Македонија
Верниците во Москва, Витлеем, Ерусалим, Каиро…го прославуваат Божик
Православните христијани се собраа во Москва, Витлеем, Ерусалим, Каиро и други градови во светот за да го прослават Божик. Прославуваат верниците чии цркви се водат според Јулијанскиот календар. Некои православни цркви пак Божиќ го слават на 25 декември, според Грегоријанскиот календар.Ерменската православна црква го прослави Божиќ на 6 јануари. Православните цркви во Романија, Грција и Бугарија, исто така, го слават Божик според Грегоријанскиот календар на 25 декември.
Стотици луѓе го одбележаа Божик во Витлеем во Црквата на Христовото раѓање, која е изградена на местото кое традиционално се препознава како место на раѓање на Исус Христос.Таму грчкиот патријарх Теофилос Трети одржа литургија, додека неколку десетици демонстранти извикуваа „предавници“ во знак на протест поради тоа што Грчката православна црква го продала имотот во источен Ерусалим кој е главно населен со Палестинци на групи кои градаат еврејски населби.
Во Каиро, египетскиот претседател Абдел Фатах ал-Сиси ја отвори новата катедрала на Коптската православна црква и една од најголемите цркви во регионот.Тоа доаѓа во време кога исламските милитанти сѐ повеќе се насочуваат против христијанските верници во земјата со смртоносни терористички напади.
Во Санкт Петербург рускиот претседател Владимир Путин присуствуваше на церемониите по повод Божиќ.
По синоќешната традиционална посна семејна вечера за Бадник и разделувањето на лепчето со паричка, во многу цркви во Македонија се одржаа празнични богослужби. На празникот во црква се врши причестување со земање нафора и вино, кои ги симболизираат Исусовото тело и крв.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Викедов преку ден топло, а попладне нестабилно со дождови и град
Во следните денови времето ќе биде значително потопло, но во попладневните часови наместа нестабилно со пороен дожд и грмежи, јавува УХМР.
Од Управата прогнозираат дека локално ќе има услови процесите да бидат поинтензивни во форма на краткотрајно невреме, со силен ветер, интензивен пороен дожд и изолирана појава на град.
Во Скопје во следните дена сончево и топло, во попладневните часови во делови од котлината нестабилно со пороен дожд и грмежи и со услови за краткотрајно невреме.
УХМР препорачува поголема внимателност во случај на појава на електрични празнења, да не се престојува на отворен простор и под осамени дрвја.
Македонија
Османи во Стразбур: Мултилатерализмот останува единствен ефикасен одговор кон предизвиците
Mинистерот за надворешни работи, Бујар Османи, се обрати на 133-тата сесија на комитетот на министрите на Советот на Европа во Стразбур, при што ја истакна улогата на мултилатерализмот при справување со тековните многубројни предизвици.
„Покрај сите свои пропусти, мултилатерализмот останува единствениот начин да се мобилизира колективен одговор кон војни, кризи, вонредни ситуации и неспоредливи предизвици од разна природа. Советот на Европа останува суштински столб во тој поглед. Сепак, ние, земјите членки, ја носиме одговорноста за неговата ефикасност“, истакна Османи.
На 75-годишнината од постоење, Советот на Европа со нејзините норми и стандарди придонесе за подобрување на животот на граѓаните, чување на човековите права и негување на демократијата и владеењето на правото, рече Османи и го поздрави денешното усвојување на рамковната Конвенција за вештачка интелигенција, човекови права, демократија и владеење на правото, како прв меѓународен инструмент во оваа област.
„Блиската соработка со другите меѓународни организации, особено со ЕУ, ОН и ОБСЕ, при решавање на заедничките проблеми, е од особено значење“, додаде Османи.
За време на престојот во Стразбур, Османи ќе оствари и многубројни средби со свои колеги од разни земји.
Скопје
Уште 20 нови дигитални услуги на интернет-страницата на Општина Кисела Вода
Запишување на децата во градинка по електронски пат, пријава за инспекциски служби, поставување директни прашања до градоначалникот или до советниците се едни од 20 нови дигитални услуги што Општината Кисела Вода ги воведе денеска.
Овие услуги се достапни на новата општинска интернет-страница и со ова продолжува дигитализацијата на Општината почната пред речиси две години.
„Дигитализацијата на Општината претставува значаен чекор кон подобрување на транспарентноста, отвореноста и ефикасноста на локалната самоуправа. Воведувањето дигитални услуги овозможува значително олеснување на процедурите за граѓаните и бизнис-заедницата и истовремено го намалува ризикот од коруптивни дејства. Овие промени ја поставуваат основата за една модерна, ефективна и отворена општина, која е насочена кон потребите на своите граѓани“, изјави градоначалникот на Кисела Вода, Орце Ѓорѓиевски.
Со новите услуги ќе биде овозможено следење на системот на јавни набавки, плаќање на такси поврзани со Општината.
„Нема да има повеќе уписи преку врски во градинки. Родителот од дома ќе може да аплицира, да наведе за која градинка е заинтересиран и за неа да аплицира. Со тоа и ние како локална самоуправа точно ќе знаеме во секој момент колкав број деца има за упис, каде има потреба од отворање дополнителни капацитети. Преку апликациите ‘Прашај го градоначалникот’ и ‘Прашај го својот советник’ нашите жители ќе може да комуницираат во прво лице со лицата што ги избрале да ги решаваат нивните проблеми“, додаде Ѓорѓиевски.