Канадската полиција го истражува минатото и активностите на канадскиот државјанин, 32-годишниот Мишел Зихаф-Бибо кој се преобратил во исламот и кој е осомничен за пукањето во зградата на праламентот во Отава во средата, а премиерот Стефен Харпер порача дека овој напад нема да ја застраши земјата и оти ќе ги удвои напорите во борбата пртови терористичките организации во странство.
 

Канадската полиција го истражува минатото и активностите на канадскиот државјанин, 32-годишниот Мишел Зихаф-Бибо кој се преобратил во исламот и кој е осомничен за пукањето во зградата на праламентот во Отава во средата, а премиерот Стефен Харпер порача дека овој напад нема да ја застраши земјата и оти ќе ги удвои напорите во борбата пртови терористичките организации во странство.

Вооружениот маж упадна во зградата на канадскиот парламент а многу куршуми биле истрелани во близина на просторијата во којашто премиерот Стефен Харпер имал обраќање пред парламентарците, по што напаѓачот идентификуван како 32-годишниот Мишел Зихаф-Бибо е убиен. Само неколку минути пред пукањето во зградата на парламентот, од огнено оружје пред споменикот на канадските жртви во војните во центарот на главниот инаку мирен град Отава беше ранет канадски војник кој подоцна во болница им подлегна на повредите.

Според канадските медиуми, вооружен мажот отворил оган кај споменикот каде што погодил и ранил војник, а потоа побегнал во блиската зграда на парламентот од каде што се слушнале најмалку 30 истрели, каде што и бил убиен. Се претпоставува дека дејствувал со уште најмалку тројца соработници кои се во бегство., пренесува AFP.

Полицијата во Отава соопшти дека засега е прерано да се зборува дали истото лице е одговорно за двата напада. Премиерот Харпер, исто така, изјави дека сé уште не е познато дали вооружени напаѓачи имале соучесници, но истакна дека Канада никогаш нема да дозволи да биде заплашувана.

„Тоа ќе ја зајакне нашата решителност и ќе ги удвои нашите напори и напорите на безбедносните служби да ги преземат сите потребни чекори за да се идентификуваат и спречат заканите“, изјави Харпер во обраќањето до нацијата во средата доцна навечер по локално време.

Убиството на канадскиот војни е веќе втор ваков инцидент за кој постојат сомневања дека се поврзани со исламистичките милитанти. Претходно во понеделникот преобратен во исламот Канаѓанец во близина на Монтреал со автомобил прегази двајца канадски војници при што еден од нив почина.

Двата напада се одиграа откако Канада објави на почетокот од октомври дека ќе испрати шест авиони во мисијата за воздушните напади против џихадистите од Исламската држава кои контролираат третина од Ирак и третина од Сирија, територии на кои во јуни годинава прогласи ткн „исламски калифат“. Премиерот Харпер изјави и дека Канада сега „ќе ги удвои своите напори во соработката со сојузниците низ целиот свет и во борбата против терористичките организации“.

Канадската полиција инаку и во четвртокот не потврдува дека убиениот напаѓач е Мишел Зихаф-Бибо. Меѓутоа, високи извори од американската влада за агенциите наведуваат дека станува збор за лице родено како Мишел Жозеф Хол, кој го променил името.

Двајца американски функционери истакнале дека американските разузнавачки агенции биле информирани дека осомничениот е канадски конвертит во исламот и дека станува збор за жител на франкофонската покраина Квебек. Канадската безбедносно-разузнавачка агенција не сакала да ги коментира за медиумите наводите за идентитетот на напаѓачот.

Ниедна група, било исламистичка било некоја друга, засега не ја презема одговорноста за нападите врз канадските војници во Отава и претходно во Монтреал.

Агенцијата Reuters наведува дека Зихаф-Бибо веќе имал неколку судири со канадската полиција во Квебек. Судски записи, имено, укажуваат на три случаја од 2004 година во коишто е вклучен и Зихаф-бибо кога ја признал вината за две кривични дела поврзани со дрога и е обвинет за непочитување на судијата.

Весникот The Globe and Mai, пак, повикувајќи се на свои безбедносни извори, истакнува дека канадската влада неодамна 32-годишниот Мишел Зихаф-Бибо го прогласила за патник од висок ризик и му ја одземала патната исправа.

Американскиот претседател Барак Обана го карактеризираше пукањето во Отава како „трагичен случај“ и ја истакна потребата од засилена претпазливост против насилството и тероризмот. Обама на брифингот со новинарите во Белата куќа изјави дека нема информации за мотивите за нападот, како и дека напаѓачот бил дел од поширока мрежа. Ја нагласил потребата од заедничко дејствување на двете земји. „мислам дека е многу важно да препознаеме, кога станува збор за борбата против терористичките активности, дека Канада и САД мораат да бидат сосема усогласени“, изјавил. Обама во телефонскиот разговор со Харпер му понудил помош.

Американски функционери истакнуваат дека не постојат индиции дека сличен напад се случил во САД, но ги повикуваат Американците на засилена внимателност. Функционер на американското министерство за татковинска безбедност изјавил дека немало сигнали дека настаните во Канада се закана за САД./крај/мф/сн

Извор: Макфакс