Македонија
(Видео) Комисијата за политички систем даде зелено светло Петров да собира потписи за нов референдум
Со 8 гласа „за“ и еден „воздржан“, Комисијата за политички систем ја прифати иницијативата на Тодор Петров за собирање потписи за распишување нов референдум за името со прашањето: „Дали сте за Република Северна Македонија“.
Подносителот на иницијативата за нов референдум рече дека со иницијативата граѓаните ќе ја проверат претходно донесената одлука на Собранието на 11 јануари за промена на името во Северна Македонија.
„Со измената на Уставот со амандманот 33 направен е обид за промена на името во согласност со спогодбата Димитров-Коѕијас, која де јуре не постои“, рече Петров.
Тој се повика на референдумот од 30 септември и на заклучокот на Државната изборна комисија, која констатира дека не е донесена одлука.
Иницијативата, според него, е уредна, иницирана по предлог на 179 граѓани и ги исполнува сите услови во согласност со Законот за референдумот.
Самка Ибраимовски рече дека не може да се прават екскурзии и желботеки, кој сака и како сака да бара поправен испит. Според него, тоа што гласале над 600 илјади луѓе на 30 септември го прави референдумот успешен и затоа не требало повторно да има референдум. „Не треба да се прават дополнителни трошоци“. Ибраимовски рече и дека опозициската ВМРО-ДПМНЕ стои зад предлогот на Тодор Петров.
Пратеникот од опозициската ВМРО-ДПМНЕ, Зоран Илиоски, рече дека иницијативата е уредна и дека не трбе да се шири дискусијата, туку да се задржи расправата за тоа дали предлагачот доставил уредна иницијатива.
Ако претседателот на Собранието даде мислење дека иницијативата на Петров е уредна откако ќе ја извести ДИК, подносителот има рок од три месеци да собира потписи. Петров очекува постапката за собирање потписи да почне од 15 февруари.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
ДИК ги соопшти местата на кои ќе се прегласува на 22 мај
Државната изборна комисија (ДИК) денеска, на 105. седница, едногласно го усвои предлогот да се повтори гласањето во Изборната единица (ИЕ) 5 на избирачките места 1470/1 и 1470 во Општина Долнени, 1.194 и 1.202 во Општина Крушево, 1844 во Општина Струга и 1272 во Општина Охрид, како и во ИЕ 6 на избирачкото место 2101 во Општина Желино. Гласањето ќе се одржи идната среда, на 22 мај 2024 година.
ДИК на седницата ги разреши и претседателите на избирачките одбори, членовите и нивните заменици во избирачките места 1470/1 и 1470 во Општина Долнени, 1194 и 1202 во Општина Крушево, 1844 во Општина Струга, 1272 во Општина Охрид и 2101 во Општина Желино.
Со оглед дека се кратки роковите за избор на нови избирачки одбори, за да биде регуларно прегласувањето, општинските изборни комисии (ОИК) ќе треба да ангажираат некои од веќе постојните избирачки одбори, или од најблиските избирачки места или некои други, и за тоа ќе треба да достават известување до ДИК.
Кампањата за повторното гласање ќе трае до понеделник, 20 мај, 00.00 часот. Притоа, ќе важат истите листи за болни и немоќни лица, ќе нема можност да се пријавуваат нови.
Според ДИК, има можност за измени и предлози за овластени претставници на кандидати. Тоа важи и за членовите на избирачките одбори кои се предложени од политичките партии.
Македонија
Кацарска ја чува обезбедување, денес добила закани дека „страшно ќе одговара“
Непознато лице денеска напладне во близина на ТЦ „Рамстор“ во центарот на Скопје вербално и се заканувало на претседателката на Уставниот суд, Добрила Кацарска. По инцидентот интервенирало нејзиното обезбедување.
„Полициски службеници од полициската станица Центар денеска во 14:00 часот го лишиле од слобода В.П.Г. (57) од Богданци, постапувајќи по претходна пријава дека во угостителски објект во трговски центар на подрачјето на Центар во Скопје упатил закани кон Д.К.(67) од Скопје со зборовите ‘ќе одговараш, страшно ќе одговараш’. Лицето било задржано во полициска станица и по целосно документирање на случајот во координација со јавен обвинител против него ќе биде поднесена кривична пријава по член 144 од Кривичниот законик“, соопшти МВР.
Пред неколку дена во подземна гаража на зграда во Центар пронајдени се импровизиран кревет и кујнски нож на гражаното место на Кацарска.
Од МВР потврдуваат дека известен е јавен обвинител, предметите се подигнати за вештачење и се преземаат мерки за расчистување на случајот.
Македонија
Утре затворени неколку улици во Скопје
Утре од 08.30 до 12.30 часот, поради одржување на натпревар „Стопански триоги триатлон”, со стартно-целна позиција кај Спортскиот центар „Борис Трајковски” во дел од градот ќе има изменет режим на сообраќај, соопшти СВР Скопје.
Посебниот режим на сообраќај ќе опфати дел од уличната мрежа околу СЦ „Борис Трајковски” и дел од булеварот Илинден (десна коловозна лента), потоа на потегот од крстосницата со булевар 8 Септември до крстосницата со улицата Никола Парапунов и обратно.
Утре исто така со почеток во 09.45 часот, поради одржување на спортско-рекреативен настан „Прв до врв” ќе има посебен режим на сообраќај во делот од градот каде што ќе се реализира манифестацијата.
Настанот почнува пред Музеј на град Скопје – улица Св.Кирил и Методиј, потоа лево по булеварот Св.Климент Охридски, во продолжение право по булеварот Мајка Тереза, па лево по улицата Тодор Александров и по локалниот пат за Средно Водно до врв на Водно („Милениумски крст”).