во саботата влезе во остар напад на Твитер и Инстаграм против своите …

Баерн Минхен објавија дека „жестоко ќе го казнат“ Франк Рибери за неговото пцуење на социјалните мрежи, откако францускиот ветеран се „бранеше“ за јадењето на „златен“ бифтек.
Рибери во саботата влезе во остар напад на Твитер и Инстаграм против своите критичари за бифтекот похуван во 24-каратна златна прашина на славниот готвач Нусре Гокче во Дубаи (со цена од 1.200 евра), пцуејќи го целото семејно стебло на тие кои се дрзнаа да зборуваат за овој луксуз.
„Разговарав со Франк и му кажав дека ќе добие жестока казна и тој го прифати тоа. Тој користеше зборови, кои ние како Баерн Минхен не можеме да ги прифатиме и тој нема право да ги користи како примерен фудбалер на клубот“, изјави спортскиот директор на Баерн, Хасан Салихамиџиќ.
Салихамиџиќ исто така посочи дека Рибери не ги платил 1.200 долари за вечерата, бидејќи бил поканет како гостин на ресторанот.
„Франк беше шиканиран и навреден и тоа не само тој, туку и неговата бремена жена, неговото дете и неговата мајка, која во моментов е во болница. Франк сакаше да се одбрани себеси и своето семејство. Тој го има правото, но за жал ја загуби контролата“, вели Салихамиџиќ.
Овој испад на Рибери доаѓа помалку од два месеци откако напаѓачот го навредуваше францускиот ТВ-коментатор по 3:2 поразот од Борусија Дортмунд. Во Франција, Рибери не е многу сакан, најмногу поради тоа што јавноста верува дека тој бил водач на штрајкот на француските фудбалери за време на СП во Јужна Африка во 2010 година, додека во Германија тој е познат како „Кралот Франк“, бидејќи од 2007 година со Баерн освои титула од ЛШ (2013) и осум трофеи од Бундеслигата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Овиедо назначи нов тренер, трет од почетокот на сезоната
Овиедо го назначи Гилермо Алмада за свој нов тренер, објави клубот на социјалните мрежи.
Алмада е третиот тренер на Овиедо од почетокот на сезоната, по Вељко Пауновиќ и Луис Карион.
Клубот се врати во Примера по 24 години, моментално е на 19-то место на табелата со само десет освоени бода. По отпуштањето на Пауновиќ, беше доведен Карион, кој не успеа да забележи ниту една победа.
Алмада до оваа недела тој го водеше Ваљадолид, а на име на надомест, неговиот поранешен тим ќе добие 400.000 евра од Овиедо.
Алмада е Уругваец, а претходно успешно работеше во Мексико каде што ги водеше Пачука и Сантос Лагуна.
Foto/ freerangestock
Спорт
(Видео) Дончиќ ги честеше соиграчите и вработените во ЛА Лејкерс
Лука Дончиќ реши да им оддаде почит на своите соиграчи и вработени во Лос Анџелес Лејкерс пред Божиќ. Словенечката мегаѕвезда купи 103 електрични велосипеди и им ги подари на луѓето во клубот, а Лејкерси објавија видео во кое можете да видите како играчите на Лејкерси реагираа на тоа.
„Тој купи подароци за сите во кошаркарските операции, мислам дека имаше вкупно 103 подароци. Многу, многу квалитетен електричен велосипед, па со нетрпение очекувам да возам до плажа. Едвај чекам. Навистина убав гест од него. Момците навистина уживаа“, рече Џеј Џеј Редик, тренер на Лејкерси.
The squad loved Luka's Christmas gift 🙌 pic.twitter.com/xJf5WiQcnc
— Los Angeles Lakers (@Lakers) December 17, 2025
Велосипедот што Дончиќ им го подари на своите соиграчи е „Pedal All-Wheel Drive S“, кој моментално се продава за 3350 долари (околу 2860 евра) по парче.
На другите вработени им подари малку поевтин „Pedal H/T“, чија цена е 2250 долари (околу 1920 евра). Според таа пресметка, се проценува дека Дончиќ потрошил вкупно околу 300 илјади долари, или околу 250 илјади евра, за велосипеди.
Ова не е прв пат Дончиќ да им подарува електрични велосипеди на соиграчите и другите вработени во клубот за Божиќ. Тој го стори истото пред две години кога сè уште беше играч на Далас Маверикс.
Спорт
Маж осуден на 21 година затвор за нападот на парадата во Ливерпул
Британец кој со автомобилот се заби во навивачите на Ливерпул за време на прославата на титулата во Премиер лигата во мај 2025 година е осуден на 21 година и шест месеци затвор.
Пол Дојл, татко на три деца од Крокстет и поранешен член на Кралските маринци, повреди 134 лица, вклучувајќи осум деца, за само две минути кога со автомобилот се заби во толпата.
Овој 54-годишен маж е осуден на 21 година и шест месеци затвор откако призна 31 точка од обвинението за инцидентот.
Судот ги потврди тврдењата на полицијата дека Дојл го користел својот автомобил „како оружје“ во напад на бес на парадата на победата на 26 мај.
Дојл се бранеше велејќи дека бил „во паника“, кога се случил инцидентот, плашејќи се за својот живот, но снимките од неговата камера на автомобилот, како и снимките од безбедносните камери, покажаа дека го изгубил трпението и намерно возел „низ луѓе“ во напад на бес.
Полицијата во Мерсисајд го опиша фактот дека никој не е убиен во нападот како чудо.
Foto/ depositphotos

