Македонија
Жалбата на Јанкулоска го одложи одлучувањето на Врховен за затворот на Груевски
Врховниот суд втор месец не може да одлучува по жалбата на осудениот бегалец, Никола Груевски, бидејќи списите за предметот „Тенк“, во раздвоената постапка за ексминистерката Гордана Јанкулоска се доставени на одлучување во Апелациониот суд, потврдија од кривичниот суд „Макфакс“.
Тоа значи дека додека скопска Апелација не одлучи за жалбaтa на Јанкулоска, врховните судии не ќе можат да одлучуваат за барањето на Груевски за вонредно преиспитување на пресудата.
Апелациониот суд на 19.10.2018 година ја доставил правосилната пресуда за случајот „Тенк“ за експрмиерот и поранешен лидер на ВМРО-ДПМНЕ, Никола Груевски, до Основниот суд Скопје 1.
„На 16.11.2018 година како суд го известивме Врховниот суд на Р. Македонија дека првостепениот суд се` уште постапува по истиот предмет и тоа по изјавен редовен правен лек – жалба, поднесена од обвинетата Г. Ј. на која ѝ се суди во раздвоена постапка“, велат од кривичен за „Макфакс“.
Според образложението на судот, приоритет има редовниот правен лек наспроти вонредниот и предметот од раздвоената постапка заедно со списите од конкретниот предмет се доставени по жалба на надлежно одлучување во Апелациониот суд во Скопје на 19.11.2018 год.
Судот го известил Врховниот суд дека може да достави и фотокопии од предметот со што побрзо би се создале услови за постапување и по вонредниот правен лек, но до овој момент нема повратен одговор.
Од судот велат дека веднаш штом списите од предметот се вратат во судот, тој ќе биде доставен на надлежно постапување по вонредениот правен лек до Врховниот суд.
Некои од адвокатите кои го бранеа Груевски во овој предмет за „Макфакс“ рекоа дека станува збор за раздвоени постапки со решенија на првостепениот суд и дека не е оправдување тоа што списите за предметот се во Апелациониот суд на одлучување. На тој начин, велат тие, му се повредува правото на осудениот за навремено одлучување по вонредниот правен лек до највисокиот суд.
Апелациониот суд во октомври 2018 година објави дека ја потврдил првостепената пресуда за Груевски за противзаконито влијание за набавка на екстралуксузниот „мерцедес“. Неколку дена подоцна судијката Добрила Кацарска ја осуди ексиминистерката Гордана Јанкулоска на казна затвор од 6 години за злоупотреба на службената положба и овластување за набавката на истото возило.
Скопска Апелација сè уште не закажала седница за да одлучува за жалбата на Јанкулоска.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Одлуки за учество на припадници на Армијата на вежби во Германија, Бугарија, Косово
Владата на денешната седница донесе и повеќе одлуки на предлог на Министерството за одбрана, меѓу кои и за испраќање на припадници на Армијата на Република Северна Македонија за учество на вежбата „BEYOND HORIZON 24“, во Република Бугарија, за испраќање на припадници на Армијата на Република Северна Македонија за учество во НАТО операцијата „КФОР“ во Република Косово и за испраќање на припадници на Армијата на Република Северна Македонија за учество на вежбата „Combined Resolve 24-2“ во Сојузна Република Германија.
Македонија
Личните документи ќе можат да се подигнат и в среда, извести МВР
Во пресрет на претстојните Претседателски и Парламентарни избори што ќе се одржат утре, Министерството за внатрешни работи ги известува граѓаните дека Одделот за граѓански работи, односно сите отсеци за управни работи на оваа организациона единица при МВР на 08.05.2024 ќе работат за издавање на лични документи со работно време од 08.00 до 19.00 часот.
„Исто така ги известуваме граѓаните дека сите барања за лични карти кои се поднесени до 03.05.2024 година, се веќе изготвени и граѓаните можат да ги подигнат“, соопшти МВР.
Македонија
Пронајдени три полуавтоматски пиштоли и 139 куршуми, ОЈО Велес отвори истрага за недозволено држење оружје
Основното јавно обвинителство Велес донесе Наредба за спроведување истражна постапка против едно лице за кривично дело – Неовластено изработување, држење, посредување и тргување со оружје или експлозивни материи од член 396 став 5 во врска со став 3 на Кривичниот законик.
„При претрес во домот на осомничениот во селото Мелница, општина Чашка, полицијата пронашла поголемо количество оружје и муниција – три полуавтоматски пиштоли и 139 куршуми со различен калибар. За осомничениот поднесен е предлог за определување мерка притвор“, соопшти Обвинителството.
ОЈО Велес продолжува да постапува и да презема дејствија за проверка на сомненијата за изборен поткуп во однос на овој осомничен и на уште едно лице во велешко кај кое во текот на вчерашниот ден беа извршени претреси, се додава во соопштението.