Свет
Белата куќа остана без готвачи, Трамп нарачува хамбургери за гостите
Американскиот претседател Доналд Трамп нарачува хамбургери и пици од Мекдоналд“ за гостите во Белата куќа поради блокадата на владата. Владата на Соединетите Американски Држави се наоѓа под најдолга блокада во историјата поради неусвојувањето на буџетот за тековната година, а повеќе од 800.000 јавни службеници се принудени на неплатена работа или на неплатен одмор.
Поради блокадата на владата, и во Белата куќа многу службеници не доаѓаат на работа вклучувајќи го и персоналот задолжен за храната.
Би-би-си објави дека првиот човек на САД, Трамп, во Белата куќа примил фудбалски тим што ја освоил титулата шампион на универзитетската лига и дека во таа пригода порачал повеќе од 300 хамбургери, пица и порфија од порции помфрит.
Трамп изјави за новинарите дека со сопствени пари ја платил храната со која ги почестил гостите бидејќи владините пари се под блокада.
До блокадата на американската влада дојде поради барањето на Трамп да се издвојат средства за изградба на ѕид на американско-мексиканската граница.
Најдолгата блокада на Владата би можела да потрае бидејќи нема навестувања дека Трамп и демократите се подготвени за заемни отстапки и компромисно усвојување на буџетот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Белгија издвојува девет милиони евра за украинската енергетска инфраструктура
Белгија ќе додели дополнителна помош од девет милиони евра за да придонесе за поправка на оштетената енергетска инфраструктура во Украина, најави белгиската министерка за развојна соработка, Каролин Генез.
„Преку ОН, Белгија ќе придонесе за поправка на енергетската инфраструктура околу градот Харков, кој сега секојдневно трпи бомбардирање од руската армија. Со воена поддршка, овие средства ќе помогнат да се изгради отпорноста на Украина“, рече министерот, пренесува RTBF.
Според неа, Белгија ќе одвои средства за поддршка на проекти во рамките на Програмата за развој на Обединетите нации, која е специјализирана за економски развој.
Свет
Генералното собрание на ОН го повика Советот за безбедност да ја прими Палестина за членка
Генералното собрание на Обединетите нации ги зајакна правата на Палестина во рамките на организацијата и повика таа да биде прифатена како членка, пренесува Би-Би-Си.
Палестина има статус на земја-набљудувач не-членка од 2012 година, што дозволува некои права помалку од полноправна членка.
За членството може да одлучува само Советот за безбедност на ОН.
САД неодамна ставија вето на кандидатурата за полноправно членство, но гласањето денска може да се смета како гест на поддршка за Палестинците.
Палестинскиот претседател Махмуд Абас ја поздрави резолуцијата, велејќи дека таа ги поддржува палестинските напори за уште едно гласање за ова прашање од страна на Советот за безбедност.
Свет
Шпанија, Ирска и Словенија ќе ја признаат Палестина на 21 мај
Шпанија, Ирска и Словенија планираат симболично да ја признаат Палестинската држава на 21 мај, изјави шефот за надворешна политика на ЕУ, Жозеп Борел.
Тој го потврди датумот во интервју за шпанското јавно радио, откако ирскиот јавен радиодифузен сервис РТЕ објави дека тоа е моментот кога сите три земји планирале да дејствуваат.
Словенечката влада вчера соопшти дека донела декрет за признавање на палестинска држава, што ќе биде внесен во нејзиниот парламент до средината на јуни.
Потоа, најверојатно ќе има повеќе нации што ќе го следат примерот бидејќи и Белгија одлучи да го стори тоа, додаде Борел.