Македонија
(Видео) Караџовски: Нема скандал во одлуките за додатоци на плата за членовите на Судскиот совет
Првиот човек на Судскиот совет, Зоран Караџовски, рече дека минатогодишната одлука на Судскиот-буџетски совет за исплата на додатоци на плата за членовите на Советот до 35% воопшто не е скандалозна, туку законска, иако тој самиот гласал против.
Караџоски рече: „Ретроактивно дејство има како за судиите, така и за членовите на Судскиот совет. Ставот мој и законската регулатива за членовите на Судскиот совет и во претходниот состав и за новите членови е јасна и недвосмислена. Според нас, тука нема никаков скандал затоа што законската основа стои во членот 2 од Законот за платите на членовите на Судскиот совет. Има соодветен правилник изготвен во 2016 и 2017 година за платите на судиите. Значи ова право за надоместоци и додатоци го имаат членовите на Судскиот совет пред да го имаат судиите“.
Караџовски рече дека членовите на Судскиот совет се на исто рамниште со судиите и додаде дека додека е тој претседател неговите колеги во Советот нема да земаат додаток на плата доколку судиите не го земаат истиот додаток.
Претседателот на Судскиот совет рече дека пред Нова година стигнало барањето од Основото јавно обвинителство кое по допрен глас го истражува минатогодишното изгласување на додатоците на плата за членовите на Судскиот совет.
„Тоа што го побарало или ќе го побара кое било јавно обвинителство во соодветен рок ќе биде предадено. Не е предадено. Пред Нова година дојде барањето. Рокот е 30 дена. Нема да го чекаме триесеттиот ден“, рече Караџовски. Mинистерката за правда го оцени изгласувањето на додатоците на плата за членовите на Судскиот совет како скандалозно.
Караџовски пред новинарите кажа дека гласал против одлуката за додатоци до 35% поради тоа што не биле донесени измените во Законот за судската служба и поради фактот што во 2016 имало штрајк на судската администрација бидејќи само за нив немало додатоци на плата, како што тоа го има за судиите и обвинителите: „Јас гласав против на таа седница со соодветно образложение и формално-правно и во врска со судството и во врска со односите судии – судска служба, пошироко беше моето образложение зошто гласав против“.
Дисциплинските постапки за судиите ќе почнат формално од почеток, поради новите членови на Судскиот совет. „По тие постапки во тек е расправа. Расправата ќе ја почнат формално од почеток, ќе мора, бидејќи е променет составот. Како што бараат последните измени на Законот за Судскиот совет, ќе определиме по пат на ждрепка нови членови на местата на старите. Немаме строго формална процедура за испитување на судиите. Тоа е работа на комисиите. Ќе најдат соодветен начин“, рече Караџовски.
Советот денеска со 11 гласови „за“ избра претседателки на судовите во Крушево и Берово: Лидија Андреска и Ленка Симевска.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Тошковски во посета на Единицата за безбедност на сообраќајот на патиштата и Единицата за увид на место на настан и анализа: во фокусот проблемите на вработените
Министерот за внатрешни работи Панче Тошковски денес оствари работни посети на Единицата за безбедност на сообраќајот на патиштата и Единицата за увид на место на настан и анализа при Секторот за внатрешни работи Скопје каде одржа состаноци со раководствата.
„ЕБПС се соочува со голем недостаток на човечки ресурси и недостиг на возила и материјално-технички средства кои им се основна алатка за постапување и одржување на високо ниво на безбедност во патниот сообраќај. Исто така, беше посочено дека потребни се промени во законската и подзаконската регулатива со цел допрецизирање на одредбите кои ја регулираат оваа материја, а се со цел побезбеден сообраќај и помалку жртви.
ЕУМНА е една од круцијалните организациски единици кога се работи за ефикасно работење во делот на кривичната материја имајќи ја предвид природата на нивната работа. И во оваа Единица има голем недостаток на човечки ресурси, но и соодветни обуки кои ќе го подигнат нивото на квалитет на нивната работа, како и инвестирање во нова, пософистицирана опрема согласно најсовремените технологии и практики“ издвои Тошковски.
Македонија
Пендаровски: Давкова си закажала дебата сама со себе на МТВ
После јавната бламажа на трите досегашни ТВ дуели, Гордана Силјановска Давкова сфати дека единствен начин да излезе како победник во тие јавни соочувања е да организира разговор со „празно столче“ во договор со јавниот сервис чии генерален директор со месеци е ангажиран во партиска кампања на ВМРО-ДПМНЕ, вели престедателскиот кандидат Стево Пендаровски отклако претходно неговата против кандидатка Гордана Силјановска Давкова објави коментар дека Пендаровски не се појавил на дебатата на националниот сервис МТВ.
„Инаку, терминот за дебатата на МТВ никогаш не беше договорен меѓу двата кандидати. Дебатата во понеделник на 6ти мај, на телевизија Канал 5, е последна која е потврдена од двете страни.
И покрај ниските морални и етички стандарди кои ги поставија до сега во кампањата, ова е ново дно кое ВМРО-ДПМНЕ и Гордана Силјановска Давкова го достигнаа, што може да ги изненади само оние кои не го познаваат начинот на делување на ВМРО-ДПМНЕ и на нивната партиска кандидатка“, реагира Пендаровски на прозивките на Давкова.
Македонија
Сиљановска-Давкова до Пендаровски: Ќе дебатирам со празно столче, последната дебата е закажана за понеделник
Кандидатката за претседателка на ВМРО-ДПМНЕ, Гордана Сиљановска-Давкова со свој коментар на социјалната мрежа X, по повод отсуството на противкандидатот Стево Пендаровски на тв-дебата на Македонската телевизија.
“Вчудоневидувачки е како во најзначајната претседателска дебата пред националниот сервис, Македонската телевизија, јас ќе дебатирам со празно столче“, напиша таа.
Не разбирам, вели Сиљановска-Давкова, зошто мојот противкандидат (@SPendarovski) им оневозможи на граѓаните повторно да ги соочиме нашите програми и ставови.
„Би сакала да го потсетам господинот Стево Пендаровски дека последната дебата е закажана за понеделник, па го повикувам да се одважи и да се појави пред мене и пред граѓаните на Македонија.
Основна задача на шефот на државата е да гради консензус преку дијалог со сите“, пишува Сиљановска-Давкова на социјалните мрежи.
Доби и одговор од нејзиниот против кандидат Стево Пендаровски.
„Давкова си закажала дебата сама со себе на МТВ“, реагира Пендаровски на социјалните мрежи.