Спорт
Браќата Јаја и Коло Туре повторно заедно, во Селтик?
Екс-капитенот на Манчестер Сити, Јаја Туре е во преговори за премин во тимот на шкотски Селтик, информираат медиумите на Островот. Тој на крајот на минатата година беше отпуштен од грчки Олимпијакос поради лошата форма во која се наоѓаше.
Во Селтик нас…
![](https://makfax.com.mk/wp-content/uploads/2019/01/9c029f8e4683cf5da705626e86de4691-1.jpg)
![epa05961092 Manchester City's Yaya Toure reacts during the English Premier League soccer match between Manchester City and Leicester City held at the Etihad Stadium, Manchester, Britain, 13 May 2017. EPA/PETER POWELL EDITORIAL USE ONLY. No use with unauthorized audio, video, data, fixture lists, club/league logos or 'live' services. Online in-match use limited to 75 images, no video emulation. No use in betting, games or single club/league/player publications](https://makfax.com.mk/wp-content/uploads/2019/01/9c029f8e4683cf5da705626e86de4691.jpg)
Екскапитенот на Манчестер Сити, Јаја Туре, е во преговори за премин во тимот на шкотски Селтик, информираат медиумите на островот. Тој на крајот на минатата година беше отпуштен од грчки Олимпијакос поради лошата форма во која се наоѓаше.
Во Селтик настапува родениот брат на Јаја, Коло Туре, кој заедно со него настапуваше и кај „граѓаните“.
„Селтик е голем клуб, но пред конечната одлука морам да разговарам со Роџерс (Брендон Роџерс, тренерот на Селтик) и да ги видам плановите“ – изјави Јаја Туре.
Фудбалерот има три титули во Премиер лигата, освои 3 титули во Лига купот на Англија и во ФА купот, а замина од Манчестер по несогласувањата со тренерот Пеп Гвардиола.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
Пикси: Не бевме вреќа за удирање
![](https://makfax.com.mk/wp-content/uploads/2024/06/12326792.jpg)
Селекторот на фудбалската репрезентација на Србија, Дрган Стојковиќ Пикси, во првата изјава рече дека елиминацијата од ЕП не е неуспех.
„Жал ми е што не го направивме тој чекор понатаму. Исклучително сум горд на момците. Се бореа, дадоа се од себе, но така е во фудбалот“, започна Пикси и потоа го коментираше мечот со Данска.
„Тежок натпревар, 50-50 во сите параметри. Направивме се за да одием понатаму. Не се резилевме, никој не не победи со 5:0 па ни се смеат и да не навредуваат. Не заслуживме да загубиме од Англичаните. Другите два натпревари беа тешки, тактички и резултатски. Знаев дека вечерва нема да имаме шанси, кави што имавме против Словенија. Вечерва не постигнавме гол. Одиме понатаму со кренати глави. Момците ги заслужуваат сите честитки за нивниот напор’, рече Пикси со напомена дека еден гол решил кој ќе оди во нокаут фазата.
Спорт
Српските фудбалери со концерт од свирежи испратени од стадионот во Минхен
![](https://makfax.com.mk/wp-content/uploads/2024/06/12327019.jpg)
Фудбалската репрезентација на Србија го заврши настапот на Европското првенство. Во конкуренција на Англија, Данска и Словенија, Србите освоија два бода и завршија на последното место во групата.
Во последното коло, на Србите им требаш победа над Данска, но не успеаја. На крајот од натпреварот со концерт од свирежи беа испратени од околу 30.000 свои навивачи на стадионот во Минхен.
Репрезентативците на Србија по завршувањето на натпреварот сакаа да им се заблагодарат на повеќе од 30.000 српски навивачи кои ги бодреа, но добија свирежи, навреди, а во еден момент навивачите фрлаа пластични чаши кон нив.
Спорт
Ц групата го изедначи негативниот рекорд на ЕП
![](https://makfax.com.mk/wp-content/uploads/2024/06/12326963.jpg)
На шест натпревари во групата Ц, во која партиципираа Србија, Англија, Словенија и Данска, беа постигнати само седум гола, што на ЕП се случило само уште еднаш од воведувањето на групната фаза (1980).
Во првото коло Англија ја победи Србија (1:0), а Данска и Словенија ремизираа (1:1). Во второто Словенија и Србија, односно Данска и Англија одиграа 1:1. Последното трето коло во оваа група донсе два натпревари (Србија-Данска и Словенија-Англија) без голови.
Претходно, во 2016 година беа постигнати седум гола. Интересно и тогаш во прашање беше Ц групата. На ЕУРо 2016 во Франција во групата играа Германија, Полска, Северна Ирска и Украина.